La Calàs

[Sixara]

http://www.lastfm.it/music/Maria+Callas/_/Carmen+-+Habanera+L%27Amour+Est+Un+Oiseau+Rebelle

http://www.youtube.com/watch?v=p19Rh5HWiRc

e Una voce poco fa..
http://www.youtube.com/watch?v=OJMH4ZnGIWs

la fa la grazioxina.. lè la Callas pì vera par mi..

mi lascio reggere, mi fò guidar io sono docile, sono obbediente ..
MA ..
co la dixe MA..

[Sixara]

I ghe n à dite tante so la Callas..
par ex. : ke la jèra gràsa, nò? co la xe vegnùa n Italia la jèra na bèla fiolona - na polona dirisìmo naltri - po' la se gà mesa a dieta e l è deventà kel figurìn ca se pòe vedare n serte foto : elegante co i so tubini neri e l filo de perle ca ghe conprava somarìo da Faraone a Milano..
la lejenda la dixe ke la se ghese magnà el bìso, el verme solitario.. ma drento a na coppa de champagne!

Sta cuà la xe vera invese : a la contava Marcello Mastroianni ke l dixea ke, co l andava a catare la Catrìn Deneuve a Parigi el sentiva la voxe de la Callas vegner fòra dal buxo del camìn. Ke la ghe stava desora o soto de l apartamento de la Deneuve. E se sentiva la Callas tutaldì ke la faxea i so vocalizzi..
Co l andava a Parigi da la Catrìn el ghe portava senpre na pegnatìna de minestra de faxòi, ke a la Deneuve i ghe piaxea asè. In aereo, Mastroianni co la so pegnatina .

Inveze Onassis el ghe mandava on aereo tute le matine, senpre Parigi, da l ixola de Skorpios a torghe i croissants freski a la Jackie.
La Callas la lo ghea savesto da i jornali ke Onassis el se jèra conpagnà co la Jackie. Ke brute robe. Ke maleducato ke l òmo : el ghea dito ke la ghea on subiòlo n gola. A la Callas : solo parké, ogni tanto, la perdea la oxe, poaréta; la la gheva sfrutà màsa.

Onassis l è stà el so unico amore-grando. La ghea anca perso on fiolo co lù.
Desfortunà kela dòna n amore : la se jèra 'namorà anca de Paxolini co i jèra drio a Medea. I se scrivea de le bele letere.

E Meneghini poaréto? So-sorele le dixea ke la gheva fàto-fòra tute le fornàxe a meneghini.. una drio kel altra. Sistematicamente.

Casta Diva :
http://www.youtube.com/watch?v=TYl8GRJGnBY

( de ke colore podevelo èsare el vestito? i joièli i xe veri.. i è cuei de Faraone de Milàn)