Nò, l etimoloja pì
seria l è pò cuea de la raìxa
puh de l supiàre, de l gonfiare (le masèle) de na bestia-òmo ke l sia. Cueo xe:
supiàre, ca lo fàga el rospo o n òmo l è istéso, pa difendarse/ofendare stésa roba.
Però, vòto metare la me interpreta'zion
e 'lora, stà-tènto : la prima olta ke vièn fòra el
baphomet l è tel verbale de l procèso ke i ghe fà i Tenplari e da indoe vegneveli? da oriente, e là i ghea sunà-su on poke de
turcarìe e i se le gheva portà n Francia, e ghe gà piaxesto , le corti soradetuto, sta idea de l
automa, on òmo-finto, on mèzo-busto pozà , sen'za ganbe, vestìo da Turco col turbante n testa, ke l ghea de i mecanixmi segreti ke te ghe domandavi e lu te dava la risposta... el te la spipolava, ca no se capiva gnente de cueo ke l dixea, ma jera mejo cusì, ke l dixea robe segrete anca lore, de mistero come...
Pò el baphomet, se propio voemo dirla tuta, el ghea anca i bàfi
el jera on
omèt co i bàfi e, scùxame, ma mi vago senpre vànti pa analoje, ghe entra anca i bàfi co l etimoloja de
bufo-bufa, nò? Bàfi, bàbi-bàbio, xbésola, mento, labbra... bàtare el bàbio... na roba cusì.
E a la corte ki ghe jera ca ghe faxea pasàre el tenpo a i siori? El
Buffone, ke l jera on òmo/ mèzo-òmo : on nano, o ke l ghea altri difèti da metare n mostra, on
segnà-da-Dio, e propio par cueo ke l podea dire tuto cueo ke l volea, ke l li toea pal cu tuti, ma propio tuti, anca el Papa, par modo de dire, e no ghe capitava gnente lu, ke dezà ghe jera capità tuto cueo ke l signore a ghea mandà, e col parlava a parea senpre ke l dixese pa sker'zo, ma el faxea sol serio.
Anca màsa, ke l faxea sol serio: còsa vièn fora sa te lo lèzi a l incontrario co l alèf-bèt ... Taw-Mem-Waw-Pe-Bet ke l deventa Shin-Lamed-He-Ayin-Alef (sta cuà l è la justa scansion col canbio de posto a scalare)...
sophia ke l è pò
Hochmà, e co l Hochmà a ghè poco da sker'zare.
Però co la core'zion no vien pì fòra
sophia... no sò còsa, però nò la
sapien'za, naltra roba.