Filò de filarveneto

[Sixara]

mi capiso benon coel ca te scrivi ti.

Si, anca mi cuelo ca te scrivi ti, ma me domandavo se i altri ( cuei ca lexe e no' i scrive) i capìse. A i tenpi de RV me piaxea de lezare cueo ca scrivea i altri : ogni un el ghea el so stile, el so modo e i jèra tuti apresabili par mi, de là de l contenuto ca podevo èsare d acordo o manco.
Te sì màsa critico : uno nol se sente de scrivare savendo ke TI a te si pronto castigarlo cusì.
Vojo dire : comè ke l fa uno a scrivare el so pensiero savendo ke cuà se ghe fa le pèse a Coltro, Meneghello, Zanzotto... Daecarbonare..
Mancomale ca ghe son mi, ca son de la scòla umanistica. ( e omanitaria).

[Berto]

Sto fiłò no lè on palco par farse vedar bełi e cantar łe purpie glorie de xletrani o dotori e coele del mito roman, venesian, tałian e spresàr tuti staltri parké veneti o xermani o xlavi o çelti o barbari o montanari o canpagnołi, lè pì on posto endoe confrontarse par s'ciarirse e s'ciarir le robe e łe storie fora da i dogmi e da i falbi miti.
Pensa ti Sixara, ke dapò domiła ani a xe rivà el Papà pecador, vanti de łù łi jera tuti Prinçipi de ła Cexa e Vicari de Cristo Re e Fiol de Dio, prasiò tuti mexi dei, tuti Papi Divini. Deso e jera ora xe rivà n'omo papa pecador e dapò domiła ani.

Coeła del fiłò de RaixeVenete la xe stà na trista espariensa ke no refaria pì almanco ente łi otimi ani vanti ke łi canviàse sito.
Pensa ke entel xornal de raixe, longo sete oto ani, łi ga piovegà lomè do 'olte on scrito mio e sol fiłò łi ga lasà ke łi me enjuriàse e ofendese sensa mai entervegner. Li me ga mancà de creansa e de amigansa.

[Sixara]

cantar le purpie glorie de xletrani o dotori e coele del mito roman, venesian, talian e spresàr tuti staltri parké veneti o xermani o xlavi o çelti o barbari o montanari o canpagnoli,

E i lagunari ki xeli, fiòi de nisùn? Le ixole fòra da Venèsia no xe Venèsia e no i se gà mai sentio venesiani.
Elora te raxoni cusì : i vèneti a paragon de l mito romano-italiano; i 'barbari' a paragon de l mito romano; i vèneti a confronto de l mito venesiàn; i montanari e canpagnoli a paragon co i çitadini..
Ma parké uno el ga senpre da paragonarse a kel altro?
Mi avaria na speransa ca ghe fùse posto pa tute ste parti o partexele de veneto e forse pian-pianèlo ghe rivaremo a metarle d acordo tute.
Mi parmì a so' drio : co fadiga ma ghe son. Certo ke mi parto da na poxizion de vantajo : so nata contadina ma dopo son deventà " xletrana o dotora" e verghe vù la fortuna de studiare me gà permeso de tornàr ndrio ( o de ndar vanti, dipende da come uno el vede le robe).
Ma no me son mai sentìa vilàna e no go mai patìo par la mé orijine: a so' nata a corte, mi.

[Berto]

Sixara no ghè paragoni: ła veretà no se pol paragonarla a ła falbaria, scuxame seto ma a te si drio far màsa caxin.
Mi no paragono, cavo via łe falbarie e meto łe robe al so posto endoe tuti łi ga ła so degnetà e gnaon el dirito divin de montar sora on scragno e star de sora de staltri come on Dio.
Łi ga tuti el cuło onto e co łi ła moła no ghe gnaon kel spanda parfumo ma tuti łi sparxe spusa, come ke en cexa łi spande col turiboło l’ençenso..
E, a te ło se ben anca ti ke te si nata ente na corte col ceso de canoti de sorgo sol leamaro.


viewtopic.php?f=142&t=582

Gnente a ga da ‘ndar perso, gnanca ła merda.

[Sixara]

Vabèn a go dito paragonare .. gonti sbalià?

E a te ło se ben anca ti ke te si nata en corte col ceso de canoti de sorgo sol leamaro.

Mi no lo ghevo el cèso de canoti.. e nò sol leamaro.
A gò dito ke so' nata a corte par via del me nòvo avatar.. ma l è vero ca so' nata te na corte. E l è vero ke na corte agricola la jèra on posto asè escluxivo, elitario .. pòso dire aristocratico? Tuto el contrario de cueo ca pòe pensare i citadini romani-italiani-veneziani-dotori-leterati.
Però te dixevo anca ke pa rivare a capirla sta roba cuà a gò dovesto laurearme.
Ti invese - te sì nato sapiente.

[Berto]

No no Sixara mi a so on studente studioxo e a forsa de studiar e co i ani, anca i ani li conta, calcosa a go enparà.
A forsa de dai, forsa, dai, aio, urta, daghe drento, ... no tuto, no tanto, gnanca poco ma lomè calcoseta, na s'cianta a go enparà e se par ti a so nato sapiente vol dir ke ...

[Sixara]

se par ti a so nato sapiente vol dir ke ...

Ke gò fato solke na batùa.
Ca te sì stà bravo a no' tòrtela pì de tanto, ke solo ti te sè còsa e come e parké "A forsa de dai, forsa, dai, aio, urta, daghe drento, ... no tuto, no tanto, gnanca poco ma lomè calcoseta, na s'cianta " a te ghè inparà.

[Berto]

Par mi łi scrive mal parké łi dopara ła ortografia tałiana e łi scrive diałeto.
Mi a doparo na ortografia difarente parké a scrivo ła łengoa veneta e no el diałeto.
Par mi ła łengoa tałiana ła pol ndar en małora.
Cogna ke sti gnorantoni de maestri e de profasori veneto-tałiani łi scuminsie a ciamar el veneto łengoa e no diałeto.
Sta xentaja co i morarà, se ghè l'enferno łi ghe fenerà drento driti.

Mi łi rasisti, łi etno e soço rasisti no poso soportarli, łi me va de traverso, li me xmove el bułegoto e me xbruxa el samoro.
Ciamar diałeto ła łengoa veneta ła xe na manefestasion de soço-rasixmo, na descremenasion etno-soçal.
Coełi ke studia ła soço-lengoestega łi dovaria saverlo.
Ła xe na ciàra espresion de granda ‘gnoransa e de na orenda rogante prexounsion e ła va conbatù ente ogni manera.

Etno-soço-rasixmo łengoestego
viewtopic.php?f=25&t=23

[Sixara]

Nò irabiarte (co mi) ke mi no' dòparo pì dialetto da tenpo romai.

Coełi ke studia ła soço-lengoestega łi dovaria saverlo.

I la studia, te dixi bèn, ma no i la mete n prateca.

[Berto]

Grasie Sixara ke ogni tanto a te me de raxon: na onta e na ponta; te me fe ndar su e xo cofà on yò yò: http://it.wikipedia.org/wiki/Yo-yo