ma... Pascueta... parké a lèzo ke " in Veneto, l'Epifania è chiamata Pasqueta". ?? ( A.Pomponio, Il Panevìn, La notte dei fuochi nel Trevigiano e nel Veneziano, Cierre edizioni/Canova, 2002).
Pascueta? 'Sa ghe entra la Pasqueta?
E 'lora, a sen dentro tel discorso sol Panevìn, e sen drio parlare anca de divieti - sa ghe jera coalke divieto o interdi'zion par el jorno o la sìra de el Panevìn - e pare ke ghe fùse el divieto de justare le robe: No se podea, guai!. Le altre sìre ( a i filò) a vegnea i fiòi a justare le robe ( o farsele justare), e podea èsare calsìti roti, par ex., da tacarghe na pèsa, ma kela sìra là : guài.
Gà forse ke fare col filare? El divieto de filare la nòte de l Epifania, ke na dòna de Belùn, finke la jera drio filare la se ga vista davanti la Redodexa col fuxo de fèro... e la se ga ciapà on spaura'zo tanto ke, da kela olta, ne la ga pì volesto laorare te i jorni de le Vève (vigilia) :
" Era una 'olta 'na dona che la laorea senpre de dì e ànca de not. Dixe el proverbi, che la not de Pasqueta no se à de star su tant a laorar. Sta dona invezze la é stada su tant a laorar. Fila, fila e fila, ancora no l'avea finì la so stopa e la parecèa l'asp par far i fis.
Intant la vede 'na dona granda granda co un capelon de paja a vignir entro la porta che la ciapa ela l'asp par far i fis e l'avea in man un fus de fer.
Dopo de quela olta no l'é pì stada su a laorar le vève de festa". (Nardo Cibele, Superstizioni bellunesi e cadorine 1885)
E Coltro el dixe ke, finke i faxea el Panevìn, co l fògo el jera drìo rivarghe so el fantòcio de la Vècia, èco rivare le pascuete, " ragazze con la faccia infruxinà sporca di caligine, o coperta da una maschera, che, al grido di i ronpe le cadene, irrompevano con furia nel gruppo di ragazzi, tentando di portare via un bambino, trascinandolo nel buio oppure facevano il gesto di volerlo buttare nel fuoco o lo trascinavano a saltare i tizzoni ardenti". ( D.Coltro, Mondo contadino, società, lavoro, feste e riti agrari del lunario veneto, vol.II, 1982)
e speremo el Bèn.