Faxòi n potacìn

[Sixara]

Faxòi n potacìn
viewtopic.php?f=31&t=1182


Faxòi n potacìn... ke bòni! O anca :
Faxòi in técia
Sti cuà, i saria cuei ca ciamemo anca faxòi in potacìn e i se fa solo ke co i faxòi seki:

Te meti a mojo i faxòi almanco vinticuatro ore, te li scoli e te fè el desfrito co : na ganba de sèano, do spigoli de ajo, na rameta de oxmarìn, na carota, na foja de làloro, du sculieri de ojo, el gràso del maiale tajà toketi picoi.
Co el gràso se ga ben desfà, se ghe buta zo i faxòi, la sale e el pevaro e i se jra ben par sincoe minuti. Dopo se ghe zonta el concentrà de pomidoro, du scuglierini e el se incoercia de acoa.
Se fa cuxinare zontandoghe acoa se ocore. A la fine se ghe ne skìsa on poki, cusì el tòcio el deventa bèlo fìso, i deventa 'in pòtacin'.
Fonte : E.Donà - Roxolina

I faxòi i è on 'cibo rituale', difati dai morti se faxea senpre na preparatsiòn co i faxoi : podeva èsare faxoi in potacin ma mejo ncora poenta infaxolà, ke propio la se faxea la note da tutisanti a cuea de i morti :

Polenta infaxolà la note de tuti i Santi

Te buìvi i faxoi e, col brodo scuro fato co i faxoi, te butavi la farina de polenta e te lasàvi cuxinare na mexoreta.. intanto te continuavi a misiarla e co la se destaca dai bordi del paròlo, a vol dire ke la jera cota, a te la robaltavi so on tolièro e te la magnavi !
( calda de bojo pa i santi e pa i morti fréda tajà a tòki)
Fonte : J.Bellini - Costa di Rovigo

la continua so :
http://evenesie.prophpbb.com/topic28.html