Avatar

[Berto]

A mi me par ke "me moroxa" se pol dir, se posa dir, anvençe "me conpagna e me amiga" no: "me moroxa la me conta le storie" ok, "me conpagna la me conta le storie" ?, "la me conpagna la me conta le storie" ok.

[Sixara]

Tute trè le te conta le storie ma te ghe credi solo cuee de to (a)moroxa
Bè, mi nò ca lo dirìa, né moroxo e gnanca conpagno o amigo.

[Sixara]

Bondì Alberto e Bòn Conpleano
Sì-to ndà al Santo, ke i è là ke i te spèta pa fare festa?
Ke òmo fortunà ca te ghè da èsare : de tredaxe a te sì nato, jorno fausto e de jugno, el mejo mexe de tuto l àno.
13.6. 19.. còsa fà? Conta ke dopo te digo.

Gràsie Sixara, -35 a 100.

[Sixara]

-25 a 100

Cosè ca vòe dire : "- 25 a 100" ? 75... 7+5= 12 ... dodaxe? 1+2=3 ... trè. A ga da èsare on nùmaro solo.
Par exenpio : 23= 2+3 e via ndare fin ca ghe ne resta UNO solo, e cueo l è el TO nùmaro.
E te pòi zugartelo a l lòto.
Bella giornata oggi: mio compleanno.

[Berto]

A go corexesto -35, me gheo fato pì vecio.
Te faso le feste par i to beli ani ca te li porti senpre ben, come s'a li fuse ornamenti de fiori e de erbe parfumà.

[Sixara]

Gràzie

E 'lora : i nùmari. I nùmari i stà dapartuto, come le letare, soradetuto dentro le letare ca fà el to nome e la to data de nàsita: cuei xe i to nùmari e letare ke i te ga dà.
13/6/19/51 digo bèn? ono e trè/ cuàtro/ siè/ ono e nòve/dièxe=ono/ 'zincoe e ono/siè/.
I to nùmari jè : 4/6/1/6 o anca 4+6=10 = UNO da nòvo e 1+6= 7 ke và ben, l è on bon nùmaro el sète.
A la fine mi dirìa : 1 e 6 ( ke pò, danòvo, a fa 7 ).
Belli, belli, a i go anca mi kei nùmari lì.
Le to carte i è cuée ke te ghevo zà méso : El Mago, la nùmaro I e L Innamorato, la nùmaro VI. Zontemoghe anca la VII El Carro e la VIII, La Giustizia ( ke l è el conto totale) : a te pòi stimarte, caro, e ndare pal mondo ca te sì te na bota de fèro.

[Sixara]

El dì ca te fè i àni bixogna fare robe bèle e bòne par ti e pa le persone fa ti: ndare vixitare la mostra de Le Meraviglie dello Stato di Chu, par exenpio.
Ke bèla, la mostra, e ncora de pì el muxeo arkeolojco de Este. Bèle esperien'ze tute do, però, sa tornése indrio a farìa prima la vixita al muxeo e dopo, pa ponsarme la mente, cuea a la mostra Chu co i strumenti muxicali e tuto cuanto ca ghe và drio de colori e profumi d incensi...
Belle. Ndèghe , fèvelo on regalo anca se nol xe el jorno de l vostro conpleano va ben istéso: Este e podopo in Adria e, magari anca, Venè'zia a el muxeo de arti orientali de Cà Pexaro.


NuvoleTuoni ( ghe li vedìo vàltri i tuòni? forse i se dovarìa sentire le tronà-el tron... le nuvole sì, ma i tuòni?)

( naltre, dir el vero, a jèrimo cusì stresà -dopo - ca sen 'dà drìte cronpàse on costume da ndare in spiàja, a testa ... basta co sti paleovèneti ... però, la donìna co i stivaìni, ke bèla)



upsidedown

[Sixara]

Bòn Conpleano Alberto
sì-to ndà al Santo ciapàrte la benedizion ? ossinò da Stàltra...



sì, forse, l è mèjo...

[Berto]

Sixara gràsie tante, me despiaxe parké mi ente tuti sti ani k'a se cognosemo no a te go mai fato li aoguri, te li faso isteso par ieri e par el doman e dopi.
Li me ga ciamà anca Antonio e Leone sensa dimandarme el parmeso; so i santi eco kive come k'a la penso:

I santi cristiani, gli angeli e gli spiriti protettori
viewtopic.php?f=199&t=2628

[Sixara]

Li me ga ciamà anca Antonio e Leone sensa dimandarme el parmeso; so i santi eco kive come k'a la penso:

Bè, Antonio nò tanto ma Leone l è pròpio on bel nome
Te sè, ono di laori pì inportanti da fare sol sè l è pròpio cueo de l Nome, e de l Cognome, anca.
Alejandro Jodorowsky, te la prefazion a l so oltemo libro, el dixe calcòsa so sta roba cuà de l nome-cognome, ma nò tuto, ke ogniùn el ga da catarghelo par lu-solo, el cào. Lu dixe ke l ga scumizià skrivendo nome-cognome so on folio, pa tirarghe fòra le ròbe negative - el piombo - da kela sèrie de létare ke i ghe ga dà la so fameja.
Ke lu l è ebreo, naturale. E so la carta bianca el vede le letare nere de parole cofà :
YO JODO (io infastidisco)
REJAS (sbarre)
OLER (puzzare)
DEJAR (lasciare)
ANDRAJO (straccio)
SOY NADA (sono niente)
Lu dixe ke kele paròle là " sintetizzavano il dispregio che per secoli aveva dannato i miei antenati, poveri esseri senza una patria, scacciati da ogni luogo, ridotti a numeri quando vennero rinchiusi nei campi di concentramento, accusati di emanare odori sgradevoli, di ammazzare i bambini ... calunnie che li avevano trasformati in rifiuti umani. "
Podòpo el ga ciapà el folio, e 'l lo ga bruxà, l à ciapà la 'zenare, mésa drento on bicère de vìn e l lo ga bevù, scoltando el kaddish, el lamento funebre.
Parké lu el fà de ste robe, ma noè ke tuti ga da ndarghe drìo.

" A quel punto - el dixe - diedi inizio al lavoro alchemico dell'esaltazione a cominciare dal mio nome di battesimo ".

Podarìsimo anca nàltri, a ghin è on mùcio de siti indoe ke te meti dentro el to nome-cognome, e te vièn fòra l anagramma , senza tanto star lì a skrìvare e fare le conbinazion sol folio bianco.
Mi, par ex. a me vièn fòra tuta na serie de filare ma anca favola e falìva,,,

El Nome l è inportante, bixogna sentirselo (e anca sentirsela).
A jèrimo n spiàja, na domenega, e ghevimo davanti sta fameja de foresti, ma tanti, e tuti ki faxea caxin fumando e magnando e bevendo , ma porasè parfìn la nòna ... e on xgnàro de fiòi e ogni tanto i ciamàva mefiòla.
Sènti-mo - a go dìto - ke i te ciàma.
Tuta colpa toa - la me ga dito; toa e de tomarì, ke nò solo el nome de orijini balcanike ma pròpio la ràsa, ke almanco on trisavolo (de fameja mia) e na trisavola (de fameja soa) i ga da vegnere da kele bande-là, a judicare da l colore de la pèle e i mestieri ke i faxea.
eh-sì, nomen-omen e amèn.

E 'lora, gnente Santi pa Alberto, solo i Anzoli e forse i elementali. De còsa? de aria mi pènso, o almanco secondo el so segno. Mi de acoa, naturalmente, ma on rèfolo - na bavexèla - de vènto a go fato ora brincarlo anca mi.