Berto ha scritto:La mare o mama de Lorenso Milani la jera na ebrea boema mexo todesca:
Si, so mama la jera ebrea e par cuéo ke tel 33, a Milano,so opà el se marida col rito catolico e mare e fiòi i vien batezà pa scanpare a le leji ra'ziali. Podopo tel 39 Lorenzo el ghe domanda i so jenitori de fare la prima comunion; tel 43 i torna a Firenze e Lorenzo el decide de deventare prete. Tel 47 i lo manda a San Donato ma sicome ke l ghea zà scumi'zià ronpare le scatole ben puìto, co la fonda'zion de la scola pa i fioi de i contadin e de i operai, elora i lo sposta a Barbiana, là desora de le montagne.
Tel 57 el ghea publicà
Esperienze pastorali, col perméso de l cardinale de Firenze Elia Dalla Costa (vixentin de orijne), però tel 58 el Sant'Uffizio l ordina ke l vegna ritirà " per ragioni di opportunità". No jera "opportuno" ke l ndése a formare
coscienze libere fra el popolo de contadini, operai, montanari.
A scumi'zio de i àni 60 el se mala de leucemia, tel 65 el publica
L'obbedienza non è più una virtù co tuta la documenta'zion sol procéso ke i ghe ghea intentà a seguito de la publica'zion de na letara so l obiezione di coscienza a i cappellani militari de la Toscana.
Tel 66, Milani e Pavolini ( el diretore de "Rinascita", indoe ke jera stà publicà la letara) i vien assolti " perché il fatto non sussiste reato".A majo del 67 el publica
Lettera a una professoressa, el 26 de jugno el mòre a caxa de somàma a Firenze ma i lo sopelìse tel simiterio de Barbiana.
El 28 de otobre, in appello, Pavolini el vien condanà, par Lorenzo Milani i judici i ghea decixo ke " il reato è estinto per la morte del reo".
Te la Scuola Popolare de San Donato prima e Barbiana dopo, no ghe jera el crocefìso tacà so i muri de le clàsi, e in clàse no se parlava mai de relijon. I ghe n ea màsa de robe da fare, da insegnare e da inparare pa pensare a i crocefisi.