Parteçipar al filò, faxì el piaser
viewtopic.php?f=51&t=237
Se ve iscrivì, metighe pur on menda o nick ma fe saver a tuti ki ca sì, prexentandove coà drento col vostro nome e cognome (ma en vanti mandeghe na boletina o email al ministrador de filarveneto, kel posa verefegar ki ca si e dapò ativarve se si boni amighi o boni omani co creansa), kive gnaon el ga gnente da scondar.
Sto filò lè on logo veneto e no talian, prasiò xe gradia o gradesta la lengoa veneta pì ke coela taliana; se si veneti o foresti en Veneto e no savì la lengoa veneta faxì on sforso par enpararla e se si foresti e vivì fora del Veneto e no cognosì la lengoa veneta podì doparar anca el dialeto talian dito lengoa taliana.
No ne fa piaser ke on veneto el parteçepè a sto filò doprando el dialeto talian o lengoa taliana.
Naltri consideremo la lengoa veneta pì adata ai veneti e tanto pì mejo de coela taliana ke tegnemo come "lengoa soçalmente sotana o coulturalmente enferior al pari del latin".
Le lengoe taliana, latina e grega no le ga gnente de mejo de la lengoa veneta e no se tolera li grandesoni ke favela talian, latin e grego e ke sprèsa el veneto e ke li xe cusita soço-etnorasisti e 'gnoranti da ciamàr dialeto la lengoa veneta.
Ki ke vol parteçepar a sto filò e kel se ga iscrito con on menda (nick), el mande li so veri dati personali, par farne cognosar ki ke lè a sto dres kive:
alberto951@interfree.it
Naltri prefaremo saver ki ke xe coeli ke ne vien par caxa no se fidemo de i fantaxmi sensa nome.