Filò (foro-forum)

Fiło, fiłò, fiłar, filanda (etimoloja)

https://docs.google.com/file/d/0B_VoBnRLQEo4b3hIVW44OFZINzg/edit

Filò a cu parteçepemo o endoe ghe semo (o ghe semo stà) drento par dir la nostra:

Centro Studi La Runa

(lè on sito coultural arente de Caxa Pound, ma anca se posto robe creteghe so Roma, la Talia, el fasixmo … no li me ga mai dito gnente)

http://www.centrostudilaruna.it/forum

Antrocom

http://www.antrocom.it/MDForum.html

Cruscate

(on sito de taliani ke descremena le altre lengoe taleghe ciamandole dialeti)

http://www.achyra.org/cruscate

Dialettando.com

(on sito de taliani ke descremena le altre lengoe taleghe ciamandole dialeti)

(dapò ani li ga scançelà el filò parké a ghe scrivevo lomè ke mi e tuti staltri li gheva fifa o temansia de parteçepar par via de le me creteghe a la Teoria Romansa par cu tute le lengoe dite dialeti le rivaria dal latin … )

http://www.dialettando.com

RaixeVenete

(li ga scançelà el vecio filò parké no ghe piaxe màsa ke la xente veneta la pense co la so testa o crapa e ke la diga la sua e ke magari li sipia anca creteghi … come mi ke no ghe le sparagnavo … Par sta asoçasion coultural el Mehoevo o evo xerman nol ghè e li xermani li jera barbari; par luri la bona storia la pasa da Roma a Venesia e tuto el resto xe scançelà come par la Talia ke la ga scançelà la storia dei veneti fandoli pasar lomè ke par romani e taliani. Li ga ognora spresà el me laoro; co li go arente faso fadiga anca saludarli; me despiaxe parkè na olta a ghe jero amigo.)

http://www.raixevenete.com/forum_raixe/default.asp

Accademia della Crusca

(li lo ga sarà … ?)

http://forum.accademiadellacrusca.it/canali.shtml

http://forum.accademiadellacrusca.it/phpBB2/viewforum.php?f=3

http://forum.accademiadellacrusca.it/phpBB2/viewtopic.php?t=411

—————————————————————————————————————————————————-

El fiło e el fiłò.

El fiło de ła nostra łengoa ło ghemo drento de naltri e xà fiłà par nù da łi nostri havi.

Na aria ke ła scuminsia e ła se desfa entel fià de Dio, entel sigo s-ciocà del Big Bang;

e co parłemo, ła nostra boca ła ła tèse, sta fiłagna, seda pì fina de coela del bào moràro e pì forte de la bava de staltri bài ragnoxi le cu terajne łe xe gàrze de luxe, tute traforà o xbuxà cofà łi pìsi-merleti de Buran.

Na teła forte, come ca xe forte el tełaro ke ł’à tesesta co łe stese man ke par miłegni łe gà fato łe seste de strope, łi scoati de sorgo, łe ghebe, łe redi bertuełe e i tramaj de canevo bon.

Tuto coel ke ne serve el ven fora fiłà e tesù da kel majego tełar ke lè ła nostra boca endo ke ła łengoa łè społeta e man, on s-ciantixo de saete, ke ła taja, ła cuxe, ła enbastise, ła xlonga e ła scursa, ła ghin fà straje par narghe drio e sistemar kel fiło kel ghe riva da ł’arcołàro de vita ca semo nù e łi so discorsi o rengaure łi se fa barete e goanti, fanełe, majoni o pulover e mudande … pałetò, braghe e tabàri, cotołe e sindałi, scalsaroti e tapei … vida … criade, saràke e xmoroxade, sighi, voti e juramenti, poexia e cante, … vita … vida anca da morti!