Orasion popolari

[Sixara]

Orasion popolari
viewtopic.php?f=24&t=276


El paternoster picolo

El paternoster picolo
averxe el sièlo grande.
La Madòna va pianxando,
va pianxando Piero e Polo
" Aveu visto el me filiolo?"
" Mi l'ò visto in sìma 'l monte
co le man ligade e zonte;
croxe in spale a g'aveva
che puortar no la puodeva".
Su la croxe fu inchiodato
e da lansa trapasato.
Per Maria che gran dolore.
La Pasion del Signore.

El Paradixo è averto.
E còsa ghe xe drento?
Na colonbina bianca.
E còsa gàla in boca?
'N può de fuogo benedeto.
Ghe n'è cascà na giosa
su quela piera rossa.
Piera rossa no s-ciopé
tuto el mondo luminé,
luminé l'anema mia,
Santo Spirito cusì sia.
Benedeta sia me mare,
sta 'razion m'à fato 'nparare.

[Sixara]

Le dodese parole de la Verità

-Dìme, anxolo, che xé uno? - L'è on solo Dio
-Dime anxolo : che xe do? - Le do Tavole de Roma
-Dime anzolo: che xe tre? - Li tre Patriarchi
-Dime anzolo, che xe quatro? - Quatro Vangelisti che sostenta el mondo
-Dime anxolo, che xe sinque? - Li sinque Libri che à scrito Moisè
-Dime anxolo, che xe sìe? - Le sìe vie de Galilea
-Dime anxolo, che xe sète? - Sète candele che arde in Hierusalèm
-Dìme anxolo, che xe oto? - Oto giuste àneme ne l'Arca de Noè
-Dime anxolo, che xe nove? - Li nove cor de li anxoli che stan a presso a Dio
-Dime anxolo, che xe diexe? - Diexe comandamenti de Dio
-Dime anxolo, che xe ùndexe ? - Le ùndaxe milia verxene
-Dime anzolo, che zé dodese? - I dodese Apostoli.

( ondaxe-mila vèrxene ma nol xe el paradixo de l islam?)

[Berto]

Ke i Santi del Çeło łi te tegna de ocio
e kel to Anxoło el te custodisa dal bon ła note e 'l dì;
ke ła Madona ła te couerxa co łe ałe del so xendałe
e kel nostro Pare Çełeste el diga ben de ti el te bendiga!


Enuma Elish, Elixi/Elisi, Eleusi/Eleuxini, Elohim, Allah, Elio, Helios
viewtopic.php?f=24&t=346

Ke łengoa parlało Dio? – Ła łengoa de ła preghiera
https://docs.google.com/file/d/0B_VoBnR ... tpTkk/edit


Pare nostro k'a te stè dapartuto,
entel çeło darente e drento łe stełe,
e so ła tera a rente e drento ogni gran de poldre.

Par tuti lè santo el to nome,
ente ogni dì vive el to regno,
ke ła vegna senpre fata ła to volontà
ente łi çełi e ente ła tera.

Pare nostro
dane anca ancò on toco de pan bon
come k'a te ghe lo dè a tute łe creadure,

scançełane i debeti
come ke femo naltri co łi nostri fradei,
e no sta màsa tentarne col mal
ma aiane a k'a se ło tegnemo lonsi.

Ke cusì sipia ancò e diman!

[Berto]

Caro el Nostro Pare Çełeste, Dio de l’Ogniverso e de ła Tera

mi ca so’ manco de on gran de poldre sol peło de on polxe,
me parmeto de parlarte co ła me lengoa omana
coeła ca te me ghè dasto ti bon Pare Axuro,
miłiardi de ani pasà co te ne ghè spuà fora, dal muro de Planck
ente ła łonga setimana de ła Creasion ,
coela voxe ca ghemo encora déso e ke ne vien drita dal to fià de keli dì.

Mi no doparo łe łengoe artefate ke dopara staltri
pa metarte na cavesa al coło e portarte en volta cofà na bestia domestegà;
co łi dopara ste łengoe artefate e xjonfe de rogansa,
cofà el latin e el tajan
me par ke łi te fasa dir coel ke łi vol luri
pì ke coel ke te vol ti
e capiso ke ła xe na granda bastiema
e ke ti te soporti tuto stando sito parké a te si on gran bon,
ma mi bon Pare Çeleste , pa fałar co ti
a doparo ła łengoa ke te me ga dasto ti e ke ła te xe asè cara
e ke gà el saor de ła łate de ła Madona,
ła to mama so ła tera ke te te ghè portao sora ła Volta Axura
trandola sù co l’aio de n’Anxolo.

Mi con favelo ła me łengoa veneta
me par de sentirghe rento ła to voxe e de vedarte,
de capirte mejo, de scoltar de pì łe to veretà e łe to bone drite,

capiso ke ła me łengoa no ła xe “Nomen Omen”
no ła xe ła realtà, no ła xe ła veretà, no ła xe Ti,
ła me łengoa ła xe on scoriman par ła realtà,
on troxo par ła veretà,
on tapeo par Ti,

ła me łengoa ła xe al to servisio
e al servisio de ła realtà e de ła veretà
e prasiò ła xe balba, omiłe e tremante, tri ‘olte balba,
cea, anxoła, ançeła, scoaxi muta, ke par ke no la diga gnente,
e xe vero ke ła dixe poco o gnente
parké se posa sentir ła tua de voxe
co tuto coel de vero e de bon ke ła gà par Nù
ke semo to fiołi.