Połexene, Połexia, Połexela, Połeo, Połeje (Polegge)

[Berto]

... ( parké po' el Semerano el fà le traduz. da l acadico a el tedesco )...

Parké el trata de la coultura ouropea e de le so lengoe ouropee de cu fa parte anca el todesco, el latin, el veneto, l'etrusco e mile altre.

Paflagonia, Pełagonia, Pełaxgi: etimołoja e storia
https://docs.google.com/file/d/0B_VoBnR ... JKbEk/edit

[Sixara]

Si, naturale.
Forse me so' spiegà male : intendevo dire ke so n raxonamento ke l Semerano l è drio fare so la parola Polesine no la ghè na parola n tedesco ca ghe someja a cuée ke l mete ( acadico-latìn) - ke palude sarìa Moor/Sumpf n tedesco.
Po' mi el Semerano a lo lèzo senpre volentieri parvia ke l mete traduz. n tedesco e inglexe, ca me serve pa s-ciarirme el significà mejo ke no solo ke n italian , però cuà l è naltra roba. Se nol ghè el termine n tedesco te la conparazhion ke l è drìo fare , còsa serve de metarghe el significato - me domando - e de savere ke 'sorgente' se dixe Quelle n ted. o spring n engl.
Però - torno a dire - ke va bèn anca cusì, el ghe ndarà drìo a na so lojca ke mi la me stà benon.
E ca so' porasè onorà - cofà Pu-leis-na-i - de vedare come ke lustrìsimi linguisti e filoloji i se ga intaresà de l Polexine, pòro polexìn mòjo negà .

[Berto]

Ke bei moti ca te ghè doparà: porasè e parvia.

[Sixara]

Dalbòn?
Porasè : a ghè asè e por-asè, ca vòe dire depì de asè. A voevo fare el superlativo ... sono onoratissima.
Parvia invezhe a vòe dire : a causa di.

Sèto ke no lo ghemo mìa naltri polexàn el sufìso de l superl. it. - issimo: al posto de dire onoratissimo ( o cattivissimo, buonissimo...) a doparemo purassè.