Còsa se fà col
palù?
El palù? Na volta i inpaiéa le caréghe col palù.
Co la và intervistarli - la Nadia Breda - i so informatori, tuti ghe risponde ke l palù el serve pa inpajare le carèghe. Cualkedun ghe dixe ke i contadìn i se le inpajava da luri soli, le carèghe, d inverno co i faxea pasàre el tenpo a i filò; altri ghe conta ca vegnea zo da le montagne de la zènte a posta pa inpajàre carèghe : i
caregheta.
La fa in tenpo a intervistare l oltemo
raccoglitore de palù, Massimiliano Falcade de l Quartier del Piave, e conpagnarlo a
"raccogliere grandi mazzi di
palù, il 21 giugno 1991". Indove? Te i
palù, naturalmente, lì tornovia. A catàr palù te i palù.
El dixe Massimiliano Falcade ke, el periodo justo pa catare el palù, i è i oltemi cuìndaxe jorni de Jugno, parké el palù ormai l è cresù fin la so alté'za :
El palù pì alt l'é anca de pì de do metri, ma ghe n'é anca de pì pìcol.
L è el periodo justo anca parké no è gnancora cresésta la
scanthèrla, ke la ghe fà solo ke de i dàni a el palù, inmisiandoghése, ke dopo te toca fare fadìga dopia a
curarlo da tute erbe ca lo 'sporca', come.
Bixogna catàrlo prima ke i tenporàli i lo destìra n tèra, ke 'lora el se xmàr'za e prima ca vegna zo le prime fumàre ke
se nò el se inèbia, el dixe Massimiliano; el se màcia co l umidità e na olta ke l è seco, lì indoe ke ghè la macìna el se scavé'za.
Se fà fadìga catàrlo el palù, tel senso ke a no ghi n è pì de posti indoe ke l pòsa crésare :
Pian pian no se cata pì el palù parché i ara, i lavora, i parécia le tère, i elimina tuti i posti del palù, ghi n'era do tre pra dove ghi n'era palù che i lo taiéa a novenbre par stràn, i ghe à butà na medesìna e l'é secà tut, l'é mort anca el palù, adès vien su sol erba bòna.
èrba bòna a vièn-su
pòro-palù, ke i ghe ga butà la
medesìna e
l è secà-tut, l è morto anca el palù; gnan più da
stràn el ghe serviva, figuremose pa inpajare le carèghe.