Po, Padus, Bodinkus/cos,*Bodencos, Eridano
viewtopic.php?f=45&t=424
https://docs.google.com/file/d/0B_VoBnR ... t3ZFk/edit
http://www.filarveneto.eu/wp-content/up ... en-137.jpg
Sixara ha scritto:Enrico Zerbinati tel so sajo so l idrografia de l Polexine, in La Bonifica tra Canalbianco e Po, Minelliana, 2002, pp. 25-55, el dixe ke :
el confronto de le fonti leterarie ( Polibio, Strabone, Plinio il Vecchio) co i dati de la ricerca jemorfolojca e arkeolojca "ci consente di tracciare i lineamenti essenziali dell'antico scenario idrografico" de el Polexine e tornovia, MA el ne dixe anca ke a sémo drio parlare de na situa'zion ke l è canbià màsa volte pa no rexultare "composita e aggrovigliata", e sojeta a interpreta'zion.
Bòn.
E lora partemo da l età de el Bronzo finale e primo Ferro, indoe ke pare ca ghe fùse on corso padano ke l travesàva tuto el polexine, da Castelnovo-Bariano-Castelmassa fin là Adria e l mare, pasàndo pa : Ceneselli, Sariano, Trecenta, Bagnolo di Po, Castelguglielmo, San Bellino, Fratta Polesine, Gognano, Villarmarzana, Arquà Pol., Cornè, Grignano, Borsea, S.Apollinare, Ceregnano, Lama, Pezzoli, Mezzana e Cicese.
I lo ga ciamà Po di Adria, altri i lo nomina cofà Filistina o anca Pestrina o Pistrina, riferendose a on nome ke i ghe dava anca altri posti indoe ke ghe jera on coalsiasi corso de acoa pa metar n movimento on pistrinum, cioè on molìn.
So kel ramo lì - ciamemolo Philistina cofà Plinio, a nàse i primi insediamenti teramaricoli come Mariconda de Melara, Fratexina e Gugnàn de Vilamar'zana.
A pararìa ke on ramo de sto fiume el pasése anca pal teritorio de cueo ke l devegnarà Rovigo, n dire'zion de Sarzano, Mardimago, San Martino di Venezze e podopo el continuava pa Anguillara e Agna fin rivàre tel teritorio de Cioxa dopo esarse inmisià co i rami minori de l Adexe. Fin là el 700 e anca l 800 i relitti de sto ramo minore i continuava ciamarli Pestrina o anca Filistina.
El ramo pì grando, sibèn ke l se jera spicolìo de on bel poco co la Rota de Sermide de l sec. VIII-VII v.c. ( e comuncue ghe se jera zontà le acoe de el Tartaro), el dovea èsarghe zà te l epoca etruska-romana se Adria la deventa cusì inportante tornovia de el VI secolo. Sto ramo cuà - ke i lo gà identificà come el pì settentrionale de el Po - el podaria anca corispondarghe a el sistema Tartaro-Filistina de Plinio, co le so boke e tuto.
Dògnimodo - el dixe Zerbinati - ke no ghè dùbio ke, in epoca etruska, el corso principale de el Po el se sposta da la banda setentrionale de el delta a cuea meridionale.
Na bèa jravolta e l ciàpa la via de : Ostiglia, Sermide, Ficarolo, Bondeno, Vigarano Pieve, Porotto, Cassana,Ferrara, Codrea, Quartesana, Ducentola, Voghenza-Voghera, Gambulaga, S.Vito, Ostellato, S.Giovanni e l finiva a mare presso Spina.
El sarìa elora, almanco pal percorso a sud-est de Feràra, da identificare col Padoa de Polibio e col ramo ke Plinio el lo ciama Eridano o Spinetico, e da lì el nome de Spina.
Ma: coanti rami ghevelo sto Po? e coanti nomi ciapavelo?
Visitano il forum: Nessuno e 2 ospiti