Canti da laoro: se scuminsia co coele del spasacamin

[Sixara]

CANTO DEI ANGUELANTI
E' un canto usato per la pesca delle anguèle, ritmato dal battito del remo sul trasto.

E ciapa i remi e vuoga
che fémo sta calà.

E se butarà siroco
no, no se può calar.

E se no se ciapa nente
nu tornaremo a ca'.

A ca' sensa magnar
no, no se può tornar.

E se ciaparemo n'anguèla
la spartiremo in tre.

E faremo come i pési
nu moriremo insiem.

[Sixara]

Sto cuà nol sarìa propio on canto corale però l è ( el jèra) uno de i pì popolari fra i pescaori :
E' un canto notturno dei pescatori a guardia dei bragossi che, per passare le ore di solitudine, si alternavano in proposte e risposte, raccontate con ironia bonaria.

POVERO BARBA CHECO

Povero Barba Checo
a xe cascà in canale
par no saver nuare
a s'à niegao.

Mi l'ò recuperao
mi l'ò méso cuà drento
par darghe del bon tenpo
al carnovale.

No l'à vuolesto stare
l'à vuolesto ndare
e si a se perdarà
a so dano sarà.

A rivedarse on altr'àno
tegnive a mente questo
diman ve dirò el resto
e resto in paese.

Mi a g'ò de le fùgase
de quele de Marghera
ò caminà par tèra
fin a Fuxina.

Dal trasto a la santìna
on batelìn da s-ciopo
ghe andeva de galopo
a la Zueca.

O caminà la seca
tuta la pescaria
ò dà la pupa indrio
ai do Castei.

O visto l'orto dei Abrei
co tute le viniole
da le viniole indrio
su ridoto.

O caminà par tuto
ò catà on buranèlo
l'avea on bel sestèlo
a me l'à donao.

Mi l'ò recuperao
indove che i feva i gòti
ziogando la spineta
sti xovenoti.

Mi l'ò recuperao
indove che i feva le scuèle
xiogando a la spineta
ste xovene bèle.

Dixen ke lè on canto venesiàn-lagunare pì ke cioxoto..

[Sixara]

El canpanaro

L'è qua ... din-don.. din-don .. din-don
Din - Don - Dan

Xe pì de trent'àni che fàso el canpanàro
come on somàro me toca tirar.

Sìe volte al dì co corde e canpane
che vita da cane, no ghe ne pòso pì.

Co le corde che ò chì
co la mésa da servìr
porto el prete al confesorio
porto el Cristo a l'oratorio
co pater nostri e ave marie.

Quando poi del din-din
me consolo col bon vìn
quando poi del din don don
mando xo la me pasion.

Alelujà, alelujà al vìn plebeo
Gloria in excelsis Deo. Amèn, Amèn

L'è quà ... din-don .. din don .. din din
Din- Don - Dan

( raccolto a Valli di Chioggia, ma probabilmente è originario di Arzergrande nel padovano).

[Sixara]

EL CANTO DEL FRITOLER
(racc. Tesserin)

Personaggio tipico e caratteristico della Chioggia d'un tempo il fritolèro, mentre preparava e vendeva le frittelle, canticchiava questa canzone :

Testina,
chi te dirà teston,
chi te dirà testina
sarà el me conpagnon.
Testina teston.

Océti,
chi te dirà ocion,
chi te dirà océti
sarà el me conpagnon.
Océti ocion
Testina teston.

Naxéto,
chi te dirà naxon,
chi te dirà naxéto
sarà el me conpagnon.
Naxéto naxon
océti ocion
testina teston.

Bochéta
chi te dirà bocon
chi te dirà bochéta
sarà el me conpagnon.

Bochéta bocon
naxéto naxon
océti ocion
testina teston.

Recéte
chi te dirà recion
chi te dirà recéte
sarà el me conpagnon.

Recéte recion
bochéta bocon
naxéto naxon
océti ocion
testina teston.