Avére

Avére

Messaggioda Sixara » ven mag 29, 2015 6:11 pm

Ghìo mai pensà, valtri, a come ca lo doparémo el verbo avére come ausiliare te i tempi composti al passato?
Nòo... bè xe ora, ke naltri a lo doparemo n maniera difarente da l italiàn.

Intanto pa scumi'ziare ve meto on poki de tenpi senplici mìi, a vojo dire variante polexana :

Presente

mi a go
ti a te ghè
lu el ga
ela la ga
nantri/e a ghemo
valtri/e a ghì
luri i ga
lore le ga

Imperfetto

a ghea
a te ghìvi
el/la ghea
a ghìvimo
a ghìvi
i/le ghea

Ghe semo-gna? :)
( a sì, l interrogativa naltri a la femo cusì : gogna mi? ghèto ti, ga-lo lù, ga-la ela, ghegna ( ghemogna) nantri/e, ghìo valtri/e, ga-li/le luri/lore?
ghevegna mi? ghìvito ti - ghevelo lu - ghevela ela - ghìvino nantri - ghìvili luri - ghevele lore ?)

Bòn.

N lengoa vèneta a se dòpara l auxiliare avere anca dove ke n italiàn se dopara èsare; a lo doparemo cusì tanto ke a ghe lo metemo anca pal passato prossimo de l verbo èsare :D
o almanco Feltre-Belùn i dixe : do atu stat? pa indove si-to stà e ò stat par a so stà e no avarìa stat fora pa no sarìa stà fòra e via ndare.

Tuta la particolarità de sta roba cuà la se mostra co doparemo le forme composte de verbi intransitivi/transitivi :
a go corso ma anca a go corso via ( e nò 'a son corso via');
el ga costà màsa e nò ' el xe costa màsa;
el ga cresùo e nò 'el xe cresésto';
el ga piàso e nò ' el xe piaxesto'
ga scumisià piovare e nò ' xe scumisià piovare'
... altri exenpi...

Intendemose : nò ke nol se pòsa doparare l aux. èsare cusì come n italiàn MA vòto metare co l aux. avére...
ke cuea la xe la nostra peculiarità.

Avere co i verbi modali :
No go podesto andare
No l ga volesto vegnere

Avere co i verbi impersonali :
Me ga paresto (parso)
Ga bixognà andar
Me ga tocà ndare
Ga piovesto
Ga tenpestà

Avere co i verbi riflessivi :
Me go méso n testa
El se ga lavà
El se ga broà

Avere co i verbi pronominali :
El se ga negà
Se ga spanto la sale
La se ga indorme'zà
El se ga dotorà
El se ga vergognà
Me go vestìo
Te te ghè dexmentegà

G.Marcato, Parlarveneto, 2004,pp. 147-48

A vorìa farve notare ke n italian a se dixe :
Si è annegato
Si è rovesciato il sale
Si è addormentata
Si è laureato
Si è vergognato
Mi sono vestito
Ti sei dimenticato
no la ghe xe n alternativa avere/èsare, a se dixe cusì e basta. Pòri putìni, ca no ghe ne inbrocavimo ona. :(
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: Avére

Messaggioda Berto » ven mag 29, 2015 7:38 pm

Avèr e no Avére ?
Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 38318
Iscritto il: ven nov 15, 2013 10:02 pm

Re: Avére

Messaggioda Sixara » ven mag 29, 2015 8:03 pm

Berto ha scritto:Avèr e no Avére ?

La pronuncia di-to? Mi a digo avér(e) nò avèr(e)...
a lo sò ke valtri a lo dixì co la - e - vèrta :D
Avatar utente
Sixara
 
Messaggi: 1764
Iscritto il: dom nov 24, 2013 11:44 pm


Torna a Robe o coestion de ła nostra łengoa veneta

Chi c’è in linea

Visitano il forum: Nessuno e 2 ospiti

cron