A ghè on paexìn sol Garda, ke l se ciama Cassone, co la testa sol monte e i piè so l acoa e in mèxo l Arìl, el fiume pì curto del MONDO
Der kurtzeste Fluss .. ma k el pare le Niagara Falls co piove tanto
A ghè anca na Torexèla e on porto
Là desora i è devoti ai santi Caro & Benigno .. gran caminadori, senpre n copia, lori do, su e xo pal monte Baldo
(posti de erexie càtare sti cuà- se capìse dai cognomi : i Benamati, i Consolini, i Consolati..)
Bèlo propio, Cason. Ghe va poca zente, ke tuti i core Malcexine e pì n su Torbole, Riva, Arco..
Bèlo. A ghè anca on bel Muxeo, fato bèn propio
El cuadro ca se vede lì a drìta l è de G.Klimt : el se ga méso so na barca n mèxo al lago, pa dipinjerlo mi credo. L è intitolà Die Kirche von Cassone. Po' el ghe n ea fato n altro- bellissimo - de Malcexine, ma cueo l è ndà perso, a fògo veramente, el se ga bruxà. e xe restà solo ke le foto o le riprodutsion.