TIOZZO GOBETTO Pier Giorgio , Famiglie e soprannomi Saggio di onomastica chioggiotta dal 1700 al 2010,Profilo di una comunità 3, Chioggia,2011.
Ghe so' fezionà sto libro, propio tanto e anca a l autor , ke l è propio bravo, el gà scrito tanto so Cioxa-Marina, se pòe dire ke l gà dedicà la so vita a l studio e la divulgazion de la storia de la so comunità.
Sto cuà l è on libro inportante pa' la 'definizion' de sè stesi, de la propia identità : ki semo naltri, come se ciamemo? Boscolo e Tiozzo a Marina e altri cognomi a Cioxa. Ma tuti a ghemo anca altri nomi: cueo de la fameja ke l deventa on soranome, on déto, na nomenansa, na nomenaja anca co i te tòe on fià n jro parké te ghè kel certo difeto fixico o particolarità..
On bel libro: anca graficamente co tuti i stèmi del Blasonario cittadino de Gateano Chiozzotto. L è n forma de Repertorio Alfabetico : cognomi, detti, nomenanse, nomignoli personali, co n sàjo introdutivo de l autor : Antroponimia chioggiotta : un approccio di comunità, 1. Onomastica a Chioggia, 2. Il Corpus rilevato, 3. Articolazione territoriale e prospettive dei soprannomi.