Co le parole a se pòe zùgare
El dixe Sparapan :
Zugando co 'e paro'e , a se po'e far le rime ma questo no vol dir ke la sia poexia, a me racomando, ma l'è na condision par far poexia, ke l'è n'antra roba ; la poexia la xe on 'distillato' de sentimento e de espression, ke solo in puochi i sa gustare e ancora manco i sa scrivare.
Le rime le ne po'e servire a passare el tenpo ... e cussì a se po'e fare 'e rime :
co i versi Binari (de do silabe) :
Dime
mato
cossa
gato
fato?
Co i versi Ternari ( de tre silabe) :
So stufa
la caxa
l'è piena
ma raxa
de mufa !
Quaternari : cuatro
S'a te manca
la palanca
curi in banca!
Quinari : sincoe
Male magnare
puoco dormire
tanto laorare
mejo morire!
Senari : siè
Dimelo Marisa
gato la camixa?
Setenari : sète
I ghe ga dito mato
da ligare : lo sato?
E lu xe sta de sasso
Ma po' el xe 'ndà a spasso
Otonari : òto
A cognosso on stupidoto
megalomane e cojon,
che par torghe l'ambizion
i ghe n'a da on peloto!
Novenari : nòve
Ogni fruto a la so' stajon:
in primavera fragoine
d'inverno nespole e maron.
Decasillabi : dièxe
A la go vista cascare in tera
le ganbe in aria ma tuta intiera
Endecasillabo : ondaxe
Me dito indove ca go la palanca?
In te la man drita o in quela tsanca?
Verso dupio setenario ( o alessandrino alè!) : cuatordaxe
Lo sato queo ca te sì? semo, musso, beco
Ca te vegnesse on colpo ca te murissi seco!
( caixene l avarìa scrito cusì : "setenaro, otonaro, novenaro, dexenaro, ondaxenaro, dodaxenaro, li enda- li saria al tajan;
setasilabo, otosilabo, novesilabo, dexesilabo, ondaxesilabo/ondasilabo, dodaxesilabo/dodesilabo ... ? .
sselboi" )