Tuti i grandi fotografi de montagne i ghe deve calcòsa a Albert Steiner ( e Steiner calcoséta a Caspar David Friedrich), el primo grande fotografo de montagne, ma nò n Vèneto : Switzerland
ono el vede na roba cusì, nò? el resta sen'za parole, sen'za fià par dirle, an'zi propio no ghe vien mente gnente... solo na sensa'zion mista de timore e de maraveja... cueo xe el
sublime.
Le montagne le se presta ben a el sublime, ste catedrali de ròcia sevère, imponenti, incombenti sora de ti, da inàlto co te vard insù e
lore le te varda, ma anca co te vard inzo, forse l è pèzo sì, da inàlto de la montagna a vardare inzo...
dognimodo ga da èsarghe na spièra de sole infra mezo le nuvole, mejo se le ciama el temporale, mejo se de matìna bonora o col tramonto, anca on ciàro de luna a va ben, an'zi mejo : molto
romantico e el sublime lè el sentimento puro de i Romantici.
Asè romantico, asè tedesco, forse anca vèneto, on
Sturm und Drang propio, ma tuto interiore, tuto par drento.
L àlbore nero, n alto a sx, nò la spièra de sole. L àlbore e la màsa de ròcia nera di fronte l àlbore. El rajo ca filtra fra inmèzo le nuvole lè màsa fà'zie da capire... cueo lè el
spirituale, el
divino, roba cusì, ma el sublime xe altra roba.
El
sublime nol te mete n pace co i to pìnsieri, nol te dona serenità e calma; el sublime el te li fa vegnere i
pìnsieri e scoaxi mai i è
sereni.
Dixevimo de Caspar D. Friedrich
ono fra i pì inportanti de i artisti romantici, el pitore de paexaji allegorici, co kele figurine de òmani e dòne ca varda paexaji meta-fixici, ca vede robe ke le và par-de-là de el dato reale de albe e tramonti, e alberi e scogliere e notti di luna :
http://www.caspardavidfriedrich.org/Còsa ghè de pì
romantico de l vardare la luna, inframèzo i àlbori, magari n conpagnia
de na bèla toxa, ma anca de on amigo, va ben istéso. Ma :
parké a se ghe ne vede 2 - de lune?
Anca te sta version cuà, de i do amighi, a se ghe ne vede 2
Metemola cusì : tel caxo de Friedrich l efèto lè voluto, lu el ga in màn el penèlo e lu decide còsa piturare, ma tel caxo de le fotografie, ca te fotografi de le robe e ghe ne vien fòra de le altre? Nò ke no le ghe fùse zà - ste robe - ma ti no te le vedevi o no te ghevi propio l inten'zion de fotografarle, propio kele robe lì, e te t incorzi de lore solo dopo, co te le stanpi ( naolta se faxea cusì, dèso col dijtale a te lo vedi sol skermo de l conpiùter).
Cueie xe
epifanie : lanpi de rivela'zion ca pàsa pal sublime. El sublime lè on sentimento ca te pòi provarlo anca caxa-toa, davanti a el skermo de l to conpiùter co te
vedi cueo ke no te ghevi visto fin ca te faxevi le fotografie là, te kel posto là, te kel momento là ca te jeri drio fotografare.
