Venèsia da i òci de bìsa, òci da baxilìsa...
Recitativo veneziano A. Zanzotto
REITIAI S'AINATEI VEBELEI
Vera figura, vera natura,
xlansada in ragi com 'n aurora,
che tuti quanti te ne inamora:
to fià xe 'l vento, siroco o bora
che svegia sgrìxoli de vita eterna,
signora d'oro che ne governa
aàh Venessia aàh Regina aàh Venùxia
(...)
Oci de bissa, de baxilissa,
testa de fogo che 'l giasso inpissa,
nu te preghemo : xbrega su fora,
nu te inploremo, tuto te inplora;
mòstrite sora, vien sù, vien sù,
tiremo tuti insieme , ti e nu
aàh Venessia aàh Venissa aàh Venùxia
Testa santissima, piera e diamante,
boca che parla, rece che sente,
mente che pensa divinamente,
vien sù, futuro nostro, vien , dài,
dài baranài tananài tatafài,
sgorlemo i sissi missiemo i sonai
aàh Venessia aàh Vanègia aàh Venùxia
O come ti cressi, o luna dei buxi fondi,
o come ti nassi, cavegi blu e biondi,
nu par ti e ti par nu,
la gran marina no te sèra più,
le gran barene de ti se inlaga,
vien sù, dragona de arzento, maga!
aàh Venessia aàh Venaga aàh Venùxia
Putina perla, putina unica
che zò ti fifi ne la to cuna,
che zò ti xlìmeghi che zò ti bùleghi,
vien ne la rede, fane fortuna,
dane in amor la to manina bela,
fata a penèla fata a penèla
aàh Venessia aàh Venùnula aàh Venùxia
(...)
Signora granda, testa che massa
massa ne passa, che quasi ne schissa,
Dia dei sostegni de cexe e palassi
Dia che le taje che sù ne tien fissi
Dia che le onde che le ne fa grassi
ne ingrassa de ogni grassia, Dia Venessia
aàh Venessia aàh Venàssia aàh Venùxia
Varda parona ste strasse, sti brassi,
varda tra i ori sti povarassi,
buta su l'ocio, mòntete sù,
tìrene sù, nu da ti, ti da nu,
date da far par farne frutar
fruti partuto, par tera e par mar -
aàh Venessia aàh Frutagna aàh Venùxia
Metéghe i feri, metéghe i pài,
butéghe in gola 'l vin a bocai,
incoconéla de bon e de megio;
la xe inbriagona, la xe magnona,
ma chissà dopo ma chissà dopo
cossa che la ne dona ! -
aàh Venessia aàh Venàia aàh Venùxia
Toco de banda, toco de gnòca,
squìnsia e barona che a nu ne toca
par spoxa e mare, nìora e comare,
sorela e nona, fiola e madona,
ònxete, xmòlete, xbrìndola in sù -
nu par ti , ti par nu -
aàh Venessia aàh Venòca aàh Venùxia
Ma cossa xelo che zo te striga
ma cossa xelo che zo te intriga;
mona ciavona, cula cagona,
baba catàba, vecia spussona,
nu te ordenemo, in suòr e in laòr,
che sù ti xboci a chi te sa tor -
aàh Venessia aàh Strùssia aàh Venùxia
Ah, la se inpétola senpre de più,
Ah, la ne casca via da le sàte
fora dal piato,
sta testa maledeta,
sta redodexa mata,
la ne xbandona zo inte 'l palù,
tuto se scola, no ghe xe più.
Note a Recitativo veneziano A REITIA SANATRICE TESSITRICE
E' un grido dedicatorio iniziale, di apertura. Ovviamente impossibile ( dato che nel 700 il paleoveneto non era noto ...), E Reitia è la principale divinità (femminile) venetica.
Basilissa : regina (greco) con riferimento alle figure dei mosaici ( ma anche al misterioso basilisco)
Baranài, tananài ecc. : parole scherzose pseudo-cabalistiche che rientrano nella tradizione degli Zanni
Sgorlemo i sissi : scuotiamo i sistri, sonagli ( è voce infantile);
missiemo i sonai : rimescoliamo i sonagli ( sissi e sonai hanno anche valore sessuale, testicoli)
Nu par ti, ti par nu : variazione dal 'nu co ti, ti co nu' , ben noto
Slìmeghi : da xlìmegar col valore di 'sbavare muovendosi argenteamente come una lumachina'
Manina bela, fata penela ecc. : da una cantilena, che ancora si usa accarezzando le mani ai bambini piccoli
Fata a penèla : forse ' fatta con la punta del pennello ', perfetta
Taje : tronchi tagliati per le palafitte
Frutagna : cfr. Frutana, nome proprio femminile paleoveneto
Banda e gnòca : 'mona' anche 'ragazza'
Sbrìndola : oscilla (e : 'aggirati', 'vagabonda')
Baba : vecchia , spregiativo ( dallo slavo) ; catàba : nonsenso (dal greco sprofondare)
Redodexa : befana, strega ( da Erodiade ? )
I NOMI ke l ghe dà a Venèsia - Vene'zia :
Regina
Venissa
Vanègia
Venaga
Venùlula
Venàsia
Frutagna
Venàia
Venòca
Strùsia
Aàh Venùxia, gran bèn ca te ghemo volesto!
A. Zanzotto Filò
per il Casanova di Fellini, ed.del Ruzante, VE, 1976
Il Casanova de Fellini, al scumìtsio .