Il cristianismo e Cristo l'ebreo eretico
http://www.filarveneto.eu/forum/viewtopic.php?f=24&t=38
Marco (etimoloja)
on santo cristian de łi veneti de mar ma anca de coełi de tera
HTUhttps://docs.google.com/file/d/0B_Vo ... UU/editUTH
https://www.filarveneto.eu/moti-o-parol ... -etimoloja
=======================================================================================================================
Citasion (on scrito de altri ?)
34 -
"Prima veneziani e po cristiani!" - overossia la vera storia de l'Interdito che gavemo patìo el 17 de avril de l'ano 1606
Cara la me carissima Venezia!
Cristianissima in t'una maniera de un suismo, cussì completo e genuin che tanto el deve essarghe piasso a'l bon Dio, siben (come se vedarà in sto fato che stago per contarve e che'l ga le so raise ne la storia documentada) no'l ghe piase gnentafato a i Vicari de so Fio in tera.
Andé pur a notiziarve su l'antiga "Cronaca Veneta", opur su la storia de Venezia de Cesare Cantù e vedaré co i vostri oci che sta frase "Prima Veneziani e po Cristiani" la xe stada dita a sacrosanta nostra rason, in t'un momento che la serenissima e el Papato s'à messo a sbarufar tal qual Nicoloti e Castelani, par via de certe question terene che el popolo ne tramanda in sta maniera s'ceta, senza vèli de coretezza diplomatica in te'l frasario, come desso ve contarò.
Ciò, no xe da farse de maravegia, perché quelo antigo gera el tempo in te'l qual i Papi fava i Re de corona, i se tegniva in bon de figurar galanti ne l'aspéto; ghe piaseva de dar)n te l'ocio de'l publico co l'esercizio pomposo de la so sovranità, propio come, metemo, un ambizioso Re de Franza o de Inghiltera.
Gera anca el tempo che'l Capo de la Religion el voleva esser tegnuo in conto de "Re de i Re" e parfin agiutà senza proteste da tute le Nazion Cristiane, quando che'l se sentiva ispirà a far guera a chi che ghe pareva a lù, secondo el so interesse che po ben de spesso el fava passar per interesse de la Cesa Catolica. La usanza antiga la portava a credar che i Papi trasmetesse diretamente el voler de Dio, e xe per questo, gnente per altro, che i gera respetai, temùi e ubidìi.
Cussì xe 'ndà a finir che anca a Venezia, quando el Papa s'à messo a sigar "Dio lo vuole.!", insieme a altri popoli europei de fede catolica, la s'à trovà ne l'intrigo de le "Sante Crociate" che per ani e ani le ga portà spini e triboli a tuta la cristianità. Ciò, cossa gogio da far se el popolo la intende in sta maniera?
No xe per tirarla in longo scomenzando da Adamo, ma toca per forza menzionar le Crociate per farve capir come mai na Republica come la nostra, che gaveva cussì cara la indipendenza, la gera moralmente obligada (o la gavarìa dovesto essarlo) a sotostàr, per çerte robe a l'autorità de i Papi. Usanza de quei tempi, ve replico.
Cossa gerele po mai ste famose Crociate? Ben, ve dirò, che da quel che ga capìo i nostri popolani, pararìa che a un çerto momento i Papi gabia trovà giusto de spenzar cristiani de tute le razze a deliberar da man infedeli, quel sepolcro vodo che Cristo, dato che no'l ghe serviva altro, el gaveva sbandonà lazò in Palestina tra i so copaesani ebrei. Altri dise che la vera rason de le Crociate la gera tuta difarente e manco confessabile da la Sacra Romana Chiesa.
Sia come la sia, fatostà che anca Venezia, come zà dito, per onor de firma, ma tanto mal volenti era che mai, ga mandà a la Prima Crociata un pocheti de i so omeni e un campion de le so galeazze a rinforzar l'esercito papalin che, a quei tempi, el gera armà più de simitare e de cortelazzi copa-omeni che de libri de orazion e de amor fraterno per i so nemiçi.
Certo che Venezia a'l so primo intro in sto miscugio de soldai de difarenti stati la deve essarse dita: "A remengo anca la Crociata!" Ma ciò, èo'l passar de'l tempo, quando che la ga visto tornar indrio da la "espugnata Gerusalemè" i genovesi e i pisani carghi come mussi de ori, arzenti e strepitose richezze de ogni sorte, bisogna dir che ... la ga subito voltà la brasiola' e no la xe stada più cussì descontenta de parteçipar a sta meravegiosa aventura sepolcral tanto renditizia. Anzi, delongo la se ga sentì o infogàr de amor ardente per la tomba de Nostro Signor, calcolando che, ciò, per mal che l'andasse, dopotuto ste Crociate le gera na bona ocasion che ghe cascava a balìn per ingrandir i comerçi levantini che Venezia praticava zà da un toco per conto suo, co piena sodisfazion da na parte e da st'altra.
Ste robe le andava dite come sfondo per capìr el quadro che desso ve presento e che'l xe la vera storia de quel famoso "Interdito" che Roma, dando segno de ignoranza granda, ga gomità5 sora Venezia, ma senza nissun costruto, come vedaré in seguito.
Dunque, pàssa ani, continua le "Sante Crociate" co relativo descargo in Patria de tesori palestinesi e moreschi (vizieto questo che i nostri veci marcanti, naveganti e soldai veneziani i gaveva ciapà in cuna, mantegnindoselo caro infin a la cascada de la Serenissima) e tuto pareva 'ndar lisso come l'ogio. Ma dopo tante vitorie de le armi cristiane, sucede che, per na volta, anca i soldai musulmani xe rivai a dar na tremenda mastruzzada a la flota papalina.
Tera verzite! Imbilà da no dirse per sto fato fora de l'ordenario, el Papa Clemente ve ga zurà de vendicarse. Delongo el ga sbragià a tuti i popoli européi cristiani che nissun de lori, per nissunissima rason a'l mondo, el doveva mai più far trafeghi, comerçi o aver contati de afari co quei fioidecani de zentagia infedel, e guai se qualchidun de credente in Dio se fusse azardà de disubidir a sto ordene che'l gera detà da na giustizia che lù ciamava umana.
Quà semo finalmente rivai a'l punto indove sucede un patatrache intra el Lion de San Marco e la cussì dita "Catedra de San Piero", per na rason de nostri interessi veneziani che ben se poi capìr e giustificar.
Va subito dito che, co sto ordene, più pezo malora no podeva capitar a la nostra Dominante che la viveva de'l comerçio co l'Oriente e che da sempre la gaveva vua usanza (Crosade a parte) de praticar cortesemente co sti infedeli, doparando co lori tute le regole de la bona creanza comerçial e civil. Figureve che parfin la li façeva, sti infedeli, intrar ne la nostra çità per scambio mercanzie, senza 'ndar a savariar se i gera ebrei, turchi, armeni e de fede antipapista.
Venezia gera cussì zentil co i so boni clienti, da lassar anca che sta zente praticasse in libertà anca le so difarenti religion e la pareciava "Fondeghi" (magazen, casa, botega) apositamente per logar sti foresti ben spartii per paese de provenienza. Defati esiste ancora, desso destinai a altri usi, el Fondego de i Turchi, quelo de i Todeschi, el gheto de i ebrei ecc. Insoma, tuti i stranieri gaveva un tratamento come megio no podaria far un moderno Ente Provinçial de'l Turismo.
Per sorazonta, sto arivo de marcanti foresti nò solo el gera per Venezia fonte de gran guadagno, ma anca, semo giusti, un luminoso esempio de çivil toleranza, qualità questa che de quei tempi no la gera ancora conossua da le altre Corti italiane e manco che manco, roba questa che dovaria far gran meravegia, da'l Stato Pontificio.
Parcossa mai Venezia gavaressela dovesto farghe de colpo in bòta cativa çiera a chi che ghe portava in casa drapi de oro, veludi, sede e quele benedete "spezie" che po i nostri mél;rcanti rivendeva a prezzi sora la broca? Figureve dunque, creature, el gran sconquasso che ga portà a Venezia sto ordene papalin. In su le prime tuti xe restai insemenìì da la sorpresa.
Po el Dose xe corso a conçertarse co i nobili de la Signoria, per deçider su'l da farse. Intanto che el popolo e i marcanti i tirava saràche in tuti i cantoni de la çità a'l preciso indirizzo de Clemente ve e de la intiera preteria mondial, le povare donete veneziane, sentindo ruzàr tempesta su Venezia, le se portava de presenza in Cesa indove, tociando i deolini in te la piléla de l'acqua santa, fandose un desìo de segni de crose le pregava Dio de sfantar l'ira papal che menazzava de destruzer la çità se no la gavesse ubidìo a i so ordeni.
Passada la prima scossa de sorpresa, el Lion de San Marco (ossia Venezia tuta co Dose, Signoria, nobili, marcanti, femene, putei, tuti ingrumai insieme) co tuta la energia che ghe permeteva la creanza, de çerto magari co forma un pochetin più diplomatica, ma in sostanza precisamente come ne lo ga tramandà i nostri veci, cussì el ga ragià contro el Roman Pontefice:
- "Ciò, vecio, scherzemio dasseno? Te averto che quà semo e sempre saremo "prima venexiani e po cristiani!"
Dopo, come se gnente fusse sucesso, Venezia ga continuà a trafegar co l'Oriente. Ossia xe stà un, come sol dirse, lassar andar le cosse fin che le andava, ma ne'l contempo la se tegniva pronta co le armi, caso mai ghe fusse stada na qualche reazion romana a la so risposta.
Ve podé ben imaginar se dopo un smàco de sto genere el Vicario de Cristo, poco usà a riçever ste rispostasse, no'l s'à ciapà na imbilàda co i fiochi e franze! Core el dito che parfin el sia morto de rabia, ma de questo no se ga mai vua prova. Senoché sta el fato che a ritacar discorso co Venezia poco dopo, xe stà el so sucessor Benedeto XII, la qual cossa ne lassa ben sperar che la notizia fusse vera.
Sto benedeto XII, un fià manco sproto de'l so predecessor, quando che'l ga visto l'andamento de la question, el s'à pensà na stratagema per refarse de quela buzarada data da i veneziani a la Sacra Santità papal cussì el ga mandà a dir a'l Mazor Consegio de i X:
- "Sentime ben, tosi, per conto mio de mì sò anca ben disposto a serar un ocio su i vostri trafeghi co l'Oriente, ma, per dover de la carica, bisogna per forza che a cospeto de la Cristianità mi resta solidal co me compare Clemente ve testé defunto. Alora, metemola in sti termini che desso ve digo: Mì fenzarò de no vedar la vostra desubidienza e vualtri (senza fenzar, sinò ve fulmino!) mandaré anualmente ne le casse de la mia Santità a Roma quel mucio de bezzeti, in contanti, che ve precisarà el mio imbassador. Intanto che speto la vostra risposta, finirò de dir suso quele orazion che nomadesso scominçio perché Dio ve ispira a mandarme la risposta giusta che vogio mì, sinò ve garantisso ... "
Da là un poco torna a Roma l'imbassador co la risposta de i veneziani:
- "Va ben, nualtri faremo anualmente ed desborso esoso de i bezzi patuì; ma nel contempo, se la Vostra Santità no ghe incresse (e se ghe incresse a nualtri no ne importa un figo marzo) metaremo na tasseta su le possession private de'l clero che quà, ostrega, el ga el bruto vizio de viver a màca e sarìa de bon esempio che'l pagasseel so tantunque come fa tuti i boni cristiani. Po, ghe daremo na repassadina de tasse anca a quei monteseli sostanziosi de richezze terestri che i siori Cardinai de la Vostra Santità, no parendo, se inmucia ne la nostra béla tera veneta. Se questo no bastasse a rimborsarne le spese "Crociate" che sostignemo per difender Candia, a l'ocorenza faremo na lege che abolisse el mantegnimento de i preti co i bezzi de la Republica. Po, vedaremo quale altre ispirazion ne passarà per la testa. per desso sempre per respeto de Nostro Signor Gesù Cristo, e gnente per altro, ve basa co riverenza la papuzza la vostra sempre poco afezionada- Venezia.
A sentir sta nova resistenza insolente, a'l Papa ghe bàte el cuor, ghe tremola i zenoci, el se sente la testa in rebalton e, metendose a osar pezo de un màto el ga dito a i so ministri: - "Ah, cussì la xe? Alora spéta mi che desso ghe scrivo a quei malnati un qualcosseta co'l mio nome sù!"
Defati, subito el te combina na BoIa Papal e precisamente quela che se ciama "In Coena Domini" indove che se parla de antighi privilegi clericali che la Serenissima no poi cambiar senza far sacrilegio ... Che guai farghe malegrazie a i preti drento i confini de la Republica ... Che le propietà terestri de i Cardinai le xe sacre ecc. ecc. Insoma, tuta na lagna de sto genere in difesa de le intocabili richezze de i Ministri de Dio.
E Venezia? Gnente paura mii amati conçitadini! EI cristianissimo Mazor Consegio el ga léta la "Bolla" scoconandose da'I rider, ben savendo zà da prima che menazzando i preti de mandarghe a domicilio l'impiegato de le tasse ... tuto el Clero se sarìa messo a far più cocodessi de na còca6• Po, senza scomporse, el ga proibia la difusion de la Boia papal su tuto el teritorio veneto. A quei pochi cristiani che la ghe fusse rivada de foravia (la furbità de çerti preti no la ga limiti) se consegiava de tegnirla in conto de gnente, perché Venezia no tolerava intromission de eclesiastici ne'I Governo de la Republica.
Cussì, fioi cari, xe propio stà come se la Boia no la fusse esistia.
Ciò, co le robe portae a sto punto, co sto continuo darse indrioman bòta per zocolada, le cosse se ga messo maleto dasseno e na guera 'sorda la ga scomenzà a circolar intra preti e veneziani.
Gera propio un tirarse a çimento uno co st'altro, tal qual, come zà dito, intra Castel ani e Nicoloti.
Quà bisogna dir s'ceto che in sta barafùsola el bon Dio no ghe pativa per gnente: Venezia no gera in lota co la religion ma solamente co i preti intrigabisi, e questo xe tuto un altro pàro de maneghe che ga la so importanza de ben specificar.
Per megio farve un quadro de quela che gera la situazion, ve darò un tipico esempio: Vignui a saver che in casa de un çerto Nunzio Apostolico se façeva, de scondon, discorsi contrari a l'autorità de'l Dose, i nostri inquisidori i ga fato saver a sto prelato che tuti i eclesiastici che andava ne la so casa i saria stai tegnui de ocio e che se no i ghe molàva de slenguazzar contro el Governo, i gavaria vuo el castigo merità, compreso quelo famoso de "La Cheba" che'l gera stà inventà aposta per punir i preti che se comportava malamente co la Republica. Po, tanto per scominçiar na musica dimostrativa, i ga ciapà un frate maldisente, sgnacandolo in preson drito de filato. Adiritura xe stà fato giustiziar tra Marco e Todaro un prete marchigian per le so nefandezze spionistiche e condanà a'l romitorio perpetuo un moscardin de Monsignor napolitan che l'onorava de ociae impertinenti, co massa frequenza, un bel toco de popolana canaregiota, onesta e timorata de Dio.
Per farvela curta, gera da credar che se le cosse le fusse seguitae in sta maniera, preti e veneziani i gavarìa fata pase soltanto quando el turco basarà la Crose, come sol dirse.
Per sorazonta, tuta la popolazion marciava lassandose drio le recie, ossia çercando de sentir i discorsi de quei che ghe stava a le spàle (anca questa la xe na espression tuta nostra) caso mai ghe fusse da rancurar, cussi no parendo, parolete dite de sbrisso, che le podesse portar a la descoverta de un secretissimo comploto clerical. Gera insoma na vita da no credar: ogni çitadin se trasformava volontariamente in sbiro e ogni sbiro no destacava mai l'ocio da le cèreghe de i preti.
El fatidico sigo: "Prima i Veneziani e po i Cristiani!" come un rabioso refolo de vento, sconvolzeva Campi, Cali, Salizade, fermando per ultimo la so corsa in Piazza, per zogatolar, co na tenerezza cocolona, intra le grespe de i stendardi de San Marco, dadrio de i quali la splendida religion de'I popolo venezian, in ogni tempo respetosa de Dio e de i Santi, gaveva custodio, bocon a bocon el più magnifico tempio de tuta la cristianità. Altro che' 'Bolle papali"! Venezia gaveva in oror ste piavolàe.
No ocore dir che sta maniera superbiosa de rebaltarse, sempre più la instizzava el papato, tantoché Paolo ve, sucesso intanto a Benedeto XII, visto che no andava a segno le menazze verbali e le "Bolle" intimidatorie , el ga volesto far un ato de forza e de autorità.
Ciò, el ga lanzà su la Serenissima gnente de manco che na furibonda scomunica, dita anca "Interdito", proibindo a i preti catolici de dir Messa e de soministrar i Sacramenti a quei nati decani de zentagia lagunar (che saressimo nualtri, a sentir lù!) che cresseva senza creanza e senza respéto per il Vicario de Cristo in tera.
Anca el privava in bòta, Dose e Senato, qualsiasi privilegio che ghe fusse rivà per condiscendenza papal prima de alora! Ma varda ti se questi no i xe sesti propio da mato! In sto momento gerimo a'l disiséte de avril 1606.
Ma tornaré a dimandar: E Venezia, cossa gàla fato?
Rispondo: Venezia, benedeti, da quela gran Regina che la gera, restando pacificamente sentada su'l so trono de secoli, co l'ocio che ghe rideva ancora berechin e fresco intra le rughe tanto vecie, la ga subito risposto cussi a Paolo V°:
- "Me incresse per la Vostra Santità, ma avendo el mio Governo provedùo aciò che l'Interdeto papal no'l riva gnanca a conossenza de'l mio popolo, i preti veneziani continuarà a dir Messa come sempre in tuto el teritorio veneto, co laso la permission de Dio Nostro Signor e de'I mio Dose Prinçipe regnante.
In quanto a i reverendi foresti, suditi de vostra Santità,
"se no ghe comoda el mio dir,
la porta la xe verta per partir!"
propio come che se esprime ciaramente un nostro dito popolar."
Per la verità, ciò, se capisse che le parole le gera magari un pocheto difarenti, a l'uso diplomatico, ma in struco, cari mii, se garantisse che la riposta gera questa.
Savemo da le "Cronache" che in sta barufa storica solamente i Gesuiti a'l gran completo e qualche Capuçin senza importanza i s'à messo da la parte de'I Papa. Alora el Dose ga scazzà sto ordene da Venezia, despropriandolo de le so enormi richezze e de i so conventi che i gera deventai tane de congiurati. Tuto el nostro Clero, co Paolo Sarpi in testa, fedelissimo a la Republica, ga continuà a far el so dover assistendo moralmente tuto el Veneto. Speremo che Dio ghe renda el merito.
Dopo sta ultima s'ciafa malignosa, Paolo V° el voleva a tuti i costi far guera a San Marco, ma propio na guera vera, co relativo armamento mortifero, per desterminarne tuti quanti, gnanca che fussimo pantegane schifose da negar in Canalazzo, e nò i fioi de Santa Romana Chiesa anca nualtri!
Ma subito el bon senso de le Nazion Catoliche ga sotoposto a la considerazion papal el fato che in quel momento la Serenissima la gera forte e più potente che mai, anca capaçe de darghe a l'eserçito papalin na mastruzzada da ogi santi.
Alora Paolo ve, fatose prudente, s'à chietà de colpo. Drio le bone parole de le stesse Potenze che se ga oferto de stramezar i barufanti, la pase intra i veneziani e el Papa xe stada fata: Roma ga ritirà la inutile scomunica e el Dose Leonardo Donato (novantesimo Prinçipe de Venezia) ga delibarà quel s'ciapo de preti e de frati intriganti che co tanto gusto che mai tegnivimo serai sù in preson. Ma no'l ga permesso el ritorno in çità de i Gesuiti, conossui da tuti come massa pevarini e intriganti.
Ecove infin contada, co tanta pressa purtropo (perché ghe saria tanti episodi gustosi che vorìa farve saver) la storia vera de l'antigo "Interdito" lanzà su Venezia per la rason che ve go dito e che, a i so tempi ga fato un ciasso malignaso.
Desso che xe oramai trascorsi tanti ani da quellontan 1606, el modo de pensar de i Vicari de Cristo el xe cambià e i interessi de'l Vaticano anca. Ancuo ne vien parfin da ridar pensando a'l vedo Paolo V° che, tuto ingalbanà da la rabia scomunica Venezia per el gran delito de tratar co çiviltà i ... fradéi separati!
In te sti tempi ecumenici, desso xe i catolici che se ingalbana de maravegia in te'l vedar i Papi ciapar a brazzacòlo tute le qualità de infedeli che i riçeve in Vaticano