Teoloja de i viventi

[Sixara]

Na deputata M5S sostegnù da naltra deputata Sel e da i Animalisti Italiani onlus, i domanda ke l vegna modificà el decreto lej. n.333 de l 1988 so la macellazione degli animali, " stabilendo il generale diritto all'incoscienza pre mortem".
Tuto parké n Italia a se continua copare le bestie secondo el rito halal e kosher, co la iugulazione sen'za stordimento preventivo.

Ke ipocrìxia.

http://www.repubblica.it/ambiente/2015/07/01/news/_non_fate_soffrire_gli_animali_uccisi_secondo_le_regole_halal_e_kosher_-118046860/

Sì, no stè farli sofrìre i animali prima de coparli secondo le regole halal e kosher. Sì, lè justo. Bixogna far in maniera ke no i sia cosienti de èsare copà.
Elora femo n modo : e n ke modo femo? El nostro modo, cueo de senpre.

Come femo a coparli naltri le bestie, come costùma secondo el nostro rituale?

Ma prima, on fià de nùmari pa savere de còsa ca semo drio parlare :

La macellazione rituale in Italia dati 2015

trexento-mila bovini;
doxentotrenta-mila conéi
siè-mila ovini-caprini

doxento i macelli autorizà a copar le bestie n deroga a le leji na'zionali e UE ke le te òbliga a l ' stordimento preventivo'.

A ghè da dire ke sti nùmari cuà, pa la pì parte, i ga ke fare col procedimento halal e manco col kosher. Basta vardare i nùmari :
i jera 3.000 i bovini copà tel 2010, n 5 ani i xe deventà 300.000. A te fè presto fare i conti : fin al 1993 n Italia a ghe staxea 100mila musulmani, dèso i è 1.700.000. E bixogna darghe da magnare halal tuta sta zènte.

E i ebrei? Pòki e te kei pòki ncora manco ke i ghe và drio la regola de la macellazione kosher. Ke la ghè comuncue, anca se - el dixe el cao Rabìno de Roma Riccardo di Segni - " il nostro rito, dalle analogie solo formali con quello musulmano, ha operatori competenti, l'affilatura della lama è perfetta."
Come dire : i è lori ca fà sofrìre la bestia, co de i operatori bòni da gnente e co de le lame spontà . Naltri inve'ze a sen bravi e veloci : " Il taglio netto di carotide e giugulare determina un brusco calo della pressione e anossia cerebrale."
Gnanca le s incorze, le bestie, ke i è drio a morire.
Pecà ke le sia poke, le bestie kosher a confronti de cuee halal, a te vegnarìa (scuaxi) da dire.

Dixevino ke par lèje i animali i ga da èsare storditi prima de coparli. Però, sicome ke se ga senpre prèsia de corarghe drìo a i ritmi industriali de la fabrica de carne, càpita anca ke l stordimento nol sia propio conpleto. Elora - de le volte - i è coscienti co ghe vien tajà la gola, o la testa o i rìva a le vaske co l acoa de bojo ( el metodo el varia seconda de la bestia). La testimonian'za de n operaio te on macello americano, la dixe ke almanco el 15% de le bestie le mòre pezzo dopo pezzo, movendo la testa e jrando i òci, finke i vien fàti a tòki ( tanto ke i se mete de le prote'zion da hockey pa no vegnere colpìi da la bestia n agonia).
I boxgati la ghe toca pèzo de tuti parké i è tanti da copare, anca on miliàro te na matina e te ste situa'zion i và on fià de corsa, dixen, e cusì a capita ke i vien sgozzati e butà te le vaske de scottatura ke i è ncora cosienti. I s incorze co i ghe cava i polmoni, ke i è pieni de acoa.

[Berto]

https://www.facebook.com/AnimalAmnesty?pnref=story


http://www.filarveneto.eu/wp-content/up ... bestie.jpg

[Sixara]

Spettacoli osceni i li ciama i animalisti e pornografia animale kela atività lì de metarse a vardare le bestie drento a :
"zoo, delfinari, circhi, sagre religiose, corse, palii, e feste popolari, mostre e esposizioni, fattorie didattiche, gare di pesca, gare di bellezza e selezione delle razze, animali usati per film e spot pubblicitari...".
L elenco nol xe conpleto, naturale, ca ghe zontemo i animali famejari, cuei ca vive co i omàni, drento le so caxe, ke na olta i jera el cagneto, el gatìn, al limite el peséto roso drento la bàla de véro o l canarìn n gabia e al dì de oncuò, senpre de pì i è animali exotici, serpenti longhi do metri o altre bestie ...

Parké mai on elefante el dovarìa - de so volontà - metarse so do 'zàte o na tigre superare el so terore pal fògo? Corride co i tòri, conbatimenti de can e gàli... a se capìse subito, nò? ke i è roba da deficenti violenti ma lè pì fina la violen'za da intendare drento al conportamento de la bestia tegnù prijoniera te on zoo o 'parco faunistico' ... ke màe ghe sarà portare i putìni vedare ste bestie, no le xe mìa senpre drento na gabia o na vasca de cemento cofà l orso, de le olte le ga anca na certa libartà de mòvarse.
Ke màe ghè a farghe vedare la corsa co i muséti pal santo patròno o portarli - i putìni - vedare la mostra canìna o felina?

Gnente a ghè de màe, na bestia lè na bestia, lè al mondo pal nostro comodo e sarà ben ke i putìni i lo inpara ke i animali i è de i ojèti da doparare pal nostro divertimento, sa voémo ke naolta deventà grandi, i continua co la prevaricazione, la violen'za, el sopruso ( ma nò solo co le bèestie... lè come exercitarse co le bestie, tegnerse n alenamento, on training verso tuto cueo ca te consideri inferiore o foresto... ca sàpia-mi ... de olta n volta a ghè tocà a le dòne, ai omosesuàli, ai dixabili, ai ne-g-ri ... ).

Portare on putìn a vardare le bestie al zoo, co la scuxa de farghe conosare i animali da vi'zin, lè on bon metodo pa insegnarghe l inferiorità de i animali. Mostrarghe i putìni ca te pòi obligare le bestie a stare davanti i nostri òci - a metarse n mostra - sen'za poderse scondare a vòe dire insegnarghe ke lori i è a nostra dispoxi'zion, ca comandemo naltri, ke naltri a semo i paroni del mondo.
A vòe dire insegnarghe ke tuto se pòe conprare/vendare: na bestia cofà n èsere omàno, la so conpagnia, el so afèto, el so amore... el so laoro, el so corpo... tuto se conpra e tuto se vende.
Rìdare de l conportamento de na bestia, al circo par ex. indoe ke l animale el ga perso la so dignità faxendo el pajà'zo pa i òmani o i cuccioli umani, nol ga gnente de educativo : a ghe mostremo ca se pòe rìdare e deridere l animale, la so intelijen'za, la so for'za naturale ridota a l obedien'za trèso la violen'za de alenamenti inposti ca no te vedi, ghe mancaria altro, ma ca te pò ben imajnartele le bastonà ke i ghe dà pa ridurli cusì, magari nò tuti, nò senpre, però...
Ma lè el concetto stéso ca me fà ribre'zo anca se no la ghe fùse la violen'za fixica ( ma la ghè) so la bestia : ma còsa ghè da vardare, da rìdare de on animale umiliato? Parké el nostro sguardo el ga da èsare ludico o sientifico o utilitaristico verso le bestie, verso i animali tuti, conprexi i omàni?
Come ca dixevo : le dòne, i omosesuàli, i dixabili, i vèci, i putìni... e anca i ne-g-ri , vèneti e nò.
Elora, se propio, a dovarìsimo portarli te i macelli nò a le fattorie didattiche, nostri fiòli, indove ke no ghè kela fin'zion dixgustoxa de la televixion co la vàca contenta ca pascola par i prà.

Le bestie tute, ma le selvadeghe de pì oncora, le và rispetà, no le xe al mondo pal nostro divertimento, o pa fare da cavie n esperimenti ke de sientifico i ga solo el metodo pa magnarghe desora skei . Cusì come ca tratemo le bestie - me ripeto - a ghemo tratà ( o continuemo tratare) le dòne .... ( vedi l elenco sora).
A ne son n ànema-bèla, a son nata n canpagna, a go visto nàsare e morire bestie ( ma nò de la so bòna-morte) fin da putìna, ma penso anca ke jera difarente elora, se saveva ke la bestia la te serviva, a jera pì onesto e vero.
A go senpre vù can e gati ma mai n caxa indove ca stà i cristiàn, cuesto no vòe dire ke no ghe voésimo ben ma ogniun al so posto. E l posto de la bestia lè n stàla o n corte, nò n caxa. La me xe restà sta roba cuà : sicome no go posto da tegnerle n maniera dignitoxa no go pì volesto bestie e no sò , co vedo cuei ca porta fòra i can fare i so bixogni, sa me fà pì pecà el paron o l can ... paroni s-ciavi del so can, ridicolo e ofensivo, par tuti do.
Mi a go insegnà n maniera difarente mefiòla : a ghè stà on periodo co la jera picinìna ca gavevimo de i gati o mejo do gate sorele, ke co jera la so ora le partoriva scoaxi el stéso dì. Elora a ghevimo on gran dafare co ste gate : a faxevino da levatrici, dixen, soradetuto co ona ke la jera on dixastro cofà partoriente... on saco de xvèrnie ke so sorela la ghe metea on lanpo.
Eh ke bei ricordi. Kela gata lì no la jera na bòna mare pa i so gatìni e difati ke la ghe li tegnea so sorela; ela la jera na bòna caciatrice, ogni matina scoaxi la me metea on ponteghìn-ragno sol zerbìn...
ma parké a son drio dire ste robe? Parké le bestie bixogna rispetarle, ke le ga na so personalità, no le xe dei zugàtoli da farghe fare cueo ca te vòi, de i sostituti de altri omàni pa conpensare le to incapacità, nevroxi e solitudini.

A ghè gnente da vardare, a ghè gnente da rìdare :
" Per pensarci come umani, la società ci impone di essere disumani : solo escludendo l' animale saremo accolti nella polis." - i dixe i animalisti de Oltrelaspecie -
Se la cultura, la tradizione, le leggi e Dio stesso sono dalla parte degli umani, se tutta la vita è concepita e rispettata in quanto umana, perché mai si dovrebbe cambiare un sistema così ' naturale '? ... Perché voler essere bizzarri, ipersensibili e andare ' contro natura '?"

Eh ? Parké ?

( par foresto a vojo dire altro, altro-da-ti : tuto cueo ca te lo intendi cofà altro da cueo ca te sì ti, da come ca te te figuri ti. El deto evanjelico del ' ama il tuo prossimo come te stesso ' el ndarìa coreto e integrà co la vera tradu'zion ( e interpreta'zion ) de l ebraico, lengoa da indoe kel vien, ke la sonarìa cusì : ' ama il tuo prossimo perché è te stesso ' . El Rabìno Hillel el dixe ke tuto l insegnamento de la Toràh el se podarìa riasumare te sta fraxe cuà. Altro no ghe xe).

[Berto]

Par mi no xe purpio tuto cusì! A ghè omani ke li vive e li xe tratà pexo de le bestie.

Le bestie al çirco łe fa coel ke fa l'omo, anca l'omo el fa łe so acrobasie, salti, danse, pajàsade, ... e cusì el ghe le ensegna anca a łe bestie: el can el ga enparà a far el pastor da miłiara de ani e no ghè gnente de mal; i cormorani entel Katai o Cina łi ga enparà a pescar co na sata łigà a na cordeła e no ghè gnente de mal, i cavałi łi ga enparà a farse montar e a tirar careti, cusì anca i lionfanti, ... anca łe bestie łe se gagna el magnar o pan e ła vita (el dirito de vivar) cofà łi omani e no ghè gnente de mal.

So i foresti, Sixara, i omani no łi fa altro ke far coelo ke łe fa tute łe bestie del mondo, difidar en vanti de tuto de ki ke no se cognose, ke ła xe ła mejo roba da far par no morir da macaki par gnente. Tute łe bestie łe defende el so teritoro e cusì el fa anca l'omo se no lè dal tuto ensemenio; el spasio vital lè sacro e l va defendesto co łe onje e co i denti e se ocor col baston e no ghè gnente de mal, pitosto lè on ben.

Lo so anca mi ke saria mejo lasar lebare łe bestie de far ła so vida ente ła so tera, ma a olte, cofà capita anca par łi omani, ła tera ła vien concoistà e łi omani e łe bestie le vien stermenà e na parte ridota o costrenxesta en sciavetù, capita anca al di de anco, anca ki da naltri ke no semo paroni a caxa nostra e ke łi ne vol metar drento jente foresta sensa dimandarne el parmeso e sensa sentir se ło vołemo o no. Se te ło fe co łe bestie łe se copa tra de łore. A ghè en volta on mucio de finti boni ke łi promove pì el mal kel ben!

Penso anca mi ke le bestie le vaga tratà co creansa e amor ma penso anca ca ghè on mucio de òmani ke li ga pì creansa par le bestie ke par staltri òmani.

[Berto]

spettacoli osceni...Ma lè el concetto stéso ca me fà ribre'zo anca se no la ghe fùse la violen'za fixica ( ma la ghè) so la bestia : ma còsa ghè da vardare, da rìdare de on animale umiliato? Parké el nostro sguardo el ga da èsare ludico o sientifico o utilitaristico verso le bestie, verso i animali tuti, conprexi i omàni? Come ca dixevo : le dòne, i omosesuàli, i dixabili, i vèci, i putìni... e anca i ne-g-ri.

E i veneti no Sixara? Parké a la to lista no te ghe xonti i veneti ca semo maltratà pexo de le bestie e dei creistiani, altro ke i negri!
Gràsie ca te ghè xonta anchi i veneti tra le bestie maltratà, ma metaghe la virgola.

[Berto]

https://www.facebook.com/LionWhispererS ... 5508582249

[Sixara]

Elora ghe la contemo la verità a i putìni? Inve'ze de portarli te le ' fattorie didattiche ' a dovarìsimo portarli vedare i ' allevamenti intensivi ', se i ne lo dése el perméso de farlo.
Come sémo so kelaltro fronte de l allevamento e macellazione ' normale ', dixen, cuea n regola co le norme UE? Nò parké a se stà tanto drìo la macellazione halal e kosher, ke da l EU a rìva tuta na serie de indica'zion sol come coparle le bestie ca magnemo ma, prima , (forse) bixognarìa savere anca come ca le xlevemo, a digo mi.

On fià de nùmari :
la pì parte de le bestie ca magnemo in EU ( pardelà de l 80%) la vien da i allevamenti intensivi. Còsa ca vòe dire ' intensivo ' dovarìsimo saverlo : le bestie le vien tegnù drento le gabie o drento i capanoni pieni-pieni stufinà de bestie, ona sora kelaltra, co poco o gnente posto pa movarse, sen'za luce solare, i ghe dà da magnare cibo iperproteico par deventare pronti pa la macellazione n prèsia, secondo standard industriali de produ'zion de la carne, de l late o de i òvi. Ke altro - a sì, pa poder sora-vivare te ste condi'zion i i inpinìse de medicinali ke dopo - ovviamente - i finìse te la carne, late, òvi ca se magnemo. Al mondo 50 miliardi de bestie - pési escluxi - le vien fàte nàsare ogni àno pa devegnere el nostro cibo.

L UE i dovarìa pensare anca de le norme sol darghe coalke ansiolitico ste bestie, oltre ke ormoni e antibiòtici, parké la carne dopo la ghe ne risènte : na bestia ke ga soferto la ga na carne poco bòna, ma naltri còsa n intarèsa : basta ke la costa poco e se la magnemo istéso. A ghe la demo da magnare i nostri putìni.

Elora no stemo contarghe bàle a i nostri fiòli, ke i pensa ke le bestie le sia cuée de la publicità ... bixogna dire senpre la verità :
de i maiali, par ex. còsa savemo? 9 milioni de maiali xlevà n Italia pa deventare on mùcio de roba bòna da magnare : bestie socevoli, curioxe e intelijenti, ghe piaxe esplorare el teritorio, n natura i pòe rivare fin 18 àni; la màre pa starghe drìo ai so boxgatìni la ghe prepara na cùcia comoda de fòje e paja. I boxgatìni ghe piaxe zugare, cofà tuti i cucioli.
Le femene le pàsa tuta la so vita ( 2-3 àni) drento na gabia granda cofà el so corpo ke la ghe consente solo de stare destirà da na parte pa darghe el late a i boxgatìni. I boxgatìni i stà parfora de la grilia parké sinò la podarìa ski'zarli o lori stési restare intrapolà te la grata de l pavimento. Le vien inseminà artificialmente e dopo do àni le scumi'zia fare manco fiòli, elora le finìse al macello.
E i boxgatìni? Dopo poki dì ke i è nati i ghe taja la coa ( sen'za anestexia), parké no i se la magna fra de lori co i xe on fià pì grandetini; stéso modo i ghe càva i denti canini pa no xgagnare la mare fin ke la ghe dà el late; castrà e dopo 4 stimàne ( ma el xve'zamento el sarìa de 4 mexi) invià a i recinti pa l ingràso. E dopo gnanca on àno ter lì : drento tel piato.

http://www.fabbrichedicarne.net/

[Berto]

Anca l'omo lè na bestia tra łe bestie ke łe magna altre bestie:


http://www.filarveneto.eu/wp-content/up ... e-crua.jpg

...On fià de nùmari :
la pì parte de le bestie ca magnemo in EU ( pardelà de l 80%) la vien da i allevamenti intensivi. Còsa ca vòe dire ' intensivo ' dovarìsimo saverlo : le bestie le vien tegnù drento le gabie o drento i capanoni pieni-pieni stufinà de bestie, ona sora kelaltra, co poco o gnente posto pa movarse, sen'za luce solare, i ghe dà da magnare cibo iperproteico par deventare pronti pa la macellazione n prèsia, secondo standard industriali de produ'zion de la carne, de l late o de i òvi. Ke altro - a sì, pa poder sora-vivare te ste condi'zion i i inpinìse de medicinali ke dopo - ovviamente - i finìse te la carne, late, òvi ca se magnemo.

Cognaria darghe a łe bestie ca magnemo almanco de vivar ben el tenpo ke łe ga da vivar e ke łe pòsa vivarlo al pien ente tuta ła so nadura de creadura.

[Berto]

Xela purpio na bruta roba?


http://www.filarveneto.eu/wp-content/up ... museto.jpg

[Berto]

Spettacoli osceni...
( par foresto a vojo dire altro, altro-da-ti : tuto cueo ca te lo intendi cofà altro da cueo ca te sì ti, da come ca te te figuri ti. El deto evanjelico del ' ama il tuo prossimo come te stesso ' el ndarìa coreto e integrà co la vera tradu'zion ( e interpreta'zion ) de l ebraico, lengoa da indoe kel vien, ke la sonarìa cusì : ' ama il tuo prossimo perché è te stesso ' . El Rabìno Hillel el dixe ke tuto l insegnamento de la Toràh el se podarìa riasumare te sta fraxe cuà. Altro no ghe xe).

El prosemo lè coel kel te sta arente/viçin e no coel kel te sta distante ke lè on foresto. No se pol amar ki ke no xe lì co ti.