Magnàr vèneto-ebraico

Re: Magnàr vèneto-ebraico: Gefilte Fish

Messaggioda Sixara » mar apr 26, 2016 2:00 pm

El Gefilte Fish l è el magnàre pì bòn de tuta la Tradi'zion Ashkenazita, ma ghe piaxe cusì tanto i Ebrei (ashkenaziti e nò) el pése gefilte, da verghene fato parfìn na can'zon :D

La seconda de ste 2 songs cuà n yidish, la dovarìa èsare cuéa sora :
...
Itst makht men dem fish, mayn khakhome, Now we make the fish, my wise one,
Alts eyns, fun'm taykh tsi fun yam, Whether it's from a lake or the sea,
Un git tsi a bisl neshome, And give it a bit of soul
Zol hobn a yidishn tam! (2) So that it has a Jewish taste! (2)
...
(Dèso te cuxìno el pése - la me ànema -
Ke l sia de lago o de mare
A ghe zontémo on fià de amore
Cusì ke l ciàpa on bon saore
)

Anca Franz Schubert l à scrito la ricéta de Le Gefilte Fish ...
ma -soradetuto - Cosèlo el Gefilte Fish?
Cuà Bubby Chanele la prepara el so Pése-gefilte n Yiddish (ke la me pare la Luixa, me amiga de Marina...) e cuà naltra Gefilta (by Sarah). :D

Na roba bòna, ma bòna asè... :D basta ke le sia frikadellen...
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: Magnàr vèneto-ebraico: Gefilte Fish (askenazita)

Messaggioda Sixara » gio mag 05, 2016 7:46 pm

E lora a ghe vòe :

on pése carpa da on kilo e ono da mèzo;
2 'zeole on fià groséte;
5 carote;
3 òvi;
4 sculièri de pan-gratà;
1 sculièro de 'zùkaro e naltro pa la salsa;
1 sculierìn de pevaro
de tuti sti ingredienti cuà a se ghe ne dòpara ;
el pése da 1/2 kilo, 1 'zeola, 3 carote, 3 òvi, 4 sculièri de pan-gratà, el sculierìn de pevaro, on sculièro de 'zùcaro e l sale,
pa farghe el pièn a l pése pì grando.

Par cueo ke l se ciàma gefilte , ca vòe dire ripieno : n pratica l è on pése col pièn de pése.

A se ciàpa el pése picolo e l se trìda a crùo (spìne e tuto) co la 'zegola e le carote e tuto cueo ca ghe vòe, e s inmìsia par ben.
Podòpo a se ciàpa el pése grando ( pulito e eviscerato) e l se tàja a fete groséte (do déi) e ghe s inpinìse col pièn.
El se mete zo te na tecia bèla larga, co la so 'zeola e le so carote tajà fetine, se coèrze de acoa freda a filo, ghe se zonta el 'zùcaro, el sale-pevaro e fà bojare pa on ora- on ora e mèza a fògo bàso, col coèrcio n xbàcio, pena-pena.
Co l xe còto el se cava da la tecia e l se mete zo te on bel piato da portata on fià fondo : el ga da fredarse col so brodo, na spece de salsa ke la fà la jelatina pardesora.

Però mi me piaxe el Gefilte Fish soto forma de polpete , se sà ...
e lora se fà cusì :

Drento te la tecia a se ghe mete tute le teste, la pèle, le spine e i scòrsi de tuti pési ( de tuti tipi), e se ghe zonta la 'zeola, le carote fetà, on fià de sèano, on litro de acoa. E se fà bojare pa 15 minuti.
Fin ke l boje a se trìda la polpa de l pése asième co 'zegola-carota-sèano; se ghe zonta du òvi, mèza scodelina de acoa, la farina de àzime a òcio ca vegna on bel composto , ne màsa duro ma gnanca màsa molegato. Sale-pevaro cueo ca ghe vòe e podopo se se bagna le man e se fà le polpetine.
Le se mete zo tel so brodo de pése e te làsi ke le boja, incovercià, pa on oreta.
Co le xe còte le se cava da la tecia e, come pal Gefilte Fish, le se porta n tòla te on piàto, da frede, co la so salsa pardesora.

Ma mejo cuée frìte, nò? de polpete de pése e ve metarò anca la riceta de le polpete de la Luìxa, ke no le sarà propio kosher ma i è cusì bòne, ma bòne asè :D
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Precedente

Torna a Ebraismo

Chi c’è in linea

Visitano il forum: Nessuno e 1 ospite

cron