Cantar ła steła e łe orexeni del Nadal
viewtopic.php?f=28&t=219
Cantar ła stela lè n’ato d’amor par l’omo, par tuti łi omani!
Cari cristiani de Montecio
ke vè en volta par łe contrà a cantar ła steła
ke lè l’anunsio de la naseda de Jexù
e ke ło nunsiè co gran caxin
doprando tute łe łengoe del mondo fora ke ła nostra, coeła veneta
e gnanca a ghì pì na fregoła de łuxe par vargognarve!
Ve sovegno ke Jexù col parlava a ła so xente el doparava łe łengoe de ła so xente:
l’aramaego e l’ebraego,
nol doparava de çerto ła łengoa latina de łi romani envaxori
e gnanca el grego, łengoa franca del Mediteragno orhental.
Anca ła Madona ente łe so aparision de Lourdes e de Fatima
ła favełava ła łengoa dei pastorełi e no el spagnoło o el latin.
Valtri, cusì fando a tradì el spirto de Cristo
e par ke co tuto sto caxin
a nunsiè pì ła naseda del fioło del demonio
ke coeła del fioło de Dio e nostro fradeło Jexù.
Vargogneve ke saria l’ora!
Ke łi santi del çeło łi ve tegna de ocio
e kel vostro anxolo el ve tenda dal bon la note e el dì:
ke ła Madona ła ve cuerxa co łe ałe del so xendal
e kel nostro Pare Çełeste el diga ben de vù, el ve bendiga!
A go preparà el testo, cusì stasera co li pasa a ghe la canto da la fenestra, co l'enpiria sigalona o corno o megafono.