Robe ke no va e da justar, robe perse, altre robe e lagnanse

[Berto]

Sixara no la cata pì el filon del polxe.

Lè kì:
Costumi o costumanse, vesti e bai de ła nostra tera

Peoci o polxi e altri bài
viewforum.php?f=26

[Sixara]

Podaria anca èsare : robe ca va bèn, apresamenti cofà:
manco male ke l à tirà via ke la màn-morta de kel sìmiòto..

[Berto]

Podaria anca èsare : robe ca va bèn, apresamenti cofà:
manco male ke l à tirà via ke la màn-morta de kel sìmiòto..

Sixara warda ke da sta man a riva la nostra!

[Sixara]

SETE! Sète utenti??
Nòoo.. no ghe credo!

E .. sète! Sète lanpi c'à bruxà Jerùxalème
sète drése de la Madona..

Sète! sète.

[Sixara]

Alberto.. te dirè ca ghi n ò senpre una.. ma le somexe de l avatàr i è màsa grande dèso
( o ke la callas l è màsa bèla )

eh la callas .. ke bèla dòna. Po' anca mexa-vèneta, pàre ke la ghese inparà parlar vèneto-veronexe.
Lè el me mito ( o uno de i me miti).

[Berto]

Sixara mi vago mato par le bele done, però lomè se le xe anca brave e bone (de cor e de carne) .

[Sixara]

NOVE
I nove 'doraduri che 'dorava el sole.. nòve!

si si i è propio nòve! beello.. ca sarìa i me sète pì 2 .. ki xeli?
Elora : sète : i sète lanpi c à bruxà Jeruxalème
òto.. le òto àneme te l Arca-de-Noè
e.. nòve : i 'doraduri ca 'dorava el sole

se gà xontà google-bot e.. dièxe!
( ma xeli finti? )

[Berto]

A so contento ke sto nostro filò el sipia segouio da coalkedon, vol dir ke coel ke femo/postemo no lè purpio da butar via, sperem de far senpre mejo e ke tuti coełi ke riva łi cate senpre calcosa de bon e de enteresante.
Speren ke rive anca coalkealtro a darne na man, a dar ła so contribusion.
Xe ke par vegner ki co naltri cogna esar on spirto lebaro e no ver dogmi, gnente prijudiçi, saver rajonar co la purpia cràpa, volerghe ben a la veretà, ver creansa par tuti i omani de la tera e no ver temansia de mostrar la purpia faça e de confrontarse; ma parsone cusì no se ghin cata tante!

Dapò a cogna parlar e scrivar en lengoa veneta e par farlo cogna volerghe ben, enpegnarse, studiar e soratuto sentirse veneto e sentir la lengoa veneta degna, ma degna sol serio e no par bagolo, par finta o par xugo e ki a casca el palco de tanti ke li prefarise el talian o el latin e ke considera el veneto na scartina, na lengoa da omani sotani.

[Sixara]

sentir la lengoa veneta degna, ma degna sol serio e no par bagolo, par finta o par xugo e ki a casca el palco de tanti ke li prefarise el talian o el latin e ke considera el veneto na scartina, na lengoa da omani sotani.

Eeh.. lè mìa fàsie , ma mi a le dòparo tute 2 le modalità : andecantebàli (bàgolo) e spiritualità (seria)

ma vardè sta dòna cuà dx ke spetacolo: l è drio metarse on recìn..

[Sixara]

Ke bèla kela pianta lì de la Cità de Rovigo. A ghevimo fato na mostra àni fa col CTG de Rovigo so l Castèlo e ghevimo meso diverse piante urbane : kela lì la jèra una de le pì bèle. El p.de.v. lè frontale, lè come sa te la vedési da SanBortolo e kele stradine lì le porta a i orti ke ghe jèra na olta fòra da le mura. La prima a sx la porta a na cèxa ke no me ricordo , kela n mexo la va drita al Dòmo e l oltima a dx la va a la Rotonda. A ghè zà el canpanile del Longhena.. de ke àno xela ? Dopo el 500..
A ga da èsare cèxa e convento de i frati ke i jèra fòra da le mura anca lori.