Anbiente lagounar

Anbiente lagounar

Messaggioda Berto » mer mag 28, 2014 1:07 pm

Sixara ha scritto:Volevo ricordare ke Vènare 31 sol programa Geo&Geo a le 16 e 20 circa i fa vedare L Oaxi de Ca' Romàn. :)
Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 31381
Iscritto il: ven nov 15, 2013 10:02 pm

Re: Anbiente lagounar

Messaggioda Berto » mer mag 28, 2014 1:07 pm

Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 31381
Iscritto il: ven nov 15, 2013 10:02 pm

Re: Anbiente lagounar

Messaggioda Berto » mer mag 28, 2014 1:08 pm

Sixara ha scritto:Ca'Roman.. ( a ghevo scrito so RV)
L oasi de Ca'Roman: a ghe vago ogni ano pa fare le foto a l ex-colonia dee suore Canosiane e vedare on fià come ke le bùta le robe là. Na dexolazion , senpre pezo : me se strenze el core vedare el degrado, la sporcizia, le malegràsie ke i gà fato te kel posto là.. ke l dovéa èsare cusì bèo, co le so caxéte de legno, la pergola fòra indoe ca te te sentavi spetare la barca ca te portava Cioxa, la cexéta, el jardin, l orto..
Pa consolarme on fià ghe n ò profità ke ghe jera i fioli dea Lipu e vixitare l oaxi : me so intsucà parbèn te la parte soto al sole in spiàja ma co te rivi tel bosco.. ke maraveja. Oasi-oaxi.. pare gnan ke l ghe sia el Mose e tute le desgrazie dintorno.

Caromàn l è fiola dee montagne, ke da là vièn le sabie , ma anca del mare, ke le onde e le corenti i le gà mucià sù pa darghe forma a sto embrione, a sta ixola-putìna, e del vento ke ga formà le dune pa protejerla, forse l ultimo exenpio , sicuramente el pì bèo de 'cordone dunale' de l Alto Adriatico. Dopo xe rivà le prime piante pioniere e po tute le altre e dadrio i oxeleti : 170 spece i ghe n à catà, racuante bastanza rare. E l òmo, sa gàlo fàto? L à fato la so parte anca lù : el gà costruio el muràso de colegamento co Pelestrina e po le dighe foranee del porto de Cioxa tel 1911. E da lì in là l è cresesta sta ixoleta, l è deventà granda grazie a le sabie ca se fermava a la diga nord. L è ultima, ma nò de inportanza, de kel straordinario paexajo culturale ke xe tuta la Laguna de Venesia.

L oltima ixola ( asieme co Pelestrina) ke la fa parte del comune de VE, cusì distante tel tenpo e tel spazio ( te ghe vòe 2 ore bòne ndare fin p.za S.Marco) ke te sè, Venezia i tendaria on fià dexmentegarsela. Ma pafortuna ke ghe xe i fioi de la LIPU ke , co jentileza ma fermeza, i ghe lo ricorda ai veneziani ke , on fià dei fondi i ghe va anca Caromàn pa la jestion de l anbiente, la pulizia MANUALE de l arenile, la protezion dee nidificazioni, la ricerca e la didattica naturalistica, l opera de EDUCAZIONE AMBIENTALE da farghe ai citadini e turisti. I gà del bon tenpo, kei fioli, e l è davero bon, buono e generoso.

E l è na bèa rogna eh, de farla a màn la pulizia dea spiaja.. de sunàr- su solo ke i toki-toketi de plastica e làsare i legni e le alghe e tuto el resto ca ghe serve ai oxeleti pa farse el nido.. i se lamenta kei poki turisti ke va ciapare l sole dee condizion dea spiaja ke l è 'sporca'.. parkè l è naturale, cusì come ke la dovarìa èsare o ke la jera naolta prima ke i spianése le dune e i fése i stabilimenti balneari te i favoloxi àni sesanta. Ma a ghi n è de bravi, propio inzegnini ke i se fa dee bele tende co i legni, legneti e desora i ghe méte on telo pa l onbria.. ndare a Caromàn sviluppa le capacità manuali e il problem-solving.. Po i se lamenta parké a ghe xe i recinti pa i fratini e fratexeli e co tuto el posto ca ghe xe propio lì i vorìa ndare piantarghe l onbrelon.
I se la ricorda ncora la putìna ke tel '97, ai Alberoni, la ghéa sunà-sù tuti i òvi de i 13 nidi de fraticelli : sterminà la colonia. mai più visti. :(

El fato xe ke fratini e fraticelli i se fa el nido partèra so la sabia e fin ai àni 80 ghe ne jera on mùcio so i nostri lidi : oltre Caromàn, anca Marano Lagunare, al Cavalìn, S.Nicolò e Alberoni e pì n zò so i scàni del Delta.Na olta i jera posti poco frecuentà e no i vegnea disturbà pì de tanto tel periodo dea nidificazione , ma dèso.. cuéo ke no gà fato la putìna ai Alberoni lo fa i mezi mecanici de pulizia dee spiàje ke i ghe rùspa tuti i nidi, al resto ghe pensa gàze, corcai, pònteghe, nutrie,gàti.. ma l pezo xe i bagnanti, ke i ghe pianta l onbrelon in mezo ai nidi e lì i se mete a ciapare el sole o zugare a balon.. senza badarghe pì de tanto a sti pòri oxeli ca xvola sigando disperati desora dei onbreloni, ke i so polexini
i è drio cuxinarse te la sabia debojo, senza magnare.
Ste 2 spece de oxèi i se fa el nido partèra, on buxo tea sàbia e propio tel periodo majo-lulhio.. I fioli de la Lipu i ghe gà fàto el so bel recinto ( ecolojco,tuto fàto co i pali-palìne recuperà co tanto de cartèo de segnalazion de la nià...) ma lori i ga le àle e i va indoe ke i vòe, poarini .
La voxe del fradexèlo : col xola el fa on kre-ik o kit-kit ke l deventa on kiri-kiri-kiri co l se sente fastidià. Inveze el fratin el fa : pit o huit.
Parké i gà nomi simili ma i xe de spece difarenti : el fradexelo l è na sterna ( parente del cokae) ma el fratin el xe on Caradride ( corrieri e pivieri), elora el fa huìt.. Lè mimetico, el se confonde co i colori dea sabia, l è mìa fazile de vedarlo, gnàn par cuei ca lo conose bèn.

Altri uccelli nidificanti nell'Oasi di Ca'Roman :
Spiaggia-Dune : Fraticello, Fratino, Gruccione e Volpoca.
Arbusteto : Averla piccola, Occhiocotto, Succiacapre e Tortora.
Bosco : Assiolo, Cinciallegra, Civetta, Colombaccio, Cuculo, Gufo comune, Martin pescatore, Picchio rosso maggiore, Rigogolo, Torcicollo, Usignolo.
Edifici : Rondine.
Ke bee ke le xe le rondini-rondanine- le sixile. Caromàn le se càta bèn ke ghi n è on mùcio de 'edifici' xbandonà indoe ke le pòe farse el so nido ke nisùn le disturba. Na olta le se lo faxea te le stale, ke le jera anca piène de moske ke cusì le faxea presto a procurarse el magnare! Ma dèso.. le stale i è màsa 'pulite' e lustre e ijenike pa lore, e inseticidi e fitofarmaci i gà eliminà la major parte dei inseti e anca lore le se velena magnando roba tratà kimicamente. Risultato : negli ultimi 20 anni, in EU, le rondini sono diminuite di circa il 40%, in alcuni paesi anche del 60%. Ndando vanti cusì, te na vintina de àni le podarìa sparire del tuto.
Le fa na roba interesante , poco prima de partire : le se mete tute asieme so 'dormitori comuni' ( canéti soradetuto) e lì, so ogni càna se sistema na rondine. Le se méte d acordo so indoe e come ndarghe, le se prepara a la migrasion verso sud. Ogni càna la ospita na rondanina e ogni una dixe la soa.
Ma paludi, càne , canàre e canoàri no ghi n è pì.. elora 'sa fàle? poarìne.

'Era ca ghe 'ndè Caromàn? :D
E come se ghe riva fin là? No xe tanto fazie ma se ghe riva : da Cioxa co la linea ACTV ( uno ogni cuarto d ora ca.) e se ghe méte 10 min.; da Venezia via Lido-Pelestrina : on oreta medigo. Indispensabile la cartavenezia : 20 euro e te te càvi el pensiero pa 5 àni, ke si-nò te toca de pagare ogni corsa -boh- medigo 8 euro al posto de 1.50 ( no lo so exatamente ke l Imob el funziona na olta si e na olta no- elora te te sconti on ulteriore 50%).. Sarìa belo ndarghe de nòte : sàbo 10 agosto par ex. a " La notte delle stelle"a vedare le stéle ca casca tel mare e scoltare el canto dei oxèi noturni.
Info : http://www.lipuvenezia.it-

Ma sa ghe ndaxì no stè farme fare bruta figura : gnente càcia ( proibia dal 1989); gnente corare co le moto so le dune ( a lo so, le pàre fate aposta, ma no se pòe); gnente inpizare foghi, soradetuto dentro la pineda.. gnente piantare onbreloni so i nidi de fratìni e fradexeli e co pasè pa la pineta gnente òkelamenti ke l succiacapre ( n oxeleto stranbo, el vorìa caciare de note fa i babastrèj ma ghe manca el sistema sonar elora el lo fa solo ke al tramonto finké fa scuro) lè porasè sensibile ai rumori.. gnente gnente el se ciapa sù el va via, ke saria on pecà ke ghi n è restà 2-3 in tuto, medigo.

El MOSE inveze a se lo tegnemo: 3 ha de battigia, litorale e dune i è za stà sacrificà pa la conca de navigazion e pò el cantiere meso su da àni pa la costruzion dei cassoni ke zà el gà canbià le corenti marine e l trasporto eolico de la sabia ke podaria portare a l eroxion de de la parte nord del litorale.. po' i ga fato scapar via tute le volpoche. ke le se faxea el nido propio indoe ke i ga inpiantà el cantiere pa la costruzion dei casoni.
Ma a ghe xe anca bòne nòve pa l oaxi de Caromàn : l avarà ben 2 sorvejanti pelestrinoti inveze de l responsabile, Michele poaréto, ke l vièn da S.Donà e ke altro ca ghe dà na màn ke l vien da Verona, me par de ver capìo. Ke on fià de sorveglianza cadaria farghela : i ghe fa on mùcio de dispeti, tipo ronparghe i cartèi de segnalazion o dee spiegazion, darghe fògo.. robe cusì.
Uno grave : i gà portà de sconton de i conej selvadeghi ke i è drio roxegarghe tuto on certo tipo de muskio kel pararìa de vitale inportanza pa l ecosistema dunale.. ke cusì l ixola la se inpesta de coneji e lora dopo i ghe dà el permeso de caciarli, come ke i ga fato pa le nutrie e cusì i torna denovo a caciare dentro l oaxi. E co la scuxa de nutrie-coneji i fa fòra anca el resto. Le lodole, poarìne, come se fa.. le tortorine.. :)
Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 31381
Iscritto il: ven nov 15, 2013 10:02 pm

Re: Anbiente lagounar

Messaggioda Berto » dom giu 15, 2014 4:50 pm

Prima l'uomo poi caso mai anche gli idoli e solo quelli che favoriscono la vita e non la morte; Dio invece è un'altra cosa sia dall'uomo che dai suoi idoli.
Avatar utente
Berto
Site Admin
 
Messaggi: 31381
Iscritto il: ven nov 15, 2013 10:02 pm


Torna a Anbiente

Chi c’è in linea

Visitano il forum: Nessuno e 1 ospite