Ma i veneti del Veneto xełi on popoło?viewtopic.php?f=183&t=1731Veneto, łengoa e storiahttps://www.facebook.com/groups/552742514886329 Edentetà venetà: dimande e respostehttps://www.facebook.com/groups/5527425 ... 1528034761Par esar veneti ocor esar venesiani ?
No !
Par esar veri veneti co raixe venete fonde ocor esar venesiani ?
No !
Par esar pàreoti veneti ocor esar venesiani ?
No !
Par esar boni veneti e boni pàreoti veneti se ga da esar par forsa cristiani ?
No !
Par esar pàreoti veneti se ga da vołer el torno de ła Serenisima ?
No !
La storia del Veneto xeła ła storia de Venesia e de ła Serenisima ?
No, ła xe ła storia de tuti i veneti e de tute łe çità venete tra cu a ghè anca coeła de Venesia e de ła Serenisima, ma scanviar ła storia de Venesia e dei venesiani par coeła del Veneto e dei veneti łè on xbajo, na falbetà.
I venesiani jerełi pì cristiani de st'altri cristiani veneti e de st'altri cristiani ouropei ?
No !
L'arestograsia venesiana jereła pì cristiana de łe altre nobeltà venete e ouropee ?
No !
Se pol paragonar l'arestograsia venesiana a łi apostołi ?
No !
San Marco jereło on santo pì santo de łi altri santi ?
No !
I venesiani jerełi veneti mejo dei veronexi, dei trevixani, dei pavani, dei vixentini, dei belumat e dei ruigoti?
No !
I venesiani gałi enventà el comoun, łe lebertà comunałi e łi istitudi comunałi come l'arengo, ła concio, el major consejo e tuto el resto?
No !
I venesiani gałi enventà ła Repiovega, łe so lebertà e łe so istitusion ?
No !
I venesiani gałi enventà l'istitudo del Doxe ?
No !
I venesiani gałi fato sù on Stado Federal ?
No!
La Serenisima jereła on stado repiovegan ?
Sì ma arestogratego e castual !
La Serenisima jereła ła Repiovega de tuti i veneti?
No, ła jera ła Repiovega de l'arestograsia venesiana, łi altri veneti łi fea parte del domegno venesian e łi jera suditi !
I venesiani gałi enventà l'ogneversedà de Pava ?
No !
La łengoa veneta dei venesiani gała da deventar ła łengoa veneta de tuti i veneti ?
No !
La grafia doparà dai venesiani par scrivar ła so łengoa venesiana gała da devegner ła grafia de tuti i veneti ?
No !
I venesiani gałi costruio na Nasion Veneta ?
No !
L'endependensa dei veneti del Veneto gała da ver come orixonte, o da pasar traverso el torno de ła Repiovega Serenisima ?
No !
La Pàrea Veneta xeła fata da łe tere venete e no venete ke na 'olta łe jera domegno de Venesia ?
No !
El culto del Mito de ła Venesia Serenisima e de San Marco serveło a ognefegar tuti i veneti ?
No !
El culto del Mito de ła Venesia Serenisima xeło na bona roba e on bon edeal par i xovani e on bon modeło pal Veneto del diman ?
No !
Cosa xeło el venesianixmo ?
Lè el culto fanatego del mito venesian, de Venesia e de ła so Serenisima! Conpagnà dal sprèso e da ła negasion
par i veneti de tera e par ła so storia ke no ła xe venesiana ma veronexe, pavana. ruigota, trevixana, vixentina, belumat.
Sta mitomania ła ghe someja a coeła tałiana par Roma e i romani so cu a xe stà tirà sù l'edentetà edeołojega onedara tałiana; na falbetà orenda a spexe de l'edentetà tałeghe, veneta e de łe nostre raixe oruropee.
Xe justo cognosar ła purpia storia e coeła de tuti i veneti ?
Sì ! Ma no xe justo scanviar ła storia de Venesia e dei venesiani par coela de tuti staltri veneti ke no łi xe venesiani! Tanto manco spresàr, negar o falbar ła storia dei veneti ke no łi xe venesiani.
I venesianisti xełi i veri Pàreoti Veneti ?
No !
La Repiovega Serenisima jereła on Paradixo, on stado edeal?
No ! Se ła ło fuse stà, tuti i veneti, venesiani e non venesiani łi ła garia defendesta co łe onje e co i denti, anvençe, par primi i venesiani e ła so arestograsia łi ga prefaresto mołar el domegno de ła Repiovega pitosto ke conbatar par defenderla, consegnadogheła a Napołeon.
Parké i venesiani o mejo l'arestograsia venesiana no ła ga ognefegà tuti i veneti e trato sù na Repiovega Federal a soranedà de tuti i veneti enpiantando cusì na vera e fraderna Nasion Venetà?
Parké no łi se sentiva dal tuto veneti, spartii come ke łi jera tra i domegni de tera e de mar; parké no łi gheva on gran amor fraderno par i veneti del Veneto, par i lonbardi e i furlani dei so domegni; parké no łi vołea perdar łi so priviłej de casta arestogratega dominante e parké no łi ga savesto ajornarse ai tenpi e vałutar par ben e de bonora ła realtà de ła storia ke canbiava.
E i Serenisimi?
I Serenismi łi se gheva fato ciapar dal mito de Venesia e da coeło dei Serenisimi e ancora ancó no łi xe boni de vegnerghene fora e łi xe restà entrapołà drento sti do miti;
mi ghe so sta amigo e ło so ancora, ma a defarensa de lori go vesto el cogno e ła fortuna de profondir anca ła storia de mi e de tuti i veneti e no solké coeła dei venesiani e de Venesia.
Venesia no ła xe stà na bona mama e na bona marègna, co xe rivà el momento ła ne ga xbandonà tuti, fioli e fiłiastri.
Lo so ka par bruto dirlo e ca xe tristo recognosarlo ma lè on pàso ca ghemo tuti da far sa vołemo cresar e mejorar łe robe.
I Serenisimi łi ga scanvià Venesia e ła so Repiovega Arestogratega ca no ghè pì, par ła Pàrea Veneta; ła Pàrea Veneta lè el Veneto e no Venesia ke lè lomè ona de łe çita venete e ła Repiovega Serenisima ła jera na organixasion połedega a domegnansa venesiana ke no ła ghè pì daromai da 220 ani e no ła jera ła Repiovega de tuti i veneti endoe ke tuti i veneti łi jera sorani.
Ma i veneti xełi on popoło ?
La xe na dimanda a cu se ndaria mejo a respondar par somexansa anałojega e par scartamento, ... ke par definision standare e stereotipà:
dixen ke i veneti łi ga tanti tràti ke łi portaria a dirli/ciamarli on popoło, a scuminsiar da ła pristoria, però se stemo ai fati połedeghi e a ła storia de sti oltemi 6 secołi, a vien pì de coalke pensiero da scorlar ła cràpa. Soto ła Repiovega Serenisima ła pì parte dei veneti łi jera suditi del domegno de Venesia e Venesia no ła ga fato gnente par trar sù na Nasion Veneta co on so Popoło Veneto ognio e soran; dapò a xe rivà Napoleon, l'Aostria e ła Tałia e kel poco ca ghe jera el se ga descołà ancora de pì. Se vardemo ła realtà de ancó, da suditi del stado tałian e pieni de veneti ke łi serca de ciavarse łe scarpe tra de łori e de montarghe so ła skena de łi altri par farse portar, co na majoransa ke ła sente pì tałiana ke veneta a se fa fadiga pexar coanto Popoło Veneto ke łi xe e ke łi se sente i veneti.
El cristianixmo xeło on descremene o na scremadura ke ła caraterixa łe xenti venete e ła difarensia i veneti da łi altri òmani ouropei e tałeghi da farli aparir al mondo come on popoło par lù?
No, parké tute łe xenti ouropee łe xe parlopì cristiane. Caxo mai i veneti łi apartien a ł'ara cristian catołego-romana pì ke a coeła protestante. Prasiò no xe el cristianixmo ke fa dei veneti on popoło come ka xe l'ebraixmo par łi ebrei.
Ke fa dei veneti on popoło a xe al scuminsio l'apartenensa a ła tera veneta e dapò tute łe stratefeganse ca se ga xontà e xmisià longo i miłegni. E l'ognoła tera veneta ke ła se pol ciàmar cusì łe el Veneto e no altro come i teritori sojeti al domegno de Venesia o coełi ke entel domegno roman łi jera ciamà X Rejo e dapò Venesia e Istria.