El Gheto de Venèsia
viewtopic.php?f=131&t=792
Ki xe ca vien co mi fare on jreto al Gheto?
Pa scumitsiare na vixita al Gheto de Venetsia storicamente corèta ( e anca filolojicamente) se va dentro da l Gheto Novisìmo, da la parte de Stradanova. Pena zo da l sotoportego ( òcio a la testa pa cuei alti), so la destra se càta subito el Banco de i pegni, cueo famoxo ciamà 'el Banco Rosso'. A sinistra te càti el Muxeo Ebraico e la prima Scòla : la Schola Granda Todesca, la prima ca xe stà istituia (1528) dopo la apertura/chiusura del gheto. La xe la sinagoga de i ebrei askenaziti, i primi rivare Venetsia scapando da le persecutsiòn inte l 13. mo -14.mo sec. Na 'Schòla' no l è solo el tenpio indoe ca te vè a pregare, l è anca el - la 'Bet ha-kenesèth' , la Casa di Riunione indoe ca te te càti co kei altri de la comunità a discorare, e a studiare. Na confraternita, cofà le tante 'scuole' in Venezia.
Tute le Schòle le gà de i elementi comuni fondamentali ( oltre a l divieto de riprodure figure umane soto forma de dipinti o sculture) : inte 'a parete orientale a ghè l Aròn ha-qòdesh, l Arca Santa , ke l sarìa on armàro indoe ca ghè el Rotolo de la Leje, el Sefèr Torah; da la parte oposta a ghè la Bimah ( o Tevah) ke l xe on palketo indoe ca se mete l officiante. Longo le pareti o in mezo a la sala ghe xe i posti pa sentarse, ma solo i òmeni ke le dòne le sta sconte dedrio inte l 'matroneum' ( ke no me vien mente come ca se dixe). Le Scole venetsiane le xe tute a l ultimo piano. Forse pa via de l acoa alta.
Ma la sinagoga la jera roba pa i òmeni, le dòne le ghe ndava solo ke intee feste grande, po' xe mia obligatorio ndarghe come pa la relijiòn catolica; la vera santificazione la se fa el Sàbo, caxa soa, co la fameja, cueo xe el tenpio sacro. Elora le dòne, caxa soa, le inpitsa le candele e le recita la preghiera de apertura del Sabato ( ke però el scumitisa el vènare a l tramonto).
El Sèfer Torah, el Ròdolo de la Leje l è na pergamena ncora dèso tuta scrita a màn, da l sòfer, lo scriba specializzato ke l lo scrive co 'n inkiostro speciale e co la péna de oca. La letura del Sèfer la se fa de lùni, de zòbia e de sàbo, inte i jorni de festa e de dijuno.
El Sèfer l è scritura sacra, no se pòe tocarlo co le màn. Elora pa no perdare el senho i dòpara el Yad. L Yad la xe n astina ( de arjento de sòito) co la ponta a forma de 'manina' ke l letore el la dopara te le leture publike. Ma l Yad l è anca la Hamsa, on amuleto ( no solo ke de la cultura ebraica) en forma de màn, ke l te proteje da le dexgratsie e malegratsie. La hamsa la gà in mezo on òcio e tuto intornovia paroline majke o anca pière mistike pa la bòna sorte.Inte la trascrizion in ebraico la prima letera l è lo 'yud', na specie de apostrofeto ke saria la pì picinina de l alfabeto e la dovaria corispondare, secondo i kabalisti, a la 'sefirah chochmà' cioè l 'eone divino della saggezza'. La seconda letera, la 'dalet' poe sihnificare anca 'porta
... e la 'porta' pòe èsare cuea ca te verzi o te sèri co , ki ghe n à de bixonho, el vien a piciare da ti ( el poareto se dixe anca : el 'dal').
El dixe el Rabìno :
Viste sotto questo aspetto le due lettere rappresentano uno dei temi principali dell'ebraismo: l'annullamento del proprio ego ( per far spazio alla rivelazione di dio) e l'obbligo dell'uomo nei confronti dei suoi simili.
Avaria dovesto scrivare : D-O e no dio co la minuscola, ke l nome de D-O no se pòe scrivarlo, lezarlo, pronunciarlo. Forse solo pensarlo.
El yud lè n apostrofeto, on puntìn, na virgoleta. On gnente. El Nome : mano, spazio. Capacità di afferrare concetti, intelligenza, sapienza. Capacità di dare; aprire la mano. El Nùmaro : 10.
la dalet la ga la forma de na persona piegà. A vòe dire 'porta', ma anca 'povertà'. Umiltà. Il farsi piccoli e il piegarsi davanti alla volontà di Dio. Nùmaro : 4.
(foto : MEIS Ferrara)