???
Cogna parlarghene e ciàro anca e no far finta de gnente!http://www.e-venesie.eu/topic145.htmlRe: Charlie Hebdo
PostPosted by Paolo Pero » Wed Jan 14, 2015 10:38 am
sixara ha scritto::Sì, bixognaria ke i lo dixese ciàro e tondo - i organi de informazhion, a vojo dire - ke pardedrio de ste robe cuà a gh è i SKEI de i emiri, ke i è drio a conprarsela tuta l Europa e indoe ke no i ghe riva co i skei i ghe riva co le bonbe.
Eh ma i schei dei emiri i serve, cuindi no i pol ciaparsela co łori.
sixara ha scritto:La circolare de la Donazzan :
http://www.donazzan.it/visto-da-destra/ ... o-a-scuola Madame de Lapalisse :
"Se non si può dire che non tutti gli islamici sono terroristi, é evidente che tutti i terroristi sono islamici ..."
La scrive come ke la parla
però - te digo - bixognaria sì parlarghene de ste robe cuà, e scòla saria el posto pì adato ma , còsa vòto, a li sento mi i me coleghi... mejo taxerghe su.
Ovio che cogna parlarghine. Però un conto xe parlaghine, 'n altro xe dirghe a łe scołe de ciamar tuti i pari e łe mari dei toxati musulmani par farghe condanar el terorismo... come se'l aver cheła fede là el fasa de łori dei posibiłi sostenidori del ISIS o del Al-Qaeda.
Che po dirteła tuta sti teroristi cuà no i me par gnanca tanto integrałisti musulmani... cioè, sto ISIS el xe pien de xovani che fa mùxica rap, ma ła mùxica osidentałe no ła jera considerà mùxica del diavoło? Va ben che i ga da confondarse in mexo ai osidentałi, ma a mi i me par masa osidentałi par esar musulmani radicałi. Sarà che no xe pì i tenpi de Khomeini.
ps: senpre a propoxito de scoła, gheto sentìo ła stòria del tema a Thiene? Cueło del "spiegaghe al to amigo leghista che i foresti..."
Paolo Pero Posts: 430 Joined: Fri Aug 16, 2013 11:56 am
PostPosted by sixara » Wed Jan 14, 2015 12:16 pm
Paolo Pero ha scritto::Però un conto xe parlaghine, 'n altro xe dirghe a łe scołe de ciamar tuti i pari e łe mari dei toxati musulmani par farghe condanar el terorismo... come se'l aver cheła fede là el fasa de łori dei posibiłi sostenidori del ISIS o del Al-Qaeda.
La siora Donazzan, asieme co tuti kei altri ke i parla solo parké i ga la boca, no la ga mai meso piè te na scola evidentemente : come fèto farghe fare l abiura publica de la to relijon a fiòli e fameje? Praticamente , a vojo dire, nò a parole... cioè, come se fà ? Te i ciami tuti a scòla n asenblea plenaria? o basta mandar tipo na 'justificazhion' sol libreto ? o anca on formulario pre-stanpà da conpilare
Se se incorze de verghe i ixlamici a scòla solo dèso? E ki xe ke ga da parlarghe dèso - a ki ghe toca, a vojo dire? L insegnante de storia? de relijon.. o còsa? E a ke titolo te te meti a parlare de costion cusì conplicà, cusì private come cuee interculturali?
Mi intercultura a la go senpre fàta n clase, nò dìta a parole... blah-blah-blah a farghe le ramanzine ai fiòli, ke i ghe n à le bàle piene del discorare ca se fà a scòla.
Dognimodo, te dixevo, nisùna paura ke, almanco scòla mia, poki o nisùn a la ga ciapà solserio la circolare, parké no i se sente preparà a discutere de ste robe cuà, e i gà raxon, no te risolvi on bel gnente co na oreta de discusion, fata su e su, inbastia de luoghi-comuni veci come el kuko e nòve paure.
Paolo Pero ha scritto:: senpre a propoxito de scoła, gheto sentìo ła stòria del tema a Thiene? Cueło del "spiegaghe al to amigo leghista che i foresti..."
Anca lì, bixognaria vedare ke titolo ke l ghea sto sàjo ( imajno el fùse on 'saggio breve' nò on jenerico 'tema'), sol tipo 'pro-contro' e cioè : " argomenta i pro e i contro del fenomeno immigrazione", na roba cusì; la me pare màsa grosolana come proposta cuea lì del spiegaghe al to amigo leghista che i foresti....
No sò, a semo deventà tuti pì sospetoxi e da dopo charliehebdo anca de pì, insegnanti contro le fameje, fameje contro insegnanti, fioli fra de lori e contro i profesori... no sò. On bruto clima, se mai l è stà bèlo.
Dopo, te dirò ke mi problemi no ghe n ò ke mi insegno inglexe e no m intarèsa da indoe ca te vièn e de ke relijon ca te sì : a te ghè da inparare inglexe, punto.
A go senpre vù alievi de tute le razhe e relijon e no go mai vù problemi co lori, ghe digo sù a tuti e bèla ke fàta.
PostPosted by sixara » Wed Jan 14, 2015 12:33 pm
Paolo Pero ha scritto::Che po dirteła tuta sti teroristi cuà no i me par gnanca tanto integrałisti musulmani... cioè, sto ISIS el xe pien de xovani che fa mùxica rap, ma ła mùxica osidentałe no ła jera considerà mùxica del diavoło? Va ben che i ga da confondarse in mexo ai osidentałi, ma a mi i me par masa osidentałi par esar musulmani radicałi. Sarà che no xe pì i tenpi de Khomeini.
Sì, a te ghè raxon, a lo go notà anca mi. Sti cuà, a pare de capire, tanto ghe faxea de fare el cantante rap o còsa - la comésa te on negozhio o altro, come - a on zherto punto de la so vita de sfigà - de convertirse e ndare inparare a sparare...
còsa ghe xe capità a sti cuà o a tuti kei altri - i foreign fighters, come ke i li ciàma ke i se ciapa sù e i và conbatare pa de le cauxe ke no xe le soe, de zente nata e cresù n ocidente ...
L è la terzha ( o cuarta) jenerazhion n Francia de zoveni insoferenti de la vita ke i fà, là te le periferie de cualke cità europea.
Pa Italia la sarìa la prima de zente nata cuà, ke i parla perfetamente l italian ( mejo de l arabo de le olte), ke i ga fato le scole cuà e via discorendo ... a on zherto punto - là - fulminài so la via de la mèca...
no lo sò gnanca cuà ,còsa e come, ma bisognaria pensarghe anca so le raxon de ste robe cuà, nò solo ke discorare...
Sto profasor de Thiene lè n’ensemenio o ensemenia, lè gnorante e sensa criterio e sensa creansa:
a) nol ghe ga mai dimandà a li so studenti cosa ke łi ghin pensa de ła vera democrasia ke lè lomè coeła direta come en Xvisara e de ła difarensa ca ghè co coela falba e castual tałiana;
b) nol ghe ga mai fato far on tema so ła łebartà e el dirito a l’aotodeterminasion o so l’endependensa dei veneti;
c) nol ghe domanda mia se łi omani de on paexe o de na tera łi ga o manco el dirito de deçidar ki, come, coando e coanti migrà łi pol o far entrar, no conta gnente el dirito de łi omani de na tera, conta lomè el dirito dei foresti e de i migranti … sto profasor lè purpio n’ensemenio nol sa gnanca coxa ke sipia el dirito, ła lebartà e i valori omani ogniversali; el dirito de li endexeni el vien vanti de ogni altro.
Lè purpio on profasor kel fa dani, de scarsa omanedà anca se mi no so leghista e considero i leghisti de łi tałiani tałego-padani fanfaroni e nemighi de ła lebartà dei veneti.Ma coxa ghe ensegnałi a ła nostra xente, ai nostri xovani, ai nostri fiołi, sti “ensegnanti ensemenii, mexi kapò”: a sotostar a ogni angaria e sopruxo, a subir senpre tuto, a no esar paroni de ła purpia caxa e de ła purpia tera, a esar senpre sojeti ai altri e a no poder esprimare la purpia volontà, a no ver diriti de soransa połedega, a no esar łibari, a no contar gnente, a esar sensa degnetà omana ?