Berto ha scritto:xgarbare: netar el leto o greto del foso, de la seriola, de la roxa o del fiume da le erbàse. Senonemo de estirpar, co forse on ligo co scarpia, telarina?
xgarbelarse = cavarse le cispe da i oci:
xgarba morcia o fecia del vin;
xgarbarse la boca dal gràso del magnar.
Elora :
xgarbare no lè n opera'zion ke la dà on rexultà néto/puìto; lè on tajo de erbà'ze de scarto, fato su e su, nò regolare/fin elora el pòe èsare sì on
stirpàre ( fato a man col
seghéto pa cavarghe le (x)garbe a l coleto de le bietole o co la
stirpadora ke lè n atre'zo ca te ghe pàsi sol canpo prima de scumi'ziare arare) ma - secondo mi - nol ga ke fare co scarpìa o telarina ke i è màsa inconsistenti e cuà semo drio parlare de roba dureta, ca te ponze par ex. i piè o le man.
xgarbarse difati lè on ( scherz.) farse la barba ma , anca lì, n opera'zion fata de prèsia, su e su ke la te làsa la pèle de l vixo tuta
xgarbelà o xgrafà.
xgarbelarse le man, par ex. o i bra'zi o le ganbe, pasando n mèzo a i erba'zoni o l formento ke l ga le
xgarbe : tuti kei filamenti duri ke i pare de i aghi, tuto tornovia de la spiga.
Ke forse i è le
xgarbi'ze la parte aerea de le piante, ke la dà senpre n idea de scarto, lè roba ca te buti via, no ghè el bon.
Difati i
xgarbati i sarìa 'sterpi' fati-su a fasìne da butare sol fògo co te lo inpì'zi o te lo 'ravvivi'.
Le
xgarbaùre le vien dite anca
re'zaive ke l sarìa el fen scadente fato co i erba'zoni de l opera'zion de l xgarbare i rivài.
La xgarba intexa cofa la morcia de l vin ga ke fare col
xèrbo, secondo mi, cusì come el
xgarbarse la boca da l gràso : sarìa come dire ca te magni de la roba xèrba ( fruti-salata condìa co l axeo) pa netarte la boca.
Le 'cispe' naltri a ghemo senpre dito le
scarpèle : a pòe èsare ke da coalke banda i diga anca
xgarbèle e da lì
xgarbelarse pa 'tirarse via le scarpèle'... si pòe èsare tel BP ma i fà confuxion cusì col xgarbelarse = farse on
xgarbelòto ( ke l sarìa on xgarbelarse ma so n punto solo de la pèle).
A go ciapà on xgarbe'òto... a me go xgarbelà le man, i zenòci, i gùnbi... anca
rusà/rusàre/rusarse ma no lè propio la stésa roba.