capanòto sm piccolo capanno costruito sugli orti, piccolo caxon
Capitèlo sm topon. : campiello con capitello devozionale, che determina alcune zone della vecchia Sottomarina
A Marìna vècia - da la parte de S.Felice - a ghin è do de Capitèli :
cueo n Corte del Capitèo vècio
ke i ghe dixe Capitèo dei Néti
e cueo n Corte Granda , ke i ghe dixe Capitèo de la Corte-granda
Sto cuà l è méso pèzo de cueo dei Néti anca parké la Cortegranda l è deventà on parkejo pa le makine .. mi a ne sò come ke i faga a montarghe desora ca ghe sarà mèxo metro ma i ghe rièse, pur de nò parkejare so la marina..
Dentro a ghè el solito cuadro de la Madòna de Marina
co le so bèle mùfe ( a ghè de kele formasion de mùfe fra Cioxa-Marina ke i è artistike dalbòn)
Dentro al capitèo dei Néti invese anca el cuadro l è méso mejo
antsi i abonda lori, i ghe n à ben 2 ( e anca el papa-bòn)
Da la parte de la Cèxa de SanMartìn a ghi nè naltro de capitèi : el capitèo dei Berti
no so se dentro a ghè el so cuadro de la Madòna.. speren de nò ke ghe tocaria de stroparse le réce, pòra Madòna, ke lì visìn a ghè el Bar Schila pièn de bestemmiatori. I ghe va posta : i se mete lì col sprìts n man, i magna peòci e i bestéma sentsa incorzarse del tramonto sol Luxèntso.