A se vede propio ca te sì el paron del formenton: parfìn fòra da i bordi el và el to avatar.. e mi me fa deventar màta co ke la mixeria de pixel
eh el canòva.. pensa ke co so ndà vedare la mostra a Forlì i voeva arestarme parké no jèro bòna de far de manco de tocarle le statue.. a ghe jèra amore e psiche ma cuea 'destirà' dixemo, nò 'stanti', e te ghe jravi ntornovia e ogni volta te pareva difarente. Bella, bèla. Bravo, bravo on fià a la volta te deventi paladiano-canoviano anca ti.
Mi a gò meso on auto-ritrato de Frida Kahlo, naltra ke , come l Canova, la me fa 'star male' dixemo.. ( ke l arte par mi no la ga da èsare 'consolatoria' ma sto cuà lè naltro discorso).
La Kahlo la jèra na gran artista ma l è stà mesa n onbra da somarìo, Diego Riveira ke la spece de gròso rospo, ke lù el jèra l artista uficiale. La ga fato na gran bruta vita, piena de soferenza fixica parké da ke la volta ke i la gà tolta soto on camion la ga dovesto farse no so cuante operasion.. e anca morale, ke kel rospo de somarì el ghe faxea on mucio de corni. Ela la jèra tedesca de papà e mesicana de mama, ghe piaxea vestirse co i costumi popolari dee mesicane. La jèra comunista-trotskista visto ke co Trotskji la ga anca da verghe vù na storia prima ke i lo copese a martelà n testa.