Storia del Veneto e dei veneti de Piero Bortolin
http://www.pietrobortolin.it/pdf/indipe ... facile.pdf
A ghe go dà na ociada, par entanto a poso dir, ke Bortolin el parla de łengoa veneta ma kel dopara parlopì coeła tałiana, de łengoa veneta a se catarà manco de çento moti o parołe e cusì anca lù el partexa par farla morir.
Ne l'anseme el laoro xletran lè n'asenbrajo de xvari livri o storie contà da altri ma tute ençentrà so Venesia e so ła Repiovega Veneta, del resto de ła tera veneta, de ła so storia e de łe so jenti gnente, gnente de gnente; i miłe ani de ła storia venet-xermana, coeła comounal e de łe segnorie çitadine, dei castełi, de łe corti, dei borghi, de łe masarie, ła storia de Verona, Viçensa, Pava, Trevixo, Belun, Ruigo, Oderso, Este, Motagnana, Xevio, Çitadeła, Castelfranco, Basan, Conejan, Ceneda, e miłe altre, ... no ła ghè, anca el Bortolin el ga fata sparir o tutalpì cofà miłioni de pori veneti, en bona fede, envaxà e enfasà prima dal mito roman e dapò da coelo venesian gnanca el sa ke ła ghè e ke ła xe longa miłe ani.
E po sol termene de ła Repiovega Veneta a domegnansa venesiana gnanca na paroła so ła responsabełetà e łe colpe dei venesiani, de l'arestograsia venesiana; senpre scargar ła colpa sol naneto còrso Napoleon; no lè on bon segno de maouransa, de cosiensa e de afidansa darghe ła colpa ognora ai altri.
Lodevole el sforso fato, ma łè on remestar ła mema menestra ke ła se cata en volta da ani e tuta fiłà sol mito de Venesia co i veneti de mar e so ła negasion de i miłe ani de storia mexoeval dei veneti de tera.