La coniuga'zion de l verbo

[Sixara]

La coniuga'zion de l verbo
viewtopic.php?f=82&t=1706

Come ke l canbia el verbo, te le persone, i modi e i tenpi a se dixe : coniuga'zion .

Co l verbo el se coniuga na parte la resta ferma e na parte la se mòve. La parte ca stà lè dita tema o raìxa; la parte ca và ( seconda de nùmaro, persona e modo) lè dita dexinen'za.

La raìxa a te la càti fòra cavandoghe la dexinen'za de l infinito presente. Par ex. el verbo partìr(e) lè fato de :
la raìxa part- e da la dexinen'za -ir(e). Elora se fa cusì :

v. part-ire :

mi a part- o
ti a te part-i
lu el part-e
ela la part-e
nantri a part-emo
valtri a part-ì
luri i part-e
lore le part-e.

La raìxa la res-ta, la dexinen'za la và.

Bòn.

Bòn gnente, ke sta roba cuà la fun'ziona solo ke co i verbi regolari - ke lè vera i è la pì parte de i verbi - ma ghè anca i verbi nò-regolari.
E cuei iè on fià pì rognoxeti, ca podarìa canbiare sia la raìxa ke la dexinen'za. Par ex. el v. (a)ndar(e) :

and- lè la raìxa, -are la dexinen'za ma se mi digo a vag-o, indo xela finìa la raìxa and-?

mi a vag-o
ti a te v-à (v-è)
lu/ela el/la v-à
nantri a 'ndemo (regolare)
valtri a 'ndè ('ndaxì) (regolare)
luri i v-à
lore le v-à

2 so 8 a ghe ne inbrokemo... iè on fià pokete, ma lè cusì co i v. irregolari, pa no parlare de i difettivi e impersonali cofà : càdare, piòvare, tenpestare,nevegare..., ke lì, se la ne và ben, a ghi n emo solo ke ona.

I fòra-regola pì conosésti e doparà i xe i AUXILIARI èsare e avere. Dato ke avér(e) a lo go zà méso, cuà meto el glorioxo v. èsare :

mi a so
ti a te sì
lu el xe (l'è)
ela la xe (l'è)
nantri/nantre a semo
valtri/valtre a sì
luri i xe (è)
lore le xe (i è)

(variante polexana, ke de altre mi no sò ...)

Lè interesante porasè el v. èsare :
mi a so(n) e ti a te sì : no ghè problema - mi a te ri-conoso/ti te me ri-conosi a mi ;
el problema el ghè co la ter'za persona : lu/ela... ki xe-lo/la?
E danòvo : nantri a semo/valtri a sì ... ma luri/lore ki xe-li/le?

Mi a so - ti a te sì. Nantri a semo - valtri a sì.
Lu el xe/ela la xe . Luri i xe/lore le xe.

Femo l ex. col tedesco :
v. sein

Ich bin
du bist
er/sie/es ist
wir sind
ihr seid
sie sind

anca cuà a se ripete sto skèma de opoxi'zion :
Ich bin - du bist ma er/sie/es ist, e nò solo la ter'za pers. sing. ma anca plurale de prima, seconda e ter'za persona.

Benon.

[Sixara]

Cuatro le xe le conjuga'zion de i verbi regolari n LV (variante polexana) , cofà te la lengoa latina :

1. n -àre : magnàre, furfàre, spacàre

2. n -ére : vegnére, savére, tegnére

3. n -are : bévare, védare, crédare

4. n -ìre : morìre, partìre, sentìre

El participio prexente lè poco prexente, dire l vero, e l ga pì ke altro na fun'zion de ajetivo : i fighi pendènti, i pevaruni bekènti, el fiòlo obediènte, on codeghìn takènte ...

Ma el participio pasà cuelo nò, cueo a ghi n è anca màsa :

1. L è invariabile cueo de la prima conj. n -à, sia la forma atìva ke cuea pasìva : magn-à, furf-à, spac-à.
Bepi el ga magn-à, la Roxina la ga magn-à, naltri a ghemo magnà, valtri a ghì magnà, luri anca ...;
la bondola l'è stà magnà, i codeghini i è stà magnà....

2. L è invariabile anca cueo de la seconda conj., n -ù e - de le olte - n -esto : vegnù/vegnesto, savù-savesto, tegnù/tegnesto ; però na difaren'za la ghe xe pal pasìvo :
co te dòpari la variante n - esto, el participio el concorda co jenere e nùmaro cofà la Roxina l'è stà mantegnesta, a difaren'za de la Roxina l'è stà mantegnù, ke no la ghè la concordan'za.

3. L è invariabile anca cueo de la ter'za conj., co dexinen'za varia e co variante n -esto : lèto/lezesto, bevù/bevesto, visto/vedesto, credù/credesto, corso/coresto, conosù/conosesto...
Pal pasìvo, co se dopara - esto, el fa la concordan'za co jenere e nùmaro : el xe stà conosù, la xe stà conosù, i xe stà conosù, le xe stà conosù ma l'è stà conosesto, la xe stà conosesta, i è stà conosesti.

4. L è invariabile - co dexinen'za varia - co l vien servìo da l aux. avere cofà n : el ga spartìo i skei, le ga spartìo el capitale, ma col aux. èsare l è variabile e l concorda co jenere e nùmaro : el xe partìo, la xe partìa, i è partìi, le xe partìe.
Part-ìo, mòr-to, sent-ìo ( mi cuà no ghe ne farìa gnan ono col part. n - esto, forse sent-esto).

[Sixara]

Dixevimo ke ogni voxe verbale lè fata da 2 elementi : raìxa e dexinen'za. La raìxa - a regola - lè senpre uguàe e cuea ca canbia lè la dexinen'za MA
se na coalke voxe de la coniuga'zion de on verbo la canbia raìxa o la ghe zonta la dexinen'za difarente da l modèlo, elora el verbo n costion el vien dito irregolare o fòra-regola.

I fòra-regola i è manco de i regolari, però i ghè anca cuei : 'ndare, dare, stare, zugare, podére, volére, savere, dire, morire, tòre...

I verbi ca n intarèsa i è cuei de la 1. coniuga'zion n -àre, ke no i ghe và drio a la regolarità de la flesion n -esto de l part. pasà :
par ex. magn-àre, dàre, stàre, zug-àre ke no i fà el p.p. n - esto ( par cuanto ca me sfor'za nol me vegnarà mai fòra on magnà-sto, d-àsto, st-àsto, zug-asto) e cuei de 3. ke i ga senpre on èxito n - are, però sen'za acento, cofà : corare, monzare, crésare, desfrìzare, lèzare, métare, nàsare, onzare, pàndare, piànzare...
coanti no ghi n è ke i finìse n -are, come cuei de la 1. ma l acento lè so la parte de la raìxa, nò de la dexinen'za.

Elora sì ca pòso dire : corso/coresto, monto/monzesto, cresù/cresésto, desfrìto/desfrizesto, lèto/lezesto, méso/metesto, nato/nasésto, onto/onzesto, panto/pandesto, pianto/pianzesto...

Elora ghe xela o nò na regola, anca sa sémo drìo parlar de i fòra-regola?
Anca màsa e lè na regola de suòno, de come ke l sona kel acento lì ca sposto da na vocale a kelaltra :
magn-àre lè on verbo cusì-dito debole, parké l acento el ghe casca so la coa;
rìd-are lè on verbo dìto forte, ke l acento el ghe casca so la testa.
E pure ke i finìse tuti 2 n -are, a ben vard-àre.
Ma cuà no se trata de vard-àre ma de scolt-àre. Solo la recia la sente e la sà cueo ke bixogna fare : magnà e nò magnasto, vardà e nò vard-asto, scoltà e nò scolt-asto.
Però no stè ciaparla par lèje sta roba cuà ca digo : la vàe solo ke par mi forse, pa la me variante e la me maniera de intendarla.
Par mi e Sparapàn , ke da la so Gramatica a go sunà-su le robe ca go scrito.

Dognimodo, anca la Marcato la dixe ke
" è necessario tenere presente la distinzione fatta dai grammatici tra forme 'deboli' e forme 'forti'. Le desinenze in cui possiamo imbatterci sono -àto, -ìto, -ùto, participi convenzionalmente detti 'deboli' ( accentati sulla desinenza) e -to (piànto), -so (spàrso), (...) 'forti' ( con accento sulla parte tematica)."
(Marcato G., Parlarveneto, p.149)

Fòrte-debole... so còsa ca xe forte e còsa nò, bixon ca ghe pensa, ke anca n tedesco la ghè sta difaren'za.

[Berto]

Ma sta partexeła -esto ke ła pol esar anca -isto, -usto, -osto e forse -asto (da -aesto ?), doparà cofà na xonta dita dexinensa, da endoe saltała fora, xeła on toco de on verbo de aio (di ausilio) o on toco de parnome o de ajetivo o còsa pò ?

https://it.wikipedia.org/wiki/Verbi_latini
http://www.viaggio-in-germania.de/coniu ... verbi.html


El participio pasà n - esto
viewtopic.php?f=82&t=1633

[Sixara]

Ma sta partexeła -esto ke ła pol esar anca -isto, -usto, -osto e forse -asto (da -aesto ?), doparà cofà na xonta dita dexinensa, da endoe saltała fora, xeła on toco de on verbo de aio (di ausilio) o on toco de parnome o de ajetivo o còsa pò ?

Sa lo saése avarìa capìo tuto ma capìre no se pòe ( tel senso de carpire ) de na lengoa, de tute le lengoe, de come ca fun'ziona le robe, ke l è n Arcano grando e bixogna ke l resta cusì.
Ma le ghè de le spie linguistiche ca te orienta-dixorienta, dipende da còsa ca te sì drìo 'zercare:
-st- còsèla? a te dixi ... naltro (tòco de) verbo nò, secondo mi, pì fà'zie ke l sia on (toco de) pronome ojèto-sojeto, nò n ajetivo kel se tirarìa drio on nome pardavanti o pardedrio.
Nò, mi diria propio on pro-nome, a l posto de on Nome.
El modo de intendare le robe lè senpre cueo : a ghè on sojeto - on verbo - on ojeto. On sojeto ke l fa n a'zion so n ojeto ( o roèsa co l sojeto el deventa l ojeto).
Còsa xe pì nportante - a vòjo dire - còsa ghe dà el senso a cueo ca te vò dire? Ke sinò la resta na strìca de grafèmi tacà ono co kelaltro.
Cosagaivolestodirecoigascritomegodonasto...
ca son ncora cuà ca ghe penso.
(mego) -mi- (donas)-dago-(sto)-sta roba / (sto)- sta roba - (donas) -dà- (mego) - a mi -
Sojeto/ojeto/ Nom/Akk/Dat/verbo/pasivo/ativo/transitivo/intransitivo.

-st- come ca te vedi, n tedesco, el torna regolare te la seconda persona, ke no gh intarèsa de v.forti/deboli o còsa. Seconda persona e basta. Cueo el segna.

El parké de ste robe? Saver-lo.

[Berto]

???
https://it.wikipedia.org/wiki/Morfologi ... ndoeuropea


Par sta studioxa, cognaria çercar kì ente: ... "l’uscita - sto dei participi forti latini" ...
http://asit.maldura.unipd.it/documenti/ ... enello.pdf
4. Il participio in - ésto : una neoformazione veneta
Nel caso dei participi veneti in - ésto , invece, l’uscita - sto dei participi forti latini si diffuse, in veneto, ad altri verbi di II con., ma grazie all’inserimento della vocale tematica tonica - é - divenne un’uscita regolarizzante (alternativa a - ùdo ) e applicabile a tutti i temi verbali di II: - é-sto .

[Sixara]

Maschi-Penello co le dixe de l participio n -esto, le dixe anca ke lè " di recente formazione e diffusione".

Difati a pararìa ke :

"A giudicare anche dallo spoglio dei dati antichi riportato da Catoni (1947-48), -ésto sembra avere in Venezia il suo centro di irradiazione, con un massimo di fioritura nel sec. XVI, per poi regredire nella varietà urbana ed essere sentito sempre più come forma rustica.
Allontanandosi verso occidente si nota che la sua presenza, nei testi antichi come nelle moderne parlate, si va rarefacendo.
Ma nonostante la scarsa considerazione sociolinguistica, che lo spinse ad un certo momento fuori dalle mura cittadine, il part. pass. in -ésto ebbe, anche se limitatamente al veneto, una discreta fortuna, arrivando, come abbiamo visto per alcuni punti, a rimpiazzare la desinenza panromanza di II con., -UTU, e talvolta ad intaccare la III con. con la formazione della desinenza parallela -ìsto (dormisto), o la sostituzione di -ésto a -ì(d)o (dormesto)."

Elora mi a capìso : ke l part.pasà n -esto a se lo ga inventà i Vene'ziani;
ke l resto de i vèneti i se ranjava te naltro modo pa fare el p.p.;
ke dopo verlo portà fòra Venè'zia , i vene'ziani se gà incorto ke l jera màsa rustego e i lo gà xbandonà;
ke naltri ( ma nò tuti, i veronexi par ex. nò) vèneti de l contado - soradetuto la linea vixentina-padoàna-rovigòta - " nonostante la scarsa considerazione sociolinguistica" continuemo dopararlo.

Benon.

Ona i la dixe justa : sol discorso de t e s cofà marcatori de l pasà :

"Altri, di solito alternanti con le forme etimologiche, sono sorti ex novo (piasso, perso, riesso), o per sostituzione della consonante finale del tema del participio, marca di passato (-t), con l’altra consonante marca di passato (-s), come in vinto > vinso, o nelle forme antiche alternanti spanso e spanto “versato”, “profuso”, come mostrano gli esempi in (12)."

Tel caxo de l p.p. n -e-st-o a li ghemo tuti 2 : s+t; lè come se l participio n -st- el fùse on stra-participio, no sò sa me spiego.

Lore - cofà la Marcato - le se spiega kela secuen'za - st - cofà analojca, n aplica'zion a tuta na serie de verbi altri a confronti de i primi 2 - POS(I)TU - QUAES(I)TU - ke, a pararìa, i ghése dà el via a tuta l aplica'zion :

"Sono inoltre presenti poche forme forti in -sto (visto, risposto), che si sono costituite per analogia con participi in cui la sequenza -st- è etimologica: POS(I)TU, QUAES(I)TU.
Ricordiamo che lo stesso fenomeno si è verificato nell’italiano: a partire dai participi chiesto e posto, la sequenza -st-, reinterpretata come morfema participiale, si è estesa al participio di altri verbi, sostituendo o affiancando le forme etimologiche: visto14, nascosto, rimasto, risposto."

Ma mi no so convinta de tuta sta cadena de raxonamento ke le fà. E prima de latino e vene'zian come faxevimo a fare el participio pasà naltri cuà de la linea VI-PA-RO?
Secondo l Ascoli ( ke l signore el lo conserva) a se ranjavino col perfetto :

Scriveva l’Ascoli (1878:396):
“nelle letterature dialettali, e in ispecie nella veneta, ci è mostrato come il tipo ‘forte’ di perfetto si venisse largamente risolvendo nel tipo ‘debole’ [...]. Ora, ognun sa quanto sia stretto il vincolo fra il perfetto indicativo e il participio di perfetto [...]; dato codesto tralignamento del perfetto indicativo, la produzione di un nuovo participio si rende [...] pressoché inevitabile...”.

e da lì - senpre par via de i vene'ziani ke lori i la savea pì longa - a ghemo inparà fare anca el "participio di perfetto".

El perfèto?? No l existe el perfèto da naltri ( no sò Venè'zia) : a ghemo l in-perfèto cofà a magnavo; el conjuntivo inperfèto cofà ca magnése; el condi'zionale cofà a magnarìa e dopo? ... a ghemo el participio pasà magnà, da doparare co l aux. avere pa dire : mi a go magnà, mi a ghea magnà, mi a gavarò magnà, ca gàpia magnà, ca ghése magnà, a gavarìa magnà...
No ghè tràcia de on tenpo senplice pal pasà, intendesto cofà Preterito. Mangiai-mangiato

No lo sò se i è raxonamenti màsa etero-dòsi sti cuà ca me fago mi ma de cueo ke le scrive nò ke l sia da tòre cofà l òro, eh : co le dixe

"Facciamo notare che i verbi meteorologici nella varietà di Carmignano (come nella maggior parte dei dialetti veneti) ammettono sia l’ausiliare avere che l’ausiliare essere, sia che vengano usati come verbi meteorologici ‘puri’ (come in (14a-a’)), che come verbi di movimento (come in (14b-b’)).

Diamo le frasi di (14) con ausiliare essere in (i):
(i) a. Zé piovùo/piovésto tuta a note
b. Zé piovuà/piovesta sabia
Si noti inoltre che, a differenza del veneto, le corrispondenti italiane delle frasi in (14b-b’) ammettono solamente l’ausiliare essere come mostriamo in (ii) (cfr. anche Benincà/Cinque 1992: 155):
(ii) a. *Ha piovuto sabbia vs E’ piovuta sabbia
Tuttavia la scelta dell’ausiliare in veneto non sembra essere un fattore che influisca sulla forma del part.pass. (in -ùo o in -ésto)."

le mostra de no verghela pì " la consapevolezza della norma linguistica" : se n italian a se dopara solo ke l aux. èsare, n dialetto a se dopara-va solo ke l aux. avere.
Manco male ke dèso ( Carmignàn e dapartuto) a se ghemo mési dopararlo anca naltri l aux. èsare elora va tuto ben, a semo drìo a normalizarse.
Nò ke no và ben : ki ca dòpara l aux. èsare a l posto de avere ( te kei exenpi lì de piòvare sabia o gati) el pensa de far justo ma el xbalia, el fà n adamento a la lengoa italiana.

E mi penso ke la sièlta de l auxiliare - a difaren'za de cueo ke i dixe - la gà inportan'za, e la podarìa anca condi'zionare la forma'zion de l participio pasà. Parké no la dovarìa? Parké se fa ( e se dixe) le robe a caxo?

[Berto]

Sixara te ghè na bona testa, me piaxe parké te me aii (da aiar/aiare/aiutare) a capir le robe. A so contento k'a te sipi ki a farme conpagnia. Co ti a me sento entel çeleste enteleto.

[Sixara]

Solo parké a ghe digo-sù i vene'ziani
ca ghe vòjo màsa bèn inve'ze.