El Carnovale

El Carnovale

Messaggioda Sixara » mar feb 04, 2014 2:14 pm

El Carnovale
viewtopic.php?f=28&t=542


El Carnevale 1.
(racc. Garlato)

S'el Carnevale fùse on galantòmo
a vegnirìa quatro, sìe volte l'ano
ma parché 'l Carnevale n'à xe bon da gnente
a vien na volta l'ano malamènte
.


El Carnevale 2. ( racc. Tiozzo)

Si spiegan le bandiere
sù i stendardi nei balconi
servidori e camarieri
tuti core dai paroni.

Xe carneval, xe carneval
xe carnevàl, vardè ste mòre
ste ragaséte làsale ndar
medesimo Brighèla e Pantalon.

Soné subiòi e tinpani
che màsa le conprende
le canpane ronpe i tìnpani
che fàno on bordelon.

Xe carneval, xe carneval
atènte, tènte feméne
xe quà i napoletani
e tuti co la piàvola
che gìre la sità.

La vècia co la mestola
ca mìsie la polenta
megio che on Paternoster
che in piàsa d'Arlechin.

Fra poco sona l'Ave
no se ferme el galopìn
Xe carneval, xe carneval

Cioxoti e buranèi
spàsacamini e nani
e tuti a suon de muxica
on circolo faran.

La vecia co la mestola
ca mìsie la polenta
mèjo che on pater noster
che in piàsa d'Arlechìn.

Fra poco sona l'Ave
no se ferme el galopìn
Xe carneval, xe carneval.
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale : El Bonbaxìn

Messaggioda Sixara » mer mar 05, 2014 9:55 am

Manco male ca xe finio el Carnovale. El me spirto calvinista ghe vièn afàno ogni volta ca vedo Venèsia, màscare, voli de colonbine, mariàne, japonexi e.. acoa-alta.
Nantri cuà xo a ghemo na màscara asè bèla, vera, mìa cofà cuée venesiane : el Bonbaxìn.
Col Bonbaxìn no' se skerza :

Dopo, pì vanti a ghe jèra el Bonbaxìn. El xera do tòchi de legno, che'l pareva na testa de mùso o de cavàlo, col pelo grìxo de conéjo e sota a ghe ièra tipo na tonega nera che do o trì òmeni i se fìcava sota e i vìgneva pa' la fenestra farghe paura ai putìni... E i vìgneva parché a te ghe dàsi dù òsi, on salameto, on butilion de vin, parché te ghe dàsi calcòsa!
E sàlo còsa ca voleva dire?
Intanto zà el grìxo e l nero i xe do colori tristi... el voleva dire che , dopo on periodo de festa, gràso, colorà e spensierà a te ndaxìvi drento te on tenpo de relijon!
Che na olta el xera lèje! ...
So on periodo de penitensa!
.

Eh si. Penitensa, altro ke carnovale!
El Bonbaxìn el podea figurare difarenti bestie : on mùso, on tòro, on drago, on cavàlo, on cavaron, on orso.. e pardesora de la testa ( de l òmo par soto el tabaro) i ghe metea na vera mandibola de boxgato o bò, ma le pì volte la jèra de lenho ke la la imitava.
Elora sta testona finta i ghe metea i corni e , co la pèle de conéjo i ghe modelava el muxo e i la tacava al tabaro ke forse, cuéo sì ke l jèra fato de bonbaxìna, na stòfa de coton - el bonbaxo.
El mantèlo el jèra nero co de i nastri rosi e dei canpanèli e drento a se scondea el " manovratore, permettendogli di muovere dall'interno, un'assicella collegata alla mandibola, dalla quale penzolava una lingua rossa, ed ottenendo l'effetto di un continuo sbattere delle ganasce."
El Bonbaxìn l andava en vòlta conpagnà da altri personàji: el sìngano ca sonava el violìn o la fixarmonica o anca el cembalo ( sonài); el boàro ca lo pentava col guièlo o anca podea èsare na speçe de corteo co le Strìe el dì de la Epifania, ca scumisiava el carnovale.

Mi a lo gò visto fare el Bonbaxìn, da i Fiòi dla Vècia de Ca'Mello.. lè na roba :shock: lè gròso, graando k el fa spavento col xbàte kela boca, el fa on caxìn de l inferno ( ma tuti fà caxìn intornovia de lù : l idea lè propio de far-rumore, el rumore rituale). Se dixe bàtare el tartaro

Da noaltri no' se dixeva bonbaxìn, a se dixeva 'bàtare el tàrtaro' ca vòle dire bàtare i denti parché sto animale el sbateva la boca ke la ièra na ganàsa de maiale ...

E dopo a pasava anca el bonbaxìn i ghe dixea, ch'el gièra tanto brùuto! El faxea tanta paura! ... el aveva le ganàse de legno e st'omo el tirava el cordìn e lù el sbatéa senpre la boca!
El gèra bruto! El faxea paura davero, sàto!
.

Bàtare el tartaro el ièra el segnale ch'el gèra drio rivare el bonbaxìn ... e po' el girava senpre in tondo e po' el te dava anca de le scornà! ... el ièra tegnù par el naso co 'n baston, el gugèlo, i lo tegneva par el naxo e dopo la xente i lo tirava!.

http://www.youtube.com/watch?v=HHTrTvRoURs

( me despiaxe no go catà la version col Bonbaxìn ..)

però sta cuà :http://www.youtube.com/watch?v=SIFrrRKkfaY
e anca sta cuà :
http://www.youtube.com/watch?v=l-bDwNDZBn0

Cuea del Bonbaxìn la ga da èsare na tradision veça asè, vojo dire de metarse n testa na ganàsa de bestia e far finta de èsare n animale pauroxo.. cofà i Mamuthones de la Barbaja o i Krampus-se n Tyrol.

" Secondo il folklorista russo V.Propp, il quale dà un'ampia esemplificazione delle maschere zoomorfe analoghe al nostrano Bombasin in epoca contemporanea, in un'area che va dall'Ucraina alla Bielorussia fino alla Grande Russia, lo scopo di questi travestimenti animali era quello di trasmettere alla terra la forza e la fecondità degli animali (...)".

Propp el ghe xonta on elemento inportante pa la dimension rituale de l maskeramento : " l'allusione sessuale, fondamentale nel concetto di fertilità:

Il giovane che si mascherava da toro reggeva sotto la coperta una grossa pentola d'argilla con delle vere corna bovine. una delle forme del gioco consiste nel cozzare le ragazze, ma cozzarle in maniera che non solo si facciano male ma che provino anche vergogna. Di solito le ragazze gridano e strillano ...=.

E difati ke Natalino de Loreo , uno de i testimoni orali el conta ke l Bonbaxìn
se'l vedeva na bèla dàna el ghe faxeva la corte! La vignea fòra par vedare nò, in corte ... la vignea fòra! Elora lù el s'incorxea ... el ghe ndaxea atorno... el volea anca tocarla!.

Ma sèto molarghe el Bonbaxìn n piàsa SanMarco co tute ke le mascarìne?! :D

Sparapàn nol pensa a l elemento sessuale col conta del Bonbaxìn : par lù l è solo ke la mixeria negra, la fame scura ca te fà ndare n volta pa ciaparte calcòsa da magnare.

E donca - el dixe - no'l xe nato come na màscara da Carnovale, come quele siore che tuti ga visto recitare in teatro, ma la jèra na risorsa de i pori desperà, on modo come nantro pa' cojonare la mixeria e ndare a carità senza mostrar el muxo e vergognarse.
Ma i lo saea tuti ki ke i jèra a scondarse sota l tabaro : el Moro Pesìna, on porocàn magro cofà na sangoétola senpre pien de fame, Varisto Cavalaro, Pierìn Zelegaro col guièlo, Cudi Fracheta che'l péciava so 'n pitaro tegnù a roèso a uso tanburo, Ristide Balbo co la cariola e Berto Pegnatìn, pien de tubercoloxi, co la so tronba da militare.
A fare el Bonbaxìn - el dixe - a jèra propio de la xente cusì poareta da no' poderse mantegnere on boxgato : insuma, da na parte a ghe jera i poarìti col bosegato e da l'altra i poarìti col Bonbasin.
S'a te vedivi pasare el Bonbasin, a volea dire ca ghe jera carestia in giro.
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale : El Bonbaxin (de Sparapan)

Messaggioda Sixara » sab mar 08, 2014 8:36 pm

L'ultima olta ca go visto el Bonbasin de la Ruigata, a me lo ricordo ancora, da la paura che'l faxea, che tuti putìni i scapava scondarse drio le còtole de so mare. I gera i oltimi de zenaro del '51.

El vegnea zo da la Ranpa, coèrto da on nizolo sbrindelà e spunciazà de pèze e co i cuòspi ca peciava co le broche so la strada dura de giazo. Drio la vita el ghea on cusìn a farghe la goba e tegnerghe basa la testa. El muxo el gera fato qualche olta de na testa de toro, ma ani prima par la pì parte el se prexentava co na ganàsa de boxegato co tanto de denti e che la vegnea movesta so e zo, a peciare sodi sora na toleta tonda, a uso barbizolo.
E intanto che'l Bonbaxin el moveva la testa in sù e in zo, a te sentivi sonare on canpanelo ligà a pingolùn tel colo.
Par fortuna che i lo tegnea strucà co na corda ligà tornovia la panza. E intanto uno el sonava la tronba e nantro el peciava sol tanburo e nantro 'ncora el ghe dava colpi de guièlo inte le rene o ves-cià inte le ganbe, da farlo saltarare.
E 'lora te sentivi el Bonbasin lamentarse forte, co na voxe sofegà : Uuhhh! Uuhhh! ca inscremiva el sangoe, come le àneme de l'Inferno.
A bisognava tegnerlo struco el Bonbasin, parché 'l saria scapà da tute le parte, a corarghe drio ai putìni o magari tirarghe le cotole a le done insprità.
Solo quan che i ghe dava on qualcòsa el se chietava. Elora se faxea vanti Balbo co la cariola e la sacheta e la parona la ghe dava na scodela de farina, on tocheto de lardo, na feta de poènta, na scazolà de onto pa' cunzare i faxòi o anca on qualche òso de boxegato ca ghea ciapà l'ispio o anca solo na fasìna de bruscoe.
Puòchi i codeghini, on salameto de figà el gera na rarità; na luganega po' na roba granda purasè.
Riva riva el Bonbaxìn
preparèghe on codeghìn!

Ma dopo l'aluvion no se ga pì visto el Bonbasin da gnisuna parte. Partio anca lu asieme a tanti poricàn del Polesine, sfolà in Piemonte e Lombardia.
Ma gnisùn de quei de la me età a se lo gà desmentegà. S'a sèro i òci, a me pare de vedarlo 'ncora el Bonbaxìn, girare par le strade de canpagna de Viladose e Canale, ignonde che 'l xe nato co ga roto l'Adexe ( 18 de setenbre 1882) e indove che l'è morto, co ga roto el Po ( 14 de novenbre 1951).

G.Sparapan, DIZIONARIO della parlata veneta tra Adige e Canalbianco , AQUA ed., 2009, pp.59-61.
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale

Messaggioda Berto » sab mar 08, 2014 9:25 pm

Bonbasin, diavuli neri e maranteghe en mostra a Caxe Piavone


http://www.marcadoc.it/2011/Maschere-e- ... lomiti.htm

Il Diavolo nero bifronte di Faedo vicentino. La Maràntega o Donàza, ossia la Befana. I Bombasin di Rovigo. Arlecchini e Matazin, demoni e giullari. La vita che continua dopo la morte: viaggio escatologico attraverso le più antiche tradizioni popolari. Aperta alle Case Piavone, la mostra etnografica «Maschere e Riti dei Carnevali Arcaici del Veneto e Dolomiti», curata dallo storico bellunese Gianluigi Secco, anima dell’associazione Soraimar (cioè «Sopra i mari»).

Mascare carneval sardo (carrasecare)
http://www.youtube.com/watch?v=RxekTvbNB_I
http://www.youtube.com/watch?v=vEg23VDt ... re=related

Mascare carneval furlan e xloen
http://www.friuli.org/tag/carnevale
Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 38318
Iscritto il: ven nov 15, 2013 10:02 pm

Re: El Carnovale : El Bonbaxìn ( de Crepaldi)

Messaggioda Sixara » lun mar 10, 2014 9:42 am

La Crepaldi tel so Ganzèga, Minelliana, 2006, pp. 191-196 la dixe ke da on p.de.v. etnografico, la questua de l Bonbaxìn, orso o toro ke l sia,
" presenta profondi legami con numerose forme cerimoniali analoghe in tutta Europa e necessita di essere collocata nel contesto culturale molto arcaico da cui scaturisce."
Elora sta màscara no la xe nata - come ca dixe Sparapan - fra na 'luvion de l Adexe e una de l Po. :)
ma l è porasè veça e la ga de i elementi comuni co altre culture europèe cofà :

" il travestimento animale, l'uso dei campanelli o dei campanacci, i nastri multicolori con prevalenza del rosso, la danza rituale con saltelli e spostamenti circolari e avanti e indietro, la ricompensa alimentare richiesta con la questua.

"Il travestimento animale viene interpretato ... come una figurazione primitiva delle anime dei morti che ... sovrintendono in modo costante e inequivocabile alla prosperità e fertilità della terra, e che trova nelle figure solstiziali come La Vecchia e Il Vecchione, il pupazzo del Carnevale e il Bonbaxìn, una versione antropoforma o zoomorfa che non cambia affatto la loro originaria natura infera e funebre.
L'uso dei campanelli e in genere del rumore rituale riveste sempre ... un significato apotropaico, serve cioè all'allontanamento degli spiriti e degli eventi negativi per la comunità, come, con incredibile precisione, afferma Annereide di Buso (RO), nella sua testimonianza : El Bonbaxìn el ièra par Carnovale. El ièra on fantasma co i canpanàsi che'l faxeva el giro del paese pa scaciare i spiriti maìgni.
L'abbellimento della maschera con nastri colorati, soprattutto rossi, è facilmente interpretabile con il richiamo alle forze generatrici della vita, risvegliata in prossimità della primavera dal caldo tepore della luce del sole: il rosso è comunque un simbolo solare. ( e del sangoe anca, de l fluire de l sangoe)
Quanto alla danza, abbiamo potuto appurare ... che il Bonbaxìn si muoveva con leggeri balzi, tre in avanti e due indietro, girando in tondo, toccando le donne e fingendo di mangiare e scornare gli astanti. Come componente magico-religiosa, la danza, costituita da corse e rapido calpestio del suolo, ha il potere di evocare le forze sotterranee ...
Infine ... la ricompensa alimentare: il corteo del Bonbaxìn aveva lo scopo dichiarato di procacciare una buona scorta di granoturco, farina, salami e vino da destinare a una o più cene comunitarie alle quali, secondo le testimonianze raccolte, erano ammessi anche famigliari ed amici che non avevano partecipato alla questua, con l'immancabile interdizione alle donne.
... Al di là della coscienza etnografica degli attori del rito carnevalesco ... è fuori di dubbio che la maschera zoomorfa del Bonbaxìn appartiene alla serie delle manifestazioni più arcaiche della potente capacità di propiziazione della fertilità della terra da parte degli animali, a loro volta personificazioni di esseri inferi come i morti, abitatori dell'oltretomba, ai quali si richiedeva la buona riuscita dell'anno agricolo."
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale: El Bonbaxìn ( de Natalino da Loreo)

Messaggioda Sixara » mar mar 11, 2014 9:16 am

L'è nato da na carèga

L'è nato da na carega ... on me amigo, co ièrimo ragàsi, co semo vegnù su da la goera ... comisiavimo vegner caxa ... la scuadra la ièra drio ciapar forsa nantra olta!
On amigo a l'ostaria Porte de Tornova co na carèga el volea fare el toro, co la carega roèsa in testa nò ... a vien fòra i corni dixemo. La inisiativa nostra l'è propio stà la carèga ... elora a ghe ièra on falegname, nò ... Ferùcio el dixe : A lo fàso mi el toro! Ma nò co la carèga in testa.
Elora, da on tronco de àlbore ... el lo ga tajà metà e xe vegnù fora la boca ... co 'n spago che lo tirava su e xo quélo che se lo meteva indòso.
A ghe metìvino na coverta pardesora e ndaxivino par le caxe, pa le ostarie; a ghemo catà el Maresialo ... madona a ghemo fato ciapar la bàla!
El Bonbaxìn el gavea quatro bròche ca ièra i denti, dopo Ferùcio el lo ga scavà ... dal tronco, par meterghe 'n testa nò, sinò el ghe faxea anca male, elora se ghe metea na baréta ... chi tenpi là na stràsa l'andava anca bèn, e sta coèrta tut'intorno ca restava fora propio i corni, i corni de bò e se ghe metea na pèle de conéjo pa fare la parte desora, el pelo.
(...)

In còsa consistevelo sto Bonbasin? Che versi faxevelo?

La figura l'è el boàro ca fa i versi e lu el ghe scorna. I ghe dixea al Bonbaxìn : Dai, dàghe na tugà! ca voéva dire na scornà ... na tugà!
La figura l'è de quelo ca conduse el bonbaxìn, el toro ciamemolo nò ... e 'l toro l'incantona el boaro, l'è lì el drama che ghe dà colore!
(...)
Senpre fato, mi el boaro! Fisarmonica, chitara e cantavimo tuti asieme! La canson l'è quela de la Vècia : L'è quà la Vecia co i so canpanàsi ...
A la fine a faxìvino na sena : in ostaria la racolta la vegneva destirà so la tòla e l'oste el gièra el casière, el divideva : stasìra a magnemo du salamiti ... domenega o sàbo a in magnemo nantri tri! Cusì! (...) Ma sàla salami ca faxevino su?
A ghièra sto Maresiàlo di Carabinieri a Loreo e quasi quasi no'l gèra tanto contento ca fìsino ... bacàn dixemo ... a semo ndà pa i cafè, chi ne daxeva schei là, nò salami e 'l se ga méso asieme anca el Maresialo co noialtri ! Madona!
El magnava i salami ... el ièra de la Basìtalia ma el magnava i salami col budèlo e tuto! Cofà na banana!
(...)

Quan ca ndaxevi cantar el Bonbaxìn ièri solo valtri òmeni?

Sì, la ièra na roba da òmeni, no vegneva le dòne ma a ghe ièra de i òmeni che i se scondea soto la tòla ...
no i savea indove ndare!
I ghea paura de sto toro!
I putìni ... le mame i li tegnea, i ghea paura, terorixà!
Mi a gavea na mùsa e col careto a metivino su quelo ca tolevino su da magnare e a faxevino vista che 'l bonbaxìn el andava a magnare i canàri! Che'l gera on magnare magro a chei tenpi là!
I canàri i gera la ganba del formenton, elora quei ca s'intindeva on poco i dixea : Eh varda, pòra bestia! I ghe dà i canàri da magnare! Nò spagna...
Ne la sosta da na caxa a che l'altra quelo ca faxea da toro, Erminio, el ièra coverto da na coèrta nò,
el dixeva contra de mi : Conpare! ... la vedeva na caldaia ... el gera tuto sudà!
No 'l podeva mina bevere parché el gera inpegnà co le man, elora co na cana e col periòto a ghe daxivino da bevere!
Ma el gera ... el gera tenace, sto Erminio!
El balava el toro, tri pasi vanti e du indrio e po' el girava saltando e se'l vedeva na bèla dòna el ghe faxea la corte,
la vignea fora par vedare, nò in corte ... la vignea fora
elora lu el se n'incorxea ... el ghe 'ndaxea datorno ...
co la lingua ... el volea anca tocarla!
Elora noialtri a faxevino el fulmine!
- Oh sta bòn! Sta fermo! Lando! Lando el nome del toro!

Ma in che giorno faxevi el Bonbaxìn?

A lo faxìvino senpre da la Pifania, se partiva senpre el dì de la Epifania ... la sente che la canson la dixe : E' quà la Vecia ... ma no s'emo mai incontrà co la Vecia,
la faxea naltra ... col saco ... la scoa
el ièra naltro progràma!

El nostro el gèra el toro! La pasion del toro ... la paura del toro!

Fonte : Natalino Barchi - Tornova di Loreo (RO)
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale

Messaggioda Berto » dom mar 22, 2015 9:39 pm

Carneval e ła mexura del tenpo
viewtopic.php?f=44&t=202
Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 38318
Iscritto il: ven nov 15, 2013 10:02 pm

Re: El Carnovale

Messaggioda Sixara » sab feb 01, 2020 6:28 pm

El Bonbaxìn 1991 Tornova de Loreo, Canalvècio e S. Pièro de Cavarzare :D
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: El Carnovale : El Bonbaxìn ( de Crepaldi)

Messaggioda Sixara » dom feb 02, 2020 11:18 am

Sixara ha scritto:La Crepaldi tel so Ganzèga, Minelliana, 2006, pp. 191-196 la dixe ke da on p.de.v. etnografico, la questua de l Bonbaxìn, orso o toro ke l sia,
" presenta profondi legami con numerose forme cerimoniali analoghe in tutta Europa e necessita di essere collocata nel contesto culturale molto arcaico da cui scaturisce."
Elora sta màscara no la xe nata - come ca dixe Sparapan - fra na 'luvion de l Adexe e una de l Po. :)
ma l è porasè veça e la ga de i elementi comuni co altre culture europèe cofà :

" il travestimento animale, l'uso dei campanelli o dei campanacci, i nastri multicolori con prevalenza del rosso, la danza rituale con saltelli e spostamenti circolari e avanti e indietro, la ricompensa alimentare richiesta con la questua.

"Il travestimento animale viene interpretato ... come una figurazione primitiva delle anime dei morti che ... sovrintendono in modo costante e inequivocabile alla prosperità e fertilità della terra, e che trova nelle figure solstiziali come La Vecchia e Il Vecchione, il pupazzo del Carnevale e il Bonbaxìn, una versione antropoforma o zoomorfa che non cambia affatto la loro originaria natura infera e funebre.

... Al di là della coscienza etnografica degli attori del rito carnevalesco ... è fuori di dubbio che la maschera zoomorfa del Bonbaxìn appartiene alla serie delle manifestazioni più arcaiche della potente capacità di propiziazione della fertilità della terra da parte degli animali, a loro volta personificazioni di esseri inferi come i morti, abitatori dell'oltretomba, ai quali si richiedeva la buona riuscita dell'anno agricolo."


Difàti, el Bonbaxìn el ghe soméja porasè la Màscara de l'Orso de le montagne piemontexi: Il tempo dell'orso, l'orso nel tempo .
Avatar utente
Sixara
 
Messaggi: 1764
Iscritto il: dom nov 24, 2013 11:44 pm


Torna a Tradision: fole, canti, poexie, teatro, bàli, mascare

Chi c’è in linea

Visitano il forum: Nessuno e 1 ospite

cron