Ruzante (Ruxante), poeta e comediagrafo veneto del 1500, dito Beolco
(en lengoa veneta çitadina, variansa pavana):
http://it.wikipedia.org/wiki/Ruzante
UNA LETTERA QUAL SCRIVE RUZANTE A UNA SO MOROSA
Perché a’ no vorae mé che i solfezaore del mondo aesse che dire, a’ no vuogio fare con fa çierti cogòmbari, che mostra de saere e de avere stugiò, e co’ i manda na boletina o na scritura a qualcun, i ghe favela da zenoín, i ghe favela tosco con se fa in Fiorentinaría, e da spagnaruolo, a la politana, e a la slongarina e a la soldarina, con fa i soldè, ch’a’ dissè dertamen i n’ha mé magnò nomé libri e stratuti. E man vielòndena i scomenzerà a sprolicare; «Madona Segnora, che a’ poi fare, la quale mi hano tanta duogia, la Segnoria Vostra, aiare la vita mia, a’ me rebuto a vu, ché a’ sonte spassionato fieramente per amore de quela fería che mi hano passato lo core ». E cossí va drio po qualche filatuoria longa e inse fuora del so derto rengare e de la so bona lengua; che negu[n] no g’intende, e sí i lo fa mo per mostrare de saere e per levarse in sopierbia, com diganto che gi è stè per lo mondo, e, com che dighe i solferati che no mori mé, i gi trogna e ven calefè da ogn’om, perché gi ense fuora del so naívo favelare e vol favelare a la folestiera. E vu spontezè’.
O cancaro, el me ven pur da riso. Mo mi, mo mi, per n’esser spontò, a’ non he vogiú fare com i fa igi, perché, com a’ foesse stò spontò, a’ non arae bú pí ponta, intendíu? Mo a’ ho vogiú, e si m’ha sempre mé piasù, favelare a la pavana com se fa in sul Pavan, na bota, perché l’è e1 pí sbraoso favelare che zape Talia, elo. Tuò, guardè un puo’ mo se l’è an vero: vegna de che man cancaro genarazion se vuogia da lonzi, igi ne ‘ intende nu e nu no g’intendón igi. Mo che vol dire? Perché a rengare com a’ fagón nu del Pavan, el tira pí al naturale ca agno altra sparlaúra e muò de rengare che sipie. Tuò mo, ch’a’ v’in vuò dire un’altra: che vol dire che i Toischi zentiluomeni de Toescaria e d’agno fata manda suò figiuoli in sul Pavan a stare con questo e con quel’altro’, inchiamentre per famigi,………..