Come se ciàmeli i parenti n LV?
àvo - àva / nòno - nòna
mare - pare /mama - popà
fiòlo - fiòla / fìo - fìa
fradèlo - sorèla
àmia - barba /zio - zia
zermàn - zermàna ( tel senso de 'cugini germani' e cioè 'cugini fratelli' parké i è fiòi de fradèi, de sorèe o de fradelo e sorèla; secondi zermàni inve'ze i è i fiòi de zermàni)
cuxìn - cuxìna (cugini da el ter'zo grado n là)
nevodo - nevoda / nèsa ( neoda femena)
marì(o) - mujère / (el me) òm - (la me) femena
misièr - madòna /suòcero - suòcera
zènare - niòra (spoxa)
cugnà - cugnà
sàntolo - sàntola
conpàre (d anèlo) ma no credo ca ghe sìa la comàre d anèlo
fiòso - fiòsa e
i fiòi d ànema, cuei ke ono el se tòe n ado'zion legale ma anca nò.
Parole misterioxe: xermàn - àmia - barba - nèsa e difàti ke i è fòra te on certo senso da la fameja de orijne o cuea ca vièn dopo.
A sén tuti fiòi de calkedùna, el resto i è solo ke ipotexi o almanco, de natura etimolojca. ma - la prima voxe, ma-ma , e dopo, ma tanto dopo a rìva el pa- (a comandare, a dire sto fìo cuà l è mio) e drìo man tuto el resto de i parenti co tuti i so nomi ke i se porta drìo.
La più misterioxa de tute: barba. Ki jèrelo el barba? Cueo ca portava la barba? ma tuti i òmeni i la ghea, la barba, e no credo ca ghen spetà i longobardi pa darghe el nome de Barba a la persona 'autorevole', cueo ca comanda ke caxomài l è el Pater nò el Zio.
Parké, come tel caxo de l barba-str(e)io a ghemo vù bixogno de ingraziarselo, dandoghe el nome de barba -, kel strìo, creatura notturna ke tanta paura la ne faxea? (e dalbòn ke i me fa paura mi i barbastréji). A sarìa stà pì lòjco ciamarlo àvo-a, nòno-nòna, ke cueo de sicuro el jera zà bèlo ke trapassato tel mondo de sù o de zo, nò el barba ke l podea èsare ancora vivo.
Bar-
