Canti d amor
viewtopic.php?f=28&t=607
Serenade - Stornèli - Vilòte : tuto on cantàr d amor ( a Cioxa)
All'innamorata
Co pàso par de vu pàso cantando
fève so la finestra, ànema mia
consedéme sta gràsia ca domando
ca ve domando solo in cortexia.
E fàte a la finestra, o cuore ingrato
o cuor de sàso e ànema crudele
no' farme nàre via sì sconsolato
e no' me dir de nò, caro mio bene.
All'innamorato
Primo regalo che mi ò fato a Nane
g'ò fato on pèro de calse de salata
ma ne la ponta le ghe gera stréte
g'ò dà na xonta de tenare erbéte.
E la camixa de salata rìsa
co i botonsìni de spighi de agio
e le braghése g'ò fato de fén
consideré si g'ò volesto ben.
Canto d' amor
Còsa m'inporte a mi
si no' su bèla
si ò l'amante mio
che fa el pitor.
A me piturarà cofà na stéla
còsa m'inporte a mi
si no' su bèla.
Còsa m'inporte a mi
si el pan xe caro
si ò l'amante mio ca fa el fornàro.
A me cuxinarà el pan conso e bianco
còsa m'inporte a mi
se 'l pan vien manco.
Amor gaio
Xe el me amor picolo e baséto
'n bràso de pano l'à vestio tuto,
me n'à vansao na picola strichéta,
g'ò fato na velada e na giachéta,
me n'à vansao on picolo bocon
g'ò fato na velada e on veladon
La le ro , la le ro la
Xe el mìoa mo - re pì - coloe - bas- sé - to'n bràs - so de pa - no
là ve-stì - ò tu - to ___________
mejo verghe n òmo picolo e baséto ke co n bràso de pano te lo ghè vestio tuto e po' ghin vanza..