Siti de veneti ke li trata de coultura e poledega venete ma fati en lengoa taliana, par 'gnoransa de la lengoa veneta o par sprèso de la mema, tegnesta en scarsa considerasion e sotana del latin e del talian, a torto o par prejudisio, credeste lengoe sorane (superiori).
(Anca se li scrivese par la xente ke no cognose la lengoa veneta li podaria meterghene drento coalke parola e coalke toketin, cusì ki ke no la cognose li la enpara e li ghe ciàpa confidensa ... o ghe fala spùsa sto a la naxa?)
Vivere venetohttp://vivereveneto.comEuropa veneta Eu Veneta
http://www.europaveneta.orgPar purpio ke sti kive de Europa Veneta li prefarisa el latin e el talian a la lengoa veneta e ke li tegna coesta come na lengoa sotana e na scartina.
Par anca ke par luri el Veneto e i veneti li sipia lomè Venesia e i venesiani; i crede ke la storia veneta la sipia lomè coela de Venesia, ... par ke no li gapie ocio par altro.
Li xe catolego romani e me par ke li creda ke Roma la tegna Dio par la cavesa. Li se ga dexmentegà ke pal pasa a Venesia ghe jera el dito ke luri, i venesiani, prima li jera veneti e dapò cristiani.
Li ga venerasion par le istitusion de la Repiovega Veneto-Venesiana (arestogratega e no demogratega) e poco enterese par la storia e le istitusion de la tera veneta en jeneral , de le lebertà e de le istitusion comounali; granda considerasion par la vecia Roma e i romani e gnaona par i xermani ke la xe ona de le nostre raixe venete pì enportanti.