Burìre

Burìre

Messaggioda Sixara » ven dic 28, 2018 11:09 am

Burìre còsa ca vòe dire en lengoa veneta?

La prima attestazione, secondo el http://tlio.ovi.cnr.it/TLIO/ l'è veneziana, da i testi de Lio Mazor e a vòe dire "saltar fuori" e anca "schizzare" ( de i òci da le orbite); podòpo i lo dòpara - testi en toscan-veneto - pa intendare la borrita e cioè na tècnica de càcia ke a te fè 'levare' la selvaggina da indove ke l'è sconta e podòpo a te la copi.

Benón. E parké da naltri a se dixe par ex. el/la me ga burìo e mi a lo intèndo come "una aggressione verbale", solo a paròle, ma dite a voxe alta co di urli anca, anzi tel 'burìre' bixonha pròpio urlare, okelàre forte.

I can, i doparava i can pal 'borrire', pa burir-ghe la selvaggina ke la saltése fòra da indove ke la jèra sconta.
L'etimologia de sta paròla pare ke la sìpia longobarda, de sicuro l'è voxe settentrionale, ma: da indove e còsa ca voleva dire sto 'etimo non accertato' (ke i se la cava sènpre cusì - luri - o si-nò onomatopeico), ke - da coalke parte - i lo dà cofà *bor :?
Avatar utente
Sixara
 
Messaggi: 1764
Iscritto il: dom nov 24, 2013 11:44 pm

Re: Burìre

Messaggioda Sixara » sab gen 05, 2019 11:58 am

A ghe sarìa el vb. bourrer en francexe, tel sinhificà de
"d) Spéc., CHASSE [...]",
ma soradetuto tel sènso " Fig. Maltraiter quelqu'un en paroles, le gourmander. [...] "
Anca kel'altro sinhificà de A.− [L'idée dominante est celle de remplir complètement] l'è intaresante (el ghe corisponde al vb. imburegare del vèneto e parole come bùrega, buregón, buregòtso tute ligà al senso de 'fagotto - infagottare') ma no l'è so mama.

A resta el problema de l'etimoloja: da indove e come?
Anca tel FEW, pp. 641-42 i ghe ne dixe on mùcio de ròbe, ma poco o nhente so l'etimoloja.
On frk. *buril e basta.
Avatar utente
Sixara
 
Messaggi: 1764
Iscritto il: dom nov 24, 2013 11:44 pm


Torna a Etimoloja de moti o parole venete e no

Chi c’è in linea

Visitano il forum: Nessuno e 4 ospiti